Matiu 10:3 - Ika

³ Filipu lẹ Batolomi, Tamọsị lẹ Matiu (Matiu hụn te a na ụgwọ-isi), Jemisi nwa Alịfịọsụ lẹ Tadịọsụ,

Matiu 10:3 Iomraidhean Croise

Matiu 18:17

Ọ jụ n'o gọnkọ wẹ ntịn, gwa ndị ụka. Ọ jụkwọ n'o gọnkọ ụka ntịn, weri ẹ rịkẹ onyẹ ghalẹni e fe Osolobuẹ mọbụ onyẹ a na ụgwọ-isi furulẹni.

Matiu 27:56

Ndị hụ imẹ wẹ wụ Meri onyẹ obodo Magidala, Meri nnẹ Jemisi lẹ Josẹfụ lẹ nnẹ ụmụ Zẹbẹdi.

Matiu 9:9

Ogẹn Jizọsị gi gha ebahụn pụ, ọ hụn onyẹ ohu w'a kpọ Matiu ebe ọ nọdị alị ọdụ-ọrụn a ebe wẹ nọ a na ụgwọ-isi. Ọ nọ sị a, “Sọnmẹ m.” Ya Matiu nọ lihi ọtọ, sọnmẹ ẹ.

Makị 15:40

O nwọnzighọ ikpoho gha ebe teni e lecheni ihiẹn rị e mẹni; ndị hụ imẹ wẹ wụ Meri onyẹ Magidala lẹ Salomi lẹ Meri nnẹ Jemisi hụn-nta lẹ Josisi.

Makị 2:14

Ebe ọ ghafekọ, ọ nọ hụn Livaị nwa Alịfịọsụ k'ọ nọdị alị ọdụ ndị ụgwọ-isi, ọ nọ sị a, “Sọnmẹ m.” Livaị nọ lihi ọtọ, sọnmẹ ẹ.

Makị 3:18

ndị ọzọ wụ Andrụ lẹ Filipu lẹ Batolomi lẹ Matiu lẹ Tamọsị lẹ Jemisi nwa Alịfịọsụ lẹ Tadịọsụ lẹ Saịmọnụ hụn te rị ndị gi ẹka-ikẹn e mẹ ni wẹ chụpụ ndị Rom rị a kị alị wẹ,

Luku 18:10

Ọ sị, “Ikẹnnyẹ ẹbụọ jẹn Ụlọ-nsọ d'e mẹ ekpere: ohu wụ onyẹ Farisi, hụn-ẹbọ wụ onyẹ a na ụgwọ-isi — onyẹ wẹ gi njọ marịn.

Luku 18:11

Onyẹ Itu-Farisi e jẹnzụka, mẹ ekpereni: ‘Osolobuẹ, a kpanmịn m'ị nị anọnị m kẹ ndị ọzọ: m'a ra tụnarịn ịhịan ihiẹn ẹ, m'a ra tụ ntụ, m'a ra ghẹrẹ; anọdẹni m kẹ onyẹ ụgwọ-isi hụ rị ebẹhụ.

Luku 18:13

“Kanị, onyẹ ụgwọ-isi nọ wuzo ebe teni; ọ sadẹni ẹka bu ihun zinmẹ elu-igwee, kama, ọ hụ a fịan ẹka obi, a sị, ‘Osolobuẹ, dodo mẹ omikẹn m, onyẹ njọ kẹ m wụ!’

Luku 19:2

Okẹnnyẹ ohu w'a kpọ Zakịọsụ rị ebẹhụ. Zakịọsịnị rị ndị-isi ndị a na ụgwọ-isi; ọdanfịn k'ọ wụ.

Luku 5:27

Ọnwan e mẹgụ, Jizọsị nọ pụ; ya ọ nọ hụn onyẹ w'a kpọ Livaị hụn a na ụgwọ-isi kẹ ọ nọdị alị imẹ ọdụ wẹ n'a na ụgwọ-isi. Jizọsị nọ sị a, “Sọnmẹ m.”

Jọnụ 1:48

Ya kẹ Natanẹlụ nọ sị a, “Nanị ị dọn marịn m?” Jizọsị nọ sị a, “A hụngụọdẹ m'i k'ị rị okpuru osisi figi hụ nị Filipu d'a kpọ ị!”

Jọnụ 11:16

Ya kẹ Tamọsị (hụn w'a kpọ Ejimẹ) nọ sị ndị nsọnmazụụn ibe ẹ, “Nị ẹnyi nwẹn jẹnzi, kẹni ẹnyi sọn onyẹ-nkuzi nwụn!”

