Matiu 15:4 - Ika

⁴ Osolobuẹ ye iwu, sị, ‘Gbaye nẹdi i lẹ nnẹ i,’ sịzị, ‘Onyẹ kuja oku nẹdi ẹ mọbụ nnẹ ẹ, wẹ gbu ẹ.’

Matiu 15:4 Iomraidhean Croise

Ọpụpụ 20:12

“Gbaye nẹdi i lẹ nnẹ i, kẹn'i tọ imẹ anị ahụn Osolobuẹ wụ Chuku i rị e ye i.

Ọpụpụ 21:17

“Onyẹ kpọ nẹdi ẹ mọbụ nnẹ ẹ iyi, wẹ k'e gburịrị a.

Itẹn 20:20

Onyẹ kpari nẹdi mọbụ nnẹ ẹ, ukpẹ ẹ k'e tinyụnnahịn a imẹ ẹkpa-ishi.

Itẹn 23:22

Gi oku nẹdi i dọn, nị ịya mụ ị; elegberikwọlẹ nnẹ i ọ kagụ ẹgẹdi.

Itẹn 30:17

“Ẹnya hụn a mụ nẹdi ẹ ẹmụ, e legberi oku nnẹ ẹ, nnụnụ rị ọdanmgbugbu k'a gụpụha a, ụmụ udele e ri ẹ.

Azaya 8:20

Jẹn ni d'e kunrun Iwu Osolobuẹ lẹ ihiẹn ile ọ gwa ụnụ! Omẹni oku ịhịan gwa ụnụ lẹ Iwu Osolobuẹ a dangbamanị, ịya wụ nị ukpẹ arị imẹ wẹ.

Lẹvitikọsụ 19:3

“Onyẹ-onyẹ imẹ ụnụ k'a gbayerịrị nnẹ ẹ lẹ nẹdi ẹ. Ụnụ k'e girịrị ụhụọhịn Ezumikẹn ndị hụ m kayesọnmẹ zu ikẹn. Mmẹ wụ Osolobuẹ hụn wụ Chuku ụnụ.

Lẹvitikọsụ 20:9

Onyẹ kpọ nẹdi ẹ mọbụ nnẹ ẹ iyi, wẹ k'e gburịrị a. Ọ kpọgụọ nẹdi ẹ mọbụ nnẹ ẹ iyi, ẹdeke ẹ rị a isi.

Matiu 15:3

Jizọsị nọ za wẹ, sị, “Kị haịn ụnụ gi a dan iwu Osolobuẹ kẹni ụnụ kwadọn ọdịnalị ụnụ?

Matiu 15:5

Kanị ụnụ sị, ‘Onyẹ sị nẹdi ẹ mọbụ nnẹ ẹ, “E wegụọ m ihiẹn nkẹ m'e ye i ye Osolobuẹ,”

Matiu 19:19

gbaye nẹdi i lẹ nnẹ i; ihiẹn ibe i ya sụọ ị kẹ enwẹn i dọn a sụọ ị.”

Matiu 4:10

Ya kẹ Jizọsị nọ sị a, “Ekwensụ, pụ ebeni! Makẹni, e degụọ w'a imẹ Ẹkụkwọ-nsọ, sị, ‘Osolobuẹ wụ Chuku i k'i k'a kụnị isi-alị; ịya sụọ k'i k'e fe.’ ”

Ndị Rom 3:31

Ẹnyi rịdẹ nwan e gi oku okukweni a kagbu Iwu Mozizi ra? Mba, kaka; ẹnyi rị e gi ẹ a kwadọn ẹ.

Ndị Ẹfẹsọsụ 6:1

Ụmụ, e humẹni ni ndị mụnị ụnụ isi kẹ Onyẹ-nwọnni-ẹnyi dọn ku ẹ, makẹni o furu efuru.

Ditrọnọmi 27:16

“Ịbụ-ọnụ ya rịnị onyẹ ghalẹni a gbaye nẹdi ẹ mọbụ nnẹ ẹ.” Wẹ kugụ a, ịhịan ile sị, “Isẹẹ!”

Ditrọnọmi 5:16

“Gbaye nẹdi i lẹ nnẹ i, kẹ Osolobuẹ wụ Chuku ụnụ dọn gwa ụnụ, n'ị hụn ụzọ tọ lẹ n'ọ hụn ụzọ masịn'ị imẹ alị ahụn Osolobuẹ wụ Chuku ụnụ rị e ye ụnụ.