Malakaị 4:3 - Ika

³ Ụnụ a zọkpụkpọ ndị-njọ, makẹni wẹ k'a rị kẹ ntụn okpuru ụkụ ụnụ ụhụọhịn m k'e mẹ ihiẹn m k'e mẹ. Ya kẹ Osolobuẹ ihiẹn ile rị okpuru ẹ ku.

Malakaị 4:3 Iomraidhean Croise

Jẹnẹsisi 3:15

“M k'e mẹ ịyụ lẹ okpohoni wụrụ eṅẹnrẹn, mẹzikwọ nwa ị lẹ nwa a wụrụ eṅẹnrẹn. Nwa a k'a zọkpọ ị isi; yụ nwẹn k'a ta nwa a atụ-ụkụ azụụn.”

Samuẹlụ Nke Ẹbụọ 22:39

E gweriẹnchanrịn m wẹ, asanị wẹ ẹka lihi; okpuru ụkụ m kẹ wẹ danye.

Samuẹlụ Nke Ẹbụọ 22:43

E gweriẹn m wẹ kẹ uzunzun rị alị; a sụ m wẹ, a zọ m wẹ ụkụ kẹ w'a zọ ịkpọtọ rị ogbe.

Jobu 40:12

Lee onyẹ mpache ọwụlẹ, y'e wetu ẹ alị; gbupụ ndị-ejẹ ebe wẹ wuzo ozigbo-ozigbo.

Ẹbụ-ọma 147:6

Osolobuẹ e weli ndị welụa enwẹn wẹ alị; kanị o nutu ndị njọ.

Ẹbụ-ọma 49:14

Wẹ k'a wụrụ atụnrụn lakọ mmọn; ọnwụn e duru wẹ kẹ onyẹ e du atụnrụn; ndị kụrụ ọtọ k'a kị wẹ eki fọn, ẹhụ wẹ e retọ imẹ ili ebẹhụ, ahụnkọzị wẹ okẹn ụlọ wẹ hụ biri.

Ẹbụ-ọma 91:13

Ị k'a zọ ẹwọrọ lẹ agwọ ụkụ, zọdẹ okoro-ẹwọrọ lẹ ekọn ụkụ!

Azaya 25:10

Osolobuẹ jẹnkọ d'e gi ẹka rị mma sọn uguni wụ Zayọnụ-Jerusalẹm; kanị o sikọ d'a zọgbu alị Mụabụ, kẹ w'a zọkpụkpọ ẹfịfịa ọkpọ-nkụn imẹ ẹjan w'a kụnye ihiẹn.

Azaya 26:6

Ịhịan a zọkpụkpọ a — ndị nwẹn wẹ te rị a bịangbu a zọkpụkpọ a, ndị igbẹnnyẹ a zọ a ụkụ.

Ẹkwan 1:15

Osolobuẹ a lagụọ ndị odogun-agha m tọ; o zigụọ ndị-agha d'a pịpịa ikorọbịa m ile. Osolobuẹ a zọpịpịagụọ Nwagbọọ wụ Juda kẹ w'e mẹ ebe wẹ nọ a zọ vaịnị.

Izikẹlụ 28:18

Y'e gigụọ njọ ị bu ọda lẹ ịzụ afịa rịlẹni mma, mẹrụ ebe rị ichẹn-ichẹn ị nọ e fe ofufe. Ya m nọ mẹ ọkụn gha imẹ i pụha, ọ nọ ripụ ị, e mẹ m'i họnrin ntụn rị alị, idẹnya ndị ile hụn ị mbụ.

Daniẹlụ 7:18

Kanị omẹgụ, ọkịkị lẹ alị-eze jẹnkọ d'a ban ndị-nsọ Onyẹ hụ Kachanrịnnị ẹka, ọ wụrụ nke wẹ, wụrụchanrịn, jẹnrin ejẹn.’

Daniẹlụ 7:27

Ogẹn ahụn kẹ wẹ jẹnkọ d'e gi we ọkịkị ile lẹ ikẹn lẹ ọghọ alị-eze ile rị okpuru igwere ye ndị-nsọ, ya wụ, ndị nke Onyẹ hụ Kachanrịnnị. Anị-eze lẹ ọkịkị a k'a tọ jẹnrin ejẹn, ndị ọkịkị ile k'e fe ẹ, e mẹ ihiẹn o ku.’

Maịka 5:8

Ẹghẹẹ, ebọn Jekọpụ hụn k'a họdụnị, hụn k'a rị imẹ igunrun alị ndị ọzọ bu ọda, k'a rị kẹ ẹwọrọ hụn rị imẹ anụmanụ ndị ọzọ rị ẹgboko; Wẹ k'a rị kẹ nwa-ẹwọrọ rị imẹ igunrun atụnrụn, ọ ghakọnị imẹ igunrun atụnrụn, ọ hụ a zọgbu wẹ, a dọrinrin wẹ, onwọnni onyẹ a saẹka a zụọpụha wẹ ẹka a.

Maịka 7:10

Ogẹn hụ, eṅẹnrẹn m a hụn a, ifẹnrẹn e mẹgbu ẹ onyẹ nwẹn te sị m “Elebe Osolobuẹ wụ Chuku i rị nwan?!” Ẹnya m k'a hụn k'ọ dan; o họnrin ihiẹn w'a zọ ụkụ nọkẹ ịkpọtọ rị ụzọ.

Zẹkaraya 10:5

Wẹ k'a lụ agha kẹ odogun-agha, zọgbusọnmẹ ndị-iṅẹnrẹn imẹ ịkpọtọ rị ọgbara-ogbe; wẹ k'a lụshi ikẹn makẹni Osolobuẹ k'a nọyeni wẹ, e gbe wẹ ifẹnrẹn ye ndị gidẹ ẹshin-agha ihun — ndị gi ẹshin-agha a lụsọn wẹ agha.

Malakaị 3:17

Osolobuẹ Nwọn ikẹn ile sị, “Wẹ jẹnkọ d'a wụrụ nke m, ụhụọhịn m jẹnkọ d'e mẹ ihiẹn m k'e mẹ e gi m wẹ họnrin ihiẹn m pụ ichẹn. M k'e mẹ omikẹn wẹ kẹ nẹdi dọn e mẹ omikẹn nwa a hụn e fen'ẹ.

Ndị Rom 16:20

O biekọ Osolobuẹ hụn e ye udọn a zọkpụkpọ Ekwensụ ye okpuru ụkụ ụnụ. Ẹfọma Di-nwọnni-ẹnyi wụ Jizọsị ya ru ụnụ ile ẹka.

Rẹvẹleshọnụ 11:15

Ya mmọn-ozi nke ẹsa nọ gbu opi ẹ, m nọ nụ okẹn olu rịsọnmẹ elu-igwee rị a sị, “Alị-eze ụwa a wụrụọlẹ nke Di-nwọnni-ẹnyi lẹ Kraịstị a; o k'a kị jẹnrin ejẹn!”

Rẹvẹleshọnụ 14:20

Ẹlẹ imẹ obodo kẹ wẹ nọ zọkpọ wẹ. Ẹdeke hụ a gha ebẹhụ e hupụha lekẹ iyi, iyi k'e ru ịhịan isi-uvun; o husọnmẹ d'e ru maịlị isin kwasị ọgụn-itenẹi gbegbegbe!