Malakaị 3:7 - Ika

⁷ makẹni gha ogẹn ndị nẹdi ụnụ lala kẹ ụnụ latọma iwu m, ụnụ edọnmẹni wẹ. Bihutọ nị nwan ẹka buruhẹ m, kẹni m buruhẹzi ụnụ. Ya kẹ Osolobuẹ ihiẹn ile rị okpuru ẹ ku. “Kanị ụnụ hụ a jụ, ‘Elee ẹka kẹ ẹnyi k'e bihutọ?’

Malakaị 3:7 Iomraidhean Croise

Nehemiah 9:26

“Kanị e nupụkwọnị wẹ i isi; e nu wẹ Iwu i ye ụsụọ; e gbu wẹ ndị-amụma ị hụn gwa wẹ njọ wẹ kẹni wẹ gi ẹ rogharị buruhẹz'i; e mẹsọnmẹ wẹ ihiẹn bu ọda wẹ gi kpari i.

Azaya 65:2

A shịapụgụọ m ẹka m ẹbụbụọ kẹ ụhụọhịn han, e che ndị isi-ikẹn, hụn a ghasọnmẹ eje-ụzọ — e mẹ ihiẹn sụọnị wẹ,

Jerimaya 16:11

Sị wẹ nị Osolobuẹ sị, ‘Makẹni ndị nẹdi ụnụ kanị gbakitọ m azụụn, sọnmẹ mmọn ichẹn-ichẹn, e fe wẹ, a kpọnị wẹ isi-alị; wẹ gbakitọ m azụụn; edọnmẹni wẹ Iwu m.

Jerimaya 16:12

Kanị, ụnụ e mẹkarịgụọdẹ nwan ndị nẹdi ụnụ njọ! Onyẹ-onyẹ hụ e bu isi-ikẹn ebe ọ rị e mẹ ihiẹn eje-obi ẹ gwa a, jụ nị ụnụ egọnkọ m ntịn.

Jerimaya 3:22

Ụnụ ndị danpụgụnị, kinhẹn ni; m k'a zụọ ụnụ emu ịdankin-azụụn. “Ẹghẹẹ, ẹnyi k'e kinhẹn, makẹni ịyụ wụ Osolobuẹ Chuku ẹnyi.

Jerimaya 7:25

Ghakwọrị ogẹn hụ ndị nẹdi ụnụ gi gha alị Ijiptu pụha d'e ru ogẹnni, m hụ e zihẹni ụnụ idibo m ndị-amụma m ụhụọhịn-ụhụọhịn, e zi wẹ e zikwasị.

Jerimaya 7:26

Kanị ndị mụkwasị ụnụ nkẹ egọnzikwọnị m ntịn, efeyeni wẹ oku m ẹnya. E busọnmẹ wẹ isi-ikẹn, mẹkarịdẹ ndị nẹdi wẹ eje-ihiẹn.’

Izikẹlụ 2:3

Ọ sị m, “Nwa-ịhịan, m zikọ ị d'e kunrun ndị Izrẹlụ, alị nnupụ-isi hụ, hụn rị e feni m isi; wẹ hụ a pa oku m d'e ru tannị kẹ ndị nẹdi wẹ dọn mẹ.

Izikẹlụ 20:13

“Kanị ndị Izrẹlụ nọ pazịkwọ oku m imẹ atụ. Esọnni wẹ uhi m; a jụ wẹ ihiẹn ndị m sị wẹ e mẹ, hụn o mẹni onyẹ dọnmẹ wẹ ọ rị ndụn; e mẹrụ wẹ Ogẹn Ezumikẹn m ile, mẹrụ wẹ ọda-ọda. Ya m nọ sị nị m gi ọnụma sọn wẹ imẹ atụ, tikpọ wẹ.

Izikẹlụ 20:21

“Kanị ụmụ wẹ nọ pazịkwọ oku m: Esọnni wẹ uhi m, emẹni wẹ ihiẹn ndị hụ m sị wẹ mẹ hụn o mẹni onyẹ mẹ wẹ ọ rị ndụn; e mẹrụ wẹ Ogẹn Ezumikẹn m rị ichẹn-ichẹn. Ya m nọ sị nị m gi ọnụma sọn wẹ, gi olulu mẹ wẹ ihiẹn imẹ atụ ebahụn.

Izikẹlụ 20:28

e webanhan m wẹ imẹ alị ahụn m kun enwẹn m kwe wẹ nkwa, wẹ nọ kwama ese elu òke ọwụlẹ wẹ hụn n'o jẹn elu lẹ ukun osisi ọwụlẹ duni, e gi ẹjan ndị hụ a kpasu m iwe; a mụyeni mmọn nsẹnsi, e hu manya wẹ e yeni wẹ.

Izikẹlụ 20:8

“Kanị e nupụnị wẹ m isi, jụ n'e gọnkọ wẹ m ntịn; onwọnni onyẹ kpọnpụ mmọn ndị ahụn rụnị ọ rị e fe, alatọnị wẹ mmọn ndị hụ wẹ rị a rụa alị Ijiptu. Ya m nọ sị nị m gi ọnụma sọn wẹ, gi olulu mẹ wẹ ihiẹn imẹ Ijiptu.

Hosia 14:1

Rogharị nị nwan, ndị Izrẹlụ, kweyeni Osolobuẹ wụ Chuku ụnụ makẹni ụnụ a kpọgburugụọ njọ dan.

Zẹkaraya 1:3

Sị nwan ndị nke ụnụ, ‘Osolobuẹ ihiẹn ile rị okpuru ẹ sị: Kinhẹn ni nwan ebe m rị, nị m kinhẹn ebe ụnụ rị. Ya kẹ Osolobuẹ ihiẹn ile rị okpuru ẹ ku.’

Malakaị 1:6

“Nwa a gbaye nẹdi ẹ; odibo a gbaye di-nwọnn'ẹ. Omẹni nẹdi kẹ m wụ, mgbaye m? Omẹni di-nwọnni ụnụ kẹ m wụ, mgbaye m? Ya kẹ Osolobuẹ ihiẹn ile rị okpuru ẹ rị a jụ ụnụ ndị nchụn-ẹjan rị e budan ẹfan