Jọnụ 14:22

Ya kẹ onyẹ nsọnmazụụn a ohu w'a kpọ Judasị (kalẹ ẹlẹ nwa Iskarọtụ) nọ sị a, “Di-nwọnni-ẹnyi, kị k'a ghọsịnị ẹnyi enwẹn i bụ y'a ghọsịkọ ụwa?”

Jọnụ 14:5

Tamọsị nọ sị a, “Di-nwọnni-ẹnyi, ẹnyi amarịn ebe i jẹnkọ, nanị ẹnyi e dọn marịn ụzọ a?”

Jọnụ 14:9

Jesu nọ sị a, “Filipu, hụnnị ile mmẹ lẹ ụnụ rị, y'e ke marịn m? Onyẹ hụnnị m a hụngụọ Chuku-Nẹdi. K'ị rị a sịnị, ‘Ghọsị ẹnyi Chuku-Nẹdi’?

Jọnụ 21:2

Saịmọnụ wụ Pita lẹ Tamọsị w'a kpọ Ejimẹ lẹ Natanẹlụ onyẹ obodo Kana rị Galili lẹ ụmụ-ikẹnnyẹ Zẹbẹdi lẹzi ndị nsọnmazụụn Jesu ẹbụọ ọzọ gba rị.

Ọrụn Ndị-ozi 1:13

A banye wẹ obodo hụ, ya wẹ nọ shi mmughẹ hụ rị ibe elu hụn w'a nọdị. Wẹ wụ ndịnị: Pita, Jọnụ, Jemisi, Andrụ; Filipu lẹ Tamọsị, Batolomi lẹ Matiu, Jemisi nwa Alịfịọsụ lẹ Saịmọnụ lẹ Judasị nwa Jemisi. Saịmọnụ te rị ndị hụn gi ẹka ikẹn a nwan nị wẹ chụpụ ndị Rom rị a kị alị wẹ.

Ọrụn Ndị-ozi 12:17

Ọ nọ gi ẹka sị wẹ gba nkịtịn. Ọ nọ kọwanị wẹ kẹ Di-nwọnni-ẹnyi dọn wepụha a imẹ ụlọ-ngan; ọ sị wẹ, “Gwa nị Jemisi lẹ ndị ụka họdụnị.” Ya ọ nọ pụ, shi ụzọ ọzọ.

Ọrụn Ndị-ozi 15:13

Pọlụ lẹ Banabasị e kugụ, Jemisi nọ sị, “Umunẹ m, gọn ni m ntịn:

Ọrụn Ndị-ozi 21:18

Eki e fọn, ẹnyi lẹ Pọlụ nọ wịrị d'a hụn Jemisi; ndị-isi ụka ile rịzịkwọ ebẹhụ.

Ndị Galeshịa 1:19

Onwọnni onyẹ ọzọ m hụn imẹ ndị-ozi pụ-ichẹn họdụnị wezụka Jemisi nwẹnẹ Di-nwọnni-ẹnyi.

Ndị Galeshịa 2:9

Ogẹn Jemisi lẹ Pita lẹ Jọnụ, ndị wẹ weri kẹ ndị-isi, gi hụn nị ẹka Osolobuẹ rị imẹ m, wẹ nọ na mmẹ lẹ Banabasị ẹka, nị ẹnyi lẹ wẹ wụ ohu, nị ẹnyi gha a rụn imẹ ndị wụlẹni ndị Ju, hụn wụ ndị kwalẹni ugun, wẹ nwẹn hụ a rụn imẹ ndị Ju, hụn wụ ndị kwa ugun.

Jemisi 1:1

Mmẹ wụ Jemisi de ẹkụkwọ-ozini. M wụ igbọn Osolobuẹ lẹ Di-nwọnni-ẹnyi wụ Jesu Kristi. M rị e dejẹnni ụmụ ebọn mmẹbụọ alị Izrẹlụ rị alị ndị ọzọ; e kele m ụnụ!

Judu 1:1

Mmẹ wụ Judu de ẹkụkwọ-ozini. M wụ igbọn Jesu Kristi. M wụzịkwọ nwẹnẹ Jemisi. M rị e dejẹnni ndị ahụn Osolobuẹ họrị, ndị ahụn rị Chuku-Nẹdi obi, ndị ahụn Jesu Kristi dọnmẹ: