Matiu 13:11 - Ika

¹¹ Ọ sị wẹ, “Nke ụnụ, e yegụọ wẹ ụnụ oghere ịmarịn banyeni ihiẹn-nzuzue Alị-eze elu-igwee, kanị eyeni wẹ wẹ oghere hụ.

Matiu 13:11 Iomraidhean Croise

Ẹbụ-ọma 25:14

Ndị a tụ egun Osolobuẹ k'ọ gwa uche ẹ, o mẹ wẹ a ghọta Iwu ẹ.

Azaya 29:10

Osolobuẹ a tụgụọ ụnụ okẹn-ụran; o kpumẹgụọ ụnụ ẹnya — ụnụ ndị-amụma, kpumẹ ụnụ isi — ụnụ ndị a hụn ụzọ.

Azaya 29:11

Ẹnya ụnụ, ọhụnnị ile wụhụ oku wẹ deye imẹ ẹkụkwọ, fụma, nyankin. Wẹ we ẹ ye onyẹ ma gụn ẹhụhụọ, sị a, “Gụn ihiẹnni, dodo,” ọ sị, “Asakọ m ẹka gụn a, wẹ nyankin ẹ anyankin ma!”

Azaya 35:8

Okẹn ụwaya k'a rị nwan alị hụ. Ẹfan a k'a wụ “Ụwaya-nsọ.” Ndị rịlẹni ọchan aghakọ a. Ndị hụn a gha ụzọ Osolobuẹ sụọ k'a gha a. Ndị marịnlẹni Chuku aghakọ ebẹhụ.

Matiu 13:10

Ya kẹ ndị nsọnmazụụn Jizọsị nọ bịa d'e kunrun ẹ, sị, “Kị y'e gini ilu-ilu a gwa wẹ oku?”

Matiu 16:17

Jizọsị nọ sị a, “Onyẹ wẹ gọzi agọzi k'ị wụ Saịmọnụ nwa Jona! Makẹni ẹlẹ ịhịan ghọsị ị ihiẹnni; Nẹdi m rị elu-igwee ghọsị ị ya.

Matiu 19:11

Kanị Jesu nọ sị wẹ, “Ẹlẹ ịhịan ile jẹnkọ d'a nabanhan okuni mmanị ndị wẹ gi ufiri wẹ ku ẹ.

Matiu 20:23

Ọ nọ sị wẹ, “Ezioku-ezioku, ụnụ jẹnkọ d'a ra ihiẹn rị imẹ mkpu m, kanị ẹlẹ mmẹ nwọn ku onyẹ k'a nọdị m ẹka-nni lẹ ẹka-ekpẹn; kama, ndị hụn Nẹdi m kwademẹn'ẹ wụ ndị k'a nọdị n'a.”

Makị 10:40

kanị ẹlẹ mmẹ nwẹn ku onyẹ k'a nọdị ẹka-ihiẹn m mọbụ ẹka-ekpẹn m; nke ndị wẹ kwademẹn'ẹ rọ.”

Makị 4:11

Ọ nọ sị wẹ, “Ụnụ kẹ w'a nị marịn ihiẹn-nzuzue Alị-eze Osolobuẹ, kanị nke ndị rị ogbe, ilu kẹ wẹ gi a gwa wẹ ihiẹn ile;

Luku 8:10

Ya ọ nọ sị wẹ, “Ụnụ kẹ wẹ ye oghere ịmarịn ihiẹn-omimi Alị-eze Osolobuẹ, nke ndị ọzọ wụ ilu-ilu, kẹni ọ wụrụ nị, ‘Wẹ hụ e lee ile, kanị arị wẹ e legha; wẹ hụ a nụ, kanị arị w'a ghọta.’

Jọnụ 6:65

Ọ nọ sịzị, “Ọnwan haịn m gi sị ụnụ n'o nwọnni onyẹ jẹnkọ d'a saẹka bịa d'e kunrun m mmanị Chuku-Nẹdi mẹ ẹ bịa.”

Jọnụ 7:17

Onyẹ kwademẹ obi ẹ n'o k'e mẹ uche Osolobuẹ ọ marịn kẹ nkuzi m gha ẹka Osolobuẹ bịa ra uche m kẹ m rị e ku.

Ọrụn Ndị-ozi 16:14

Okpoho ohu w'a kpọ Lidia hụ e gọn ntịn; onyẹ obodo Tịatira rọ; o re ẹkwa a ṅanrannị; o sọn ndị Ju e fe Osolobuẹ. Di-nwọnni-ẹnyi shịapụ a obi, ọ nọ gi ihiẹn Pọlụ rị e ku dọn.

Ndị Rom 11:25

Umunẹ m, m chọ nị ụnụ marịn ihiẹn-omimini, amamgbe ụnụ e ro nị ụnụ ka ndị ọzọ mkpa. Isi-akwanran Izrẹlụ k'e ruhụ ogẹn ndị wụlẹni ndị Ju banlanị e gi zu ọnụ.

Ndị Rom 16:25

Ọjịja-mma ya rịnị Osolobuẹ hụn k'a s'ẹka mẹ ụnụ zekẹnmẹ ghahanị oziọma m lẹ ihiẹn ẹnyi rị e ku banyeni Jesu Kristi. Oziọmanị rị e ku oku ihiẹn-omimi ẹdẹi te zuerini,

Ndị Kọrẹntị Ibuzọ 13:2

O mẹdẹ ni m nwọn oyiye m gi e bu amụma e zi ozi Osolobuẹ, nwọnzikwọ oyiye m gi a ghọta ihiẹn ile mini lẹ hụn m gi a marịnchanrịn ihiẹn ile; ọsụọn'a nị m nwọn okukwe ile, nwọndẹ hụn m gi a saẹka e bupụ ugu ọnọdị a bụ enwọn m ihiẹn-ọsụsụọ, onwọnni ihiẹn m wụ!

Ndị Kọrẹntị Ibuzọ 15:51

Gọn ni ntịn: nị m gwa ụnụ ihiẹn-omimini: ẹlẹ ẹnyi ile k'a nwụnhụn, kanị, ẹnyi ile jẹnkọ d'e nwọnhutọ!

Ndị Kọrẹntị Ibuzọ 2:14

Ịhịan-mmaka nwọnlẹni Mmọn-nsọ ara nabanhan ihiẹn Mmọn-nsọ, makẹni wẹ wụ nzuzu ẹnya a. Ọ ra saẹka ghọta wẹ makẹni Mmọn-nsọ kẹ wẹ gi a ghọha wẹ.

Ndị Kọrẹntị Ibuzọ 2:7

Mba, ẹnyi rị e ku oku amamihiẹn Osolobuẹ, ịmarịn-ihiẹn nzuzue hụ Osolobuẹ kwademẹtọ n'o d'e ke ụwa n'o k'e gi ẹ ye ẹnyi ọghọ.

Ndị Kọrẹntị Ibuzọ 4:1

O furu nwan nị ịhịan e weri ẹnyi kẹ idibo Kraịstị lẹ ndị ihiẹn-omimi Osolobuẹ rị ẹka.

Ndị Kọrẹntị Ibuzọ 4:7

Onyẹ gwa ị n'o nwọn ihiẹn rị ichẹn ẹgbata yụ lẹ ibe i? K'i nwọn wẹ yelẹn'i? Omẹni wẹ ye y'ẹ e ye, kị ị rị e gin'ẹ a nyan isi nọkẹ sị ẹlẹ wẹ ye y'ẹ e ye?

Ndị Ẹfẹsọsụ 1:18

M'a rịọ a ya kẹni ẹnya ụnụ shịapụ hụn obi ụnụ e gi ghọta, ụnụ a hụn ụzọ marịn ihiẹn hụn ọ kpọnị ụnụ, marịn ihiẹn ile higbu enwẹn ẹ ogbe o butọnị ndị-nsọ a;

Ndị Ẹfẹsọsụ 1:9

Ọ nọ nwan mẹ ẹnyi marịn ihiẹn o zuemẹye imẹ obi ẹ, ihiẹn hụn o rotọ n'o jẹnkọ d'a rụnpụha imẹ Kraịstị.

Ndị Ẹfẹsọsụ 5:32

Ihiẹnni e mikẹ; m gi ẹ e ku oku Kraịstị lẹ ụka.

Ndị Ẹfẹsọsụ 6:19

E mẹzikwọ nị nị mmẹ nwẹn ekpere, kẹni Osolobuẹ e ye m ihiẹn m sikọ d'e ku, m shịapụ ọnụ nị m zi oziọma, o mẹ m ku ẹ kushi ẹ ikẹn, e mẹ m wẹ marịn ihiẹn-omimi rị imẹ oziọma;

Ndị Kolosị 2:2

M rị a lụ nị ndụn ban wẹ obi lẹ nị wẹ wụrụ ndị wẹ gi ihiẹn-ọsụsụọ kwọngbama, kẹni ihiẹn Osolobuẹ wechanrịn wẹ ẹnya hụn obi e gi ruchanrịn wẹ alị, a marịn wẹ ihiẹn-omimi Osolobuẹ, hụn wụ Kraịstị lẹ enwẹn ẹ,

Timoti Ibuzọ 3:16

W'a rụ ụka a, ihiẹn-omimi rị ofufe Osolobuẹ e hikẹ — nị O gi ẹhụ pụha, Mmọn-nsọ a ghọsị nị ịya rọ nke-esi; ndị mmọn-ozi a hụnghọ a. Ịhịan e zisọnmẹgụọ ozi ẹ alị ichẹn-ichẹn; e kwerigụọnị w'a imẹ ụwa. O gi ọghọ lashi elu-igwee.

Timoti Ibuzọ 3:9

Wẹ k'a wụrịrị ndị e kwọnkẹnmẹ ihiẹn-omimi rị ofufe Kraịstị, ndị e dọnmẹ obi wẹ ọchan.

Jemisi 1:5

Onyẹ marịnlẹni ihiẹn o k'e mẹ, ya rịọ Osolobuẹ hụn a shịapụ ẹfọ e ye, hụn ghalẹni e kpe nị w'e rịọ a ihiẹn, o k'e ye ẹ amamihiẹn.

Jọnụ Ibuzọ 2:20

Nke ụnụ, udẹn Mmọn-nsọ hụn Onyẹ hụ rị nsọ te ụnụ rị imẹ ndụn ụnụ, ụnụ a marịnghọ ihiẹn ile.

Jọnụ Ibuzọ 2:27

O mẹ nke ụnụ, udẹn Mmọn-nsọ a hụn rị imẹ ndụn ụnụ a kuzi ụnụ ihiẹn ile, ẹlẹzi hụn ụnụ e gi chọmazị onyẹ k'a kuzini ụnụ. Ihiẹn udẹn Mmọn-nsọ a kuzi ụnụ wụ ezioku — ntụ arị a. Mẹ ni nwan ihiẹn ọ kuzi ụnụ: nọdị nị imẹ Kraịstị.