Malakaị 4:2 - Ika

² “Kanị, anwụn ihiẹn gi a rị mma sikọ d'a wanị ụnụ ile hụn a gbayeni m; o k'e bu nzụọrị ẹka-nku fehẹ, ụnụ a pụha, tụshimẹ elu nọkẹ ụmụ-efin wẹ kpọpụnị ụzọ!

Malakaị 4:2 Iomraidhean Croise

Samuẹlụ Nke Ẹbụọ 23:4

ọ nọ kẹ ukpẹ ụtụntụn, ebe anwụn nọ a wa, ebe igwere nọ mẹ zaị; ọ nọzị kẹ eki fọnpụnị kẹ mirin zuegụ hụn ẹfịfịa gi e pupụha alị.

Ẹbụ-ọma 103:3

ọ gbagharị ị njọ ị ile; ọ gwọ ị ọrịa ị ile,

Ẹbụ-ọma 147:3

Ọ kasị ndị obi rị a gbawa obi, o kẹnmẹ wẹ ebe wẹ rụsọnmẹ ẹhụ.

Ẹbụ-ọma 61:5

Makẹni y'a nụgụọ nkwa m kwe i, Chuku; y'e yegụọ m ihiẹn y'e ye ndị a gbayeni i.

Ẹbụ-ọma 67:1

Chuku ya dodo mẹni ẹnyi omikẹn; ya gọzi ẹnyi; ya gi ẹnya ọma lee ẹnyi. Sẹla

Ẹbụ-ọma 84:11

Makẹni, Osolobuẹ wụ Chuku ẹnyi wụ ẹnyanwụn lẹ akpaịn, ara gi ihiẹn ọwụlẹ rị mma jọ ndị obibi wẹ kụrụ ọtọ ẹfọ.

Ẹbụ-ọma 85:9

Ẹghẹẹ, o biekọ d'a zụọ ndị e fen'ẹ, kẹni alị ẹnyi nwọnmẹzi ọghọ a.

Itẹn 4:18

Kanị ụzọ onyẹ ezi-omumẹ nọ kẹ eki rị e fọnni, hụn e fọnwaye ofọnwaye-ofọnwaye d'e runi o fọnchanrịn.

Azaya 30:26

Ifọn k'e ti kẹ ẹnyanwụn, ẹnyanwụn nkẹ k'e tiwaye ụzọ ẹsa — lekẹ ukpẹ akpọhịn ẹsa — ogẹn hụ Osolobuẹ k'e gi kẹnmẹ ndị nke ẹ ebe ile maranị, zụọ wẹ ẹhụ ọ rụ wẹ.

Azaya 35:6

Ndị ngụrọ k'a tụshimẹ elu kẹ ele; ndị odin k'e yimẹdẹ oro ịghọghọ! Isi-mirin k'e jun imẹ alị ọkpọ-nkụn mirin rịlẹni, iyi a rịsọnmẹ ẹ!

Azaya 49:6

ọ sị: “Onwọnni ihiẹn ọ wụ n'ị wụhụ odibo m hụn k'e wekinhẹn ebọn Jekọpụ ọnọdị wẹ, hụn k'e wekinhẹn ndị Izrẹlụ m dọnmẹ ndụn; m k'e mẹzi i wụrụnị alị ndị ọzọ ile ukpẹ, kẹni i we nzụọpụha m ru ebe ile ụwa ru.”

Azaya 50:10

Onyẹ imẹ ụnụ ile a tụ egun Osolobuẹ, e mẹ ihiẹn odibo Osolobuẹ sị a mẹ? Onyẹ hụn rị a gha imẹ ishi, onyẹ hụn nwọnlẹni ukpẹ, hụnyẹ ya gi ẹfan Osolobuẹ dọn ẹnya, ya tụkwasị Chuku ẹ obi.

Azaya 53:5

Mba. Isi ẹnyi nupụ haịn wẹ gi dụn ẹ ihiẹn, njọ ẹnyi haịn wẹ gi mẹshi ẹ ikẹn; afụnfụn hụn ọ ta kẹ ihiẹn gi rịnị ẹnyi mma; ẹhụ wẹ rụsọnmẹ ẹ kẹ wẹ gi zụọ ẹnyi.

Azaya 9:2

ndị hụn rị a gha imẹ ishi k'a hụn okẹn ukpẹ; ukpẹ k'e nwunkpu ndị bi alị onyinyọn ọnwụn.

Jerimaya 17:14

Dodo zụọ m Osolobuẹ — makẹni i zụọ m, a dịnhịn m; zụọpụha m ẹka ndịnị — makẹni i zụọpụha m, a hụn m isi, makẹni ịyụ kẹ m'a ja mma.

Jerimaya 30:17

“M jẹnkọ d'e mẹ ẹhụ rịzị ị ikẹn; a changbu m'i ẹtẹ, makẹni wẹ rị a kpọ ị ‘onyẹ wẹ jụ’, ‘Zayọnụ nwọnlẹni onyẹ a jụ ukwere ẹ.’ Osolobuẹ e kugụọ a.”

Jerimaya 33:6

“ ‘Kanị, m jẹnkọ d'e dọnzi obodoni; m k'a zụọ wẹ, a dịnhịn wẹ, e mẹ m ihiẹn rịnị wẹ mma ọhụnma-ọhụnma, mẹsọnmẹ wẹ kẹ ndị nke m.

Izikẹlụ 47:12

“Ụdị osisi ọwụlẹ a mị mkpụrụ w'e ri k'a rị e sue mkpẹnrẹn iyini azụụnnị lẹ azụụnnị. Agbụkọ wẹ ẹhụhụọ, mkpụrụ agụkọ elu wẹ. Ifọn ile kẹ w'e gi a mị mkpụrụ, makẹni mirin wẹ rị a ra gha Ụnọ-NSỌ e hupụha. Mkpụrụ wẹ k'a wụ ihiẹn-oriri, ẹhụhụọ wẹ a wụrụ ọgụn.”

Hosia 6:1

Wẹ k'a sị, “Nị ẹnyi kinni azụụn ebe Osolobuẹ rị! Ọ dọkịkagụọ ẹnyi, kanị, o k'a zụọ ẹnyi; ọ rụgụọ ẹnyi ẹhụ, kanị, o k'e kẹnmẹ ẹtẹ ẹnyi.

Hosia 6:3

Nị ẹnyi marịn nị Osolobuẹ; nị ẹnyi lịlịma nị d'a marịn a! O k'a zarịrị ẹnyi k'o dọn mẹni eki k'e fọnrịrị; k'o dọn mẹni mirin k'e zuerịrị; k'o dọn mẹni udu-mirin k'a bịarịrị.”

Malakaị 3:16

Ya kẹ ndị a tụ egun Osolobuẹ nọ gwa ibe wẹ oku, Osolobuẹ nọ gọn ntịn ihiẹn wẹ ku, gụn a yeni wẹ. Ebe Osolobuẹ rị, wẹ nọ de ẹkụkwọ wẹ gi a nyanhan ndị ahụn a tụ egun Osolobuẹ, a gbaye ẹfan a.

Matiu 11:5

ndị ẹnya-ishi a hụnmagụọ ụzọ; ndị ngụrọ e jẹnmẹgụọ ijẹn; ndị oti hụ a dịnhịn, a wụbehi ndị rụnị; ndị odin a nụmagụọ ihiẹn; wẹ hụ e weli ndị nwụnhụnnị, e zi ndị igbẹnnyẹ oziọma.

Matiu 23:37

“Euu Jerusalẹm! Jerusalẹm!! Obodo hụn e gbu ndị-amụma, e gi ọmụma a magbu ndị wẹ zihẹn'ẹ! Mgbe ole-lẹ-ole kẹ m chọpụ nị m kpumẹ ụmụ ị kẹ nneku-ọhụhụ dọn e gi nku e kpumẹ ụmụ a, bụ y'a nịnị m!

Luku 1:50

O mẹsọnmẹni ndị hụn e humẹn'ẹ isi omikẹn gha agbọ d'e ru agbọ.

Luku 1:78

Ihiẹnni jẹnkọ d'e mẹ makẹ ẹfọma lẹ omikẹn Osolobuẹ ẹnyi, hụn anwụn elu-igwee e gi bịa d'a wanị ẹnyi,

Luku 2:32

Ukpẹ hụn jẹnkọ d'a ghọsị alị ndị ọzọ uche i, wẹhẹni ndị nke i wụ Izrẹlụ ọghọ.”

Jọnụ 1:14

Oku Chuku nọ họnrin ịhịan, sọn ẹnyi biri elu-ụwa. Ẹfọma lẹ ezioku jun imẹ ẹ! Ẹnyi a hụnọlẹ ikpẹn ẹ, ikpẹn akpụ Nwa ohu Chuku-Nẹdi mụ rọ.

Jọnụ 1:4

Imẹ ẹ kẹ ndụn rị; ndụn hụ wụ ukpẹ ịhịan ile.

Jọnụ 1:8

Ẹlẹ ya wụ Ukpẹ hụ, kalẹ ọ bịa d'a shịanị Ukpẹ hụ ẹri.

Jọnụ 12:40

“Chuku e mẹgụọ ẹnya kpu wẹ ishi, mẹ obi tikin wẹ — amamgbe wẹ e gi ẹnya wẹ legha ụzọ, gi obi wẹ ghọta, e gbehutọ wẹ d'e kunrun m; a zụọ m wẹ. Ya kẹ Chuku ku.”

Jọnụ 8:12

Ya kẹ Jizọsị nọ sịzị ndị ahụn o te rị a kuzi, “Mmẹ wụ ukpẹ ụwa. Onyẹ rị e sọnni m aghakọ imẹ ishi, kama, o sikọ d'e nwọn ukpẹ ahụn e ye ndụn.”

Jọnụ 9:4

Ẹnyi sikọ d'a rụnrịrị ọrụn onyẹ zihẹni m ebe eki rị elu, makẹni uhinhin lala, ogẹn wẹ ghalẹni a s'ẹka a rụn ọrụn.

Ọrụn Ndị-ozi 13:26

“Umunẹ m ndị ebọn Ebraham lẹ ndị a tụ egun Osolobuẹ imẹ ụnụ, e zihẹgụọnị wẹ ẹnyi oziọma nzụọpụhanị.

Ọrụn Ndị-ozi 13:47

Makẹni ya kẹ Di-nwọnni-ẹnyi sị ẹnyi mẹ: ọ sị, ‘E tumẹgụọ m ụnụ nị ụnụ wụrụ ukpẹ ndị alị ọzọ, kẹni ụnụ wẹhẹ nzụọpụha ebe ile rị elu ụwa.’ ”

Ọrụn Ndị-ozi 26:18

M zikọ ị d'a shịapụ wẹ ẹnya, kẹni wẹ pụha imẹ ishi shi imẹ ukpẹ, pụha okpuru Ekwensụ buru Osolobuẹ, kẹni Osolobuẹ gbagharị wẹ njọ, ye wẹ ọnọdị imẹ ndị wẹ gi okweri wẹ kwerini m dọn nsọ.’

Ndị Tẹsalonika Nke Ẹbụọ 1:3

Umunẹ, o furu nị ẹnyi gi ufiri ụnụ a kpanmịn Osolobuẹ ogẹn ile, makẹni okukwe ụnụ rị e sue ọda-ọda, onyẹ-onyẹ hụzị e nwọnwaye ihiẹn-ọsụsụọ ibe ẹ.

Pita Nke Ẹbụọ 1:19

Ẹnyi gi ẹ nwan marịn nị ihiẹn ndị-amụma ku imẹ Ẹkụkwọ-nsọ furu wẹ gi e dọn ẹnya. Ọ ka ụnụ mma nị ụnụ gi wẹ e dọn, nọkẹ ukpẹ ẹka rị e nwun imẹ ishi, d'e ru ni eki e fọn, Onyẹ ahụn wụ Kokisẹ-ụtụntụn e timẹ imẹ obi ụnụ.

Pita Nke Ẹbụọ 3:18

Kama, gi ni ẹfọma Jesu Kristi wụ Di-nwọnni-ẹnyi lẹ Onyẹ-nzụọpụha ẹnyi e suewaye imẹ okukwe; a marịnwayezi ni Di-nwọnni-ẹnyi. Ọghọ ya rịn'a ogẹnni, rịzịkwọn'a jẹnrin ejẹn, d'e ru ụhụọhịn ikpanzụụn! Isẹẹ.

Jọnụ Ibuzọ 2:8

kanị iwu ọhụn rọzị: Iwu ọhụnnị wụ ezioku, ọ hụ imẹ Kraịstị, ọ hụzịkwọ imẹ ụnụ — makẹni ishi hụ a ghafe, ezigbo ukpẹ e nwunmẹgụọ.

Rẹvẹleshọnụ 11:18

Alị ile e te kpọghọ ọnụma; kanị y'e gigụọ iwe-lẹ-ọnụma ị mẹ wẹ ihiẹn. Ogẹn y'e gi kin ndị nwụnhụnnị ikpe e rugụọ. Ogẹn y'e gi kụ idibo i ụgwọ e rugụọ nwan — idibo i ndị-amụma — lẹ ndị-nsọ lẹ ndị a tụ egun i — kẹ ndị uku kẹ ndị nta. Ogẹn y'e gi tikpọ ndị rị e tikpọ ụwa e rugụọzị!”

Rẹvẹleshọnụ 2:28

nọkẹ kẹ Nẹdi m dọn ye m ikẹn m gi a kị. M k'e yezikwọ hụnyẹ kokisẹ ụtụntụn hụ.

Rẹvẹleshọnụ 22:16

“Mmẹ wụ Jesu zi mmọn-ozi m d'e zi ụnụ ozini, kẹni o ru ụka ichẹn-ichẹn ẹka. Mmẹ wụ mkpọgụn Defidi gha suepụha; m ghazịkwọ ẹhụ Defidi pụha. Mmẹ wụ kokisẹ ụtụntụn ahụn e keni.”

Rẹvẹleshọnụ 22:2

O hukọ ahanmahan ụwaya ahụn rị obodo hụ. Osisi ahụn e ye ndụn rị iyi hụ azụụnnị lẹ azụụnnị. Osisi ahụn a mị ụdị mkpụrụ mmẹbụọ ahụa. Ifọn-ifọn kẹ ọ mị mkpụrụ. Wẹ gi ẹhụhụọ a a zụọ ndị alị ile emu.

Rutu 2:12

Osolobuẹ ya kụ ị ụgwọ ihiẹn-ọmanị ile i mẹ; ẹghẹẹ, Osolobuẹ wụ Chuku ndị Izrẹlụ, hụn i gbabanhan okpuru nku ẹ, ya kụ ị ụgwọ zu òke.”