Matiu 13:44 - Ika

⁴⁴ “Alị-eze elu-igwee rị kẹ ihiẹn rị okẹn mkpa zueri imẹ alị imẹ ugbo, hụn onyẹ ohu hụn, ọ nọ zuemẹzi ẹ, gi ịghọghọ jẹn d'e rechanrịn ihiẹn ile o nwọn, ọ nọ bịa d'e ṅọnrin alị hụ.

Matiu 13:44 Iomraidhean Croise

Jobu 28:13

Ịhịan amarịn; w'a ra hụn a imẹ ndị rị ndụn elu ụwanị.

Itẹn 16:16

Inwọnrin amamihiẹn ka mma karị inwọnrin goru; ịhanrịn nghọta ka mma karị ịhanrịn siliva!

Itẹn 17:16

Kịnị kẹ onyẹ-ẹwobi rị e yeni wẹ egho w'e gi kuzi ẹ amamihiẹn, ebe o mẹni uche arịa a ẹfọ?

Itẹn 18:1

Onyẹ ya lẹ ndị ọzọ ghalẹni a sụọ a chọsọnmẹ nke ẹ nkẹ ẹ; ara gọndẹ ntịn ezigbo ndụnmọdụn.

Itẹn 23:23

Ṅọnrin ezioku; erekwọl'a; ṅọnrin amamihiẹn, ọzụnzụn lẹ nghọta.

Azaya 55:1

Bịa nị, ụnụ ile ẹgụn mirin rị a gụn, bịa nị ebe mirin rị; kẹ onyẹ ọwụlẹ gilẹni egho, bịa nị d'e ṅọnrin ihiẹn-oriri ri! Bịa d'e ṅọnrin manya lẹ mirin-ẹran ọfẹ, onwọnni ihiẹn ụnụ k'a kụ!

Matiu 13:24

Ọ nọ tazịnị wẹ ilu, sị, “Alị-eze elu-igwee rị kẹ ebe ịhịan nọ kụn mkpụrụ rị mma ugbo ẹ.

Matiu 13:46

Ọ hụn hụn ṅanran ọda-ọda, ọ nọ jẹn d'e rechanrịn ihiẹn ile o nwọn, bịa d'e ṅọnrin ẹ.

Matiu 13:47

“Alị-eze elu-igwee nọzị kẹ ọga wẹ tụye imẹ ohimin, ọ nọ nwụndọn azụn ile rị ichẹn-ichẹn.

Matiu 19:21

Jizọsị nọ sị a, “Ị chọ n'i zu oke, jẹnmẹ, repụ ihiẹn i nwọn, y'e we egho ẹ ye ndị igbẹnnyẹ, gi ẹ nwọn akụ-lẹ-ụba imẹ elu-igwee, y'a bịa d'e sọnmẹ m.”

Matiu 19:27

Ya Pita nọ sị, “Lee ẹ, ẹnyi a lagụọ ihiẹn ile tọ sọnmẹ i, kị ẹnyi jẹnkọ nwan d'e nwọnhẹn?”

Matiu 19:29

Onyẹ gi ufiri m latọ ezi-lẹ-ụlọ mọbụ umunẹ-ikẹnnyẹ mọbụ umunẹ-ikpoho mọbụ nẹdi mọbụ nnẹ mọbụ ụmụ mọbụ alị o nwọn jẹnkọ d'e nwọnhẹn wẹ mmagi-mmagi ụzọ ọgụn-isẹn, nwọnhẹnzikwọ ndụn itẹbitẹ.

Matiu 6:21

Makẹni, ebe akụ-lẹ-ụba ụnụ rị, ịya kẹ obi ụnụ jẹnkọ d'a rịzị.

Luku 14:33

Ẹrịrazịkwọ, onwọnni onyẹ ọwụlẹ imẹ ụnụ hụn k'a s'ẹka wụ onyẹ nsọnmazụụn m mmanị ọ latọchanrịn ihiẹn ile ọ nwọn!

Jọnụ 6:35

Jizọsị nọ sị wẹ, “Mmẹ wụ brẹdi hụn e ye ndụn. Onyẹ bịa d'e kunrunni m, ẹgụn agụnkọ a; onyẹ kwerinini m, ẹgụn mirin agụnkọ a.

Ndị Rom 15:4

Wẹ de ihiẹn ile wẹ de imẹ Ẹkụkwọ-nsọ ẹdẹi kẹni wẹ gi ẹ kuzi ẹnyi, kẹni ẹnyi hụn ụzọ e din ndidin, e gi ya lẹ nkasị-obi Ẹkụkwọ-nsọ e ye nwọnsọnmẹ olilẹnya ẹnyi.

Ndị Kolosị 2:3

Kraịstị hụn amamihiẹn lẹ nghọta ile zuerini rị imẹ ẹ.

Ndị Kolosị 3:16

A nị nị oku Kraịstị a rị imẹ ndụn ụnụ ọda-ọda. E gi ni amamihiẹn lẹ akọ-lẹ-uche ile a kuzi ibe ụnụ, a dụn wẹ ọdụn; e gi obi rị a kpanmịn Osolobuẹ a bụnị Osolobuẹ ẹbụ-ọma rị Ẹkụkwọ-nsọ lẹ ẹbụ-ofufe lẹ ẹbụ-nsọ.

Hibru 10:34

Ẹghẹẹ, ụnụ a chọ ihiẹn ụnụ e mẹni ndị rị ngan ogẹn hụ; kẹ wẹ napụ ụnụ ihiẹn ụnụ, ụnụ gidẹ ịghọghọ din ẹ, makẹni ụnụ a marịnghọ nị ụnụ lẹ enwẹn ụnụ nwọn hụn ka mma lẹ hụn k'a rị jẹnrin ejẹn.

Rẹvẹleshọnụ 3:18

M rị nwan a dụn ị ọdụn: ṅọnnarịn m ezigbo goru unyin rịlẹni, kẹni i hụn ụzọ wụrụ ọdanfịn nke-esi; ṅọnnarịn m ẹkwa ọchan yiri amamgbe w'a hụn ọtọ ị ahụn e mẹ ifẹnrẹn; ṅọnnarịnzị m ọgụn-ẹnya tụnye ẹnya, kẹni i leghama ụzọ.