Matiu 12:10 - Ika

¹⁰ O nwọn okẹnnyẹ ohu rị ebẹhụ ẹka ohu nwụnhụn. Ụfọdụ ndị Itu-Farisi chọkọ ihiẹn w'e gi ma Jesu ikpe nọ sị a, “Iwu e kwerighọ nị wẹ zụọ ndị emu rị a kụ Ụhụọhịn Ezumikẹn?”

Matiu 12:10 Iomraidhean Croise

Azaya 32:6

Makẹni, onyẹ nzuzu marịnlẹni Chuku e ku eje-oku, e ro eje-ihiẹn, e mẹ eje-ihiẹn, e kuja oku Osolobuẹ. O yekọ ndị ẹgụn rị a gụn ihiẹn-oriri, o yekọ ndị ẹgụn mirin rị a gụn mirin.

Azaya 59:13

isi hụn ẹnyi nupụsọnmẹ okpuru Osolobuẹ lẹ ntụ ẹnyi gi sọn ẹ, kẹ ẹnyi dọn gbakitọ Chuku ẹnyi azụụn; a kwadọn nkịgbu lẹ nnupụ-isi, a kpachanpụ ẹnya a tụsọnmẹ ntụ.

Azaya 59:4

Onwọnni onyẹ a chọ ezioku; onwọnni onyẹ e kinchanrịn ihiẹn mẹni. Ikpe wẹ rị e kin ghalẹni e ru alị kẹ wẹ gi e dọn ẹnya, a tụsọnmẹ ntụ; w'e rotọsọnmẹ eje-ihiẹn e mẹ.

Zẹkaraya 11:17

O k'a jọ eje onyẹ-ndu atụnrụn hụ njọ, onyẹ hụn a la igunrun atụnrụn a tọ! Ọpịa-agha ya bepụ a ẹka, gụpụ a ẹnya ẹka-nni! Ẹka ya lịlọhịchanrịn a; ẹnya ẹka-nni ẹ ya kpuchanrịn ishi!

Matiu 12:2

Ndị Itu-Farisi a hụn ihiẹnni, wẹ nọ sị a, “Y'a hụn a, ndị nsọnmazụụn ị rị e mẹ ihiẹn iwu sị w'e mẹlẹ Ụhụọhịn Ezumikẹn.”

Matiu 19:3

O nwọn ndị Itu-Farisi bịa d'e shin'ẹ ọnyan, sị a, “Iwu e kwerighọ nị ihiẹn ile kẹ okẹnnyẹ gi e kpechan nwunyẹ ẹ?”

Makị 3:2

Ya wẹ nọ kemẹ Jesu nke kẹn'ọ zụọ a Ụhụọhịn Ezumikẹn, nị wẹ gi ẹ ma a ikpe.

Luku 11:54

a chọ ihiẹn rị a ọnụ, kẹni wẹ hụn ihiẹn wẹ e gi kwọndọn ẹ.

Luku 13:14

Kanị iwe nọ we onyẹ-isi ụlọ-ofufe nị Jizọsị zụọ ịhịan Ụhụọhịn Ezumikẹn. Ọ nọ gwama ndị rị ebẹhụ oku, “Akpọhịn isin rị a hụn furu ẹnyi e gi rụn ọrụn. Bịa nị ogẹn hụ d'a zụọ isi, ẹlẹ Ụhụọhịn Ezumikẹn!”

Luku 20:22

Gwa ẹnyi, Iwu ẹnyi e kwerighọ nị ẹnyi kụ eze-kanị wụ Siza ụgwọ-isi ra o kwerini?”

Luku 23:14

sị wẹ, “Ụnụ wẹhẹni m okẹnnyẹni n'ọ rị e dufie ndị alịnị. E lelegụọ m'a nwan idẹnya ụnụ; ahụnnị m eje-ihiẹn ndị hụ ụnụ sị nị ya k'o mẹ.

Luku 23:2

Wẹ nọ kinmẹ, sị, “Ẹnyi nwụn okẹnnyẹni k'ọ rị e dufie ndị alị ẹnyi, a sị wẹ akụzịlẹ eze-kanị wụ Siza ụgwọ-isi, a kpọ enwẹn ẹ Kraịstị hụn wụ eze.”

Jọnụ 5:10

Ya kẹ ndị-ndu ndị Ju nọ sị okẹnnyẹ hụ Jizọsị zụọ, “Tannị wụ Ụhụọhịn Ezumikẹn, o furuni nị y'e bu ute i. Iwu gi i.”

Jọnụ 5:3

Ndị bu ọda emu rị a kụ e dinẹsọnmẹ ẹworo ndị hụ: kẹ ndị ẹnya-ishi kẹ ndị ngụrọ kẹ ndị ọrọ kinmin, e che ni wẹ mẹhunmẹ mirin ọgọdọ hụ.

Jọnụ 7:23

Omẹni wẹ hụ a kwa okẹnnyẹ ugun mmaka Ụhụọhịn Ezumikẹn amamgbe w'a dan Iwu Mozizi, kị haịn ụnụ gi e weni m iwe nị m zụọchanrịn ẹhụ okẹnnyẹni Ụhụọhịn Ezumikẹn?

Jọnụ 8:6

Kanị wẹ rịhụ a chọ ihiẹn rị a ọnụ nị wẹ hụn ihiẹn w'e gi ma a ikpe. Ya kẹ Jizọsị nọ tukun, gi mkpịnsịn-ẹka a demẹ ihiẹn alị.

Jọnụ 9:16

Ụfọdụ ndị Itu-Farisi nọ sị, “Ẹlẹ Osolobuẹ zi okẹnnyẹni makẹni ara dọnmẹ iwu Ezumikẹn.” Ndị ọzọ sị, “Nanị onyẹ-njọ dọn nwan a saẹka a rụn ọrụn-atụmẹnya ndịnị?” Wẹ nọ kebe.