Matiu 11:11 - Ika

¹¹ “Ezioku kẹ m rị a gwa ụnụ, imẹ ndị ikpoho mụ, onwọnni onyẹ ka Jọnụ hụn e mẹ mirin-Chuku. Kanị, onyẹ hụn kachanrịn ntịn imẹ Alị-eze elu-igwee ka a.

Matiu 11:11 Iomraidhean Croise

Jobu 14:1

“Ịhịan okpoho mụ a tọhụ ẹkẹrẹ, a hụnjun ẹnya.

Jobu 14:4

Onyẹ k'a s'ẹka nọ ihiẹn rụnị wepụha ihiẹn rụlẹni? Onwọnni!

Jobu 15:14

Kị ịhịan wụdẹ hụn o k'e gi s'ẹka rị ọchan; kị onyẹ okpoho mụ wụ hụn o k'e gi s'ẹka mẹ ezi-omumẹ?

Jobu 25:4

Nanị kẹ ịhịan e dọn nwan s'ẹka rị ọchan ẹnya Chuku? Nanị kẹ ịhịan okpoho mụ a dọn nwan s'ẹka rị ọchan?

Ẹbụ-ọma 51:5

Onyẹ-njọ kẹ m wụ kete w'a mụlẹ m — kete nnẹ m a tụlẹ imẹ m!

Azaya 30:26

Ifọn k'e ti kẹ ẹnyanwụn, ẹnyanwụn nkẹ k'e tiwaye ụzọ ẹsa — lekẹ ukpẹ akpọhịn ẹsa — ogẹn hụ Osolobuẹ k'e gi kẹnmẹ ndị nke ẹ ebe ile maranị, zụọ wẹ ẹhụ ọ rụ wẹ.

Zẹkaraya 12:8

O ru ogẹn hụ, Osolobuẹ k'e che ndị bi Jerusalẹm nche; ndị ndụn te rịlẹni imẹ wẹ ogẹn ahụn k'e zedẹ kẹ Defidi; ebọn Defidi wụ eze k'a rị kẹ Chuku lẹ enwẹn ẹ, nọkẹ mmọn-ozi Osolobuẹ, buruni wẹ ụzọ.

Matiu 11:10

Hụnnị wụ onyẹ hụ wẹ de banyen'ẹ, sị, ‘Lee ẹ, m zila onyẹ-ozi m d'e burun'i ụzọ; ịya sikọ d'a kwan'ị ụzọ.’

Matiu 11:12

Gha ogẹn Jọnụ hụn e mẹ mirin-Chuku gi bidọn ọrụn a d'e ru ogẹnni, Alị-eze elu-igwee hụ e gi ikẹn-ikẹn a gha ihun, ndị ghalẹni e gi ẹ e gu egu hụzị e gi ikẹn a banye ẹ.

Matiu 3:1

Ogẹn hụ, Jọnụ hụn e mẹ mirin-Chuku nọ pụha imẹ atụ Judia, a hị,

Matiu 3:11

“Mmẹ nwẹn gi mirin-mmaka e mẹ ụnụ mirin-Chuku ụnụ gi a ghọsị nị ụnụ e rogharịgụọ. Kanị, onyẹ hụn sọnla m azụụn ka m ọhụnma-ọhụnma; erudẹni m onyẹ e bu akpụkụ a! Mmọn-nsọ lẹ ọkụn kẹ ya nwẹn k'e gi mẹ ọnụ mirin-Chuku.

Matiu 5:19

Ya wụ nị onyẹ nu hụn ọwụlẹ imẹ iwu ndịnị ye nkọ, a kuzi ịhịan ẹrịra, wẹ sikọ d'a kpọ hụnyẹ onyẹ kachanrịn ntịn imẹ Alị-eze elu-igwee. Kanị, onyẹ rị e dọnmẹ wẹ, a kuzi wẹ, wẹ sikọ d'a kpọ a okẹn-ịhịan imẹ Alị-eze elu-igwee.

Luku 1:15

makẹni o k'a wụ okẹn ịhịan ẹnya Di-nwọnni-ẹnyi. Ọ rakọ manya ọwụlẹ mọbụ manya zeni. Wẹ gini d'a mụ a, Mmọn-nsọ k'e jun ẹ ghakwọrị imẹ ẹfọ nnẹ ẹ.

Luku 7:28

Jesu nọzị sị: M rị a gwa ụnụ, imẹ ndị ile ikpoho mụ, onwọnni onyẹ ka Jọnụ. Kanị, onyẹ hụn kachanrịn ẹkẹrẹ imẹ Alị-eze Chuku ka Jọnụ.

Luku 9:48

ọ nọ sị wẹ, “Onyẹ gi ufiri ẹfan m nabanhan nwata nọ ẹnịna, mmẹ k'ọ nabanhan; onyẹ nabanhannị m nabanhan onyẹ zini m. Ya wụ, onyẹ hụn kachanrịn ẹkẹrẹ imẹ ụnụ ile, ịya wụ onyẹ hụn kachanrịnnị.”

Jọnụ 1:15

Jọnụ ku oku ẹ, yi, “Ọnwan wụ onyẹ hụn m rị e ku ogẹn m gi sị, ‘Onyẹ hụn lalanị m mẹmẹgụ ka m, makẹlẹ ọ rị a rị nị wẹ d'a mụ m.’ ”

Jọnụ 1:27

Ịya wụ onyẹ hụ lalanị m mẹmẹgụ. Erudẹni m onyẹ sikọ d'a tọpụ eriri akpụkụ a.”

Jọnụ 10:41

Ndị bu ọda nọ bịa d'e kunrun ẹ, Wẹ hụ a sị, “Jọnụ arụnnị akpụ ọrụn-atụmẹnya ohu, kanị, ihiẹn ile Jọnụ ku banyeni okẹnnyẹni wụ ezioku.”

Jọnụ 3:30

Kraịstị k'a gha a waye; mmẹ nwẹn k'a gha e belụa.

Jọnụ 5:35

Jọnụ te rị a dụn, e nwun kẹ ukpẹ; ụnụ a ghọghọghọ nị ukpẹ ẹ ẹkẹrẹ ogẹn.

Jọnụ 7:39

Jizọsị gi ẹ e ku oku Mmọn-nsọ hụn ndị kwerinin'ẹ jẹnkọ d'e nwọnhẹn. Wẹ eke ye wẹ Mmọn-nsọ ogẹn hụ makẹni Jesu eke nwụnhụn lihi nwọnrin ọghọ a.

Ndị Kọrẹntị Ibuzọ 15:9

Ezioku-ezioku, imẹ ndị ozi pụ-ichẹn ile, onwọnni onyẹ m han kẹ ya. Erudẹni m onyẹ w'a kpọ onyẹ-ozi pụ-ichẹn, makẹni m kpokpo ụka Osolobuẹ.

Ndị Kọrẹntị Ibuzọ 6:4

O mẹdẹ nwan nị ikpe ihiẹn ụwanị seni ụnụ, kị ụnụ e bun'ẹ nwan e jẹnni ndị ọnụ wẹ rulẹni oku ụka dọnzi?

Ndị Ẹfẹsọsụ 2:3

Eziẹ, ẹnyi ile e te bi k'ọ sụọ ẹnyi nọkẹ wẹ, e mẹ kẹ ẹhụ ẹnyi lẹ obi ẹnyi chọ. Iwe-lẹ-ọnụma Osolobuẹ te hụ e che ẹnyi nọkẹ ndị ọzọ ile.

Ndị Ẹfẹsọsụ 3:8

Ọsụọn'a nị mmẹ kachanrịndẹ ntịn imẹ ndị nke Osolobuẹ, o ye m oyiyeni kẹni m zi ndị alị ọzọ oziọmanị, gwa wẹ ezigbo ihiẹn nwọnlẹni ọgụgụ hụn jun imẹ Kraịstị,

Timoti Nke Ẹbụọ 1:10

ọ nọ mẹ ẹ pụha ifọn ogẹnni ghahanị ọbịbịa Kraịstị wụ Jizọsị Onyẹ-nzụọpụha ẹnyi bịa imẹ ụwa. Kraịstị wụ Jizọsị e mẹrigụọ ọnwụn, napụ a ikẹn. O gigụọ Oziọma wepụha ndụn lẹ ibi-jẹnrin-ejẹn ifọn.

Hibru 11:40

Makẹni, Osolobuẹ kwademẹni ẹnyi ọghọ ka mma, nị ezukọ wẹ oke bụ ẹnyi arịa.

Pita Ibuzọ 1:10

O mẹ nke nzụọpụhanị, ndị-amụma hụn Osolobuẹ gi kutọ oku ẹfọmanị ru nwan ụnụ ẹka ete chọka nị wẹ ghọha a, a chọ wẹ ntan chọ imọn,

Samuẹlụ Nke Ibuzọ 2:30

“Makẹ ufiri ẹ, Osolobuẹ, hụn wụ Chuku ndị Izrẹlụ, sị, ‘E te kwegụọ m nkwa nị ikpụnọ ị lẹ ẹbozo nẹdi i jẹnkọ d'a wụsọnmẹ ndị nchụn-ẹjan m.’ Kanị m sị ị nwan nị emẹkọzị m'a! Ndị ye m ọghọ kẹ m k'e ye ọghọ; ndị lelịanị m, e lelịa m wẹ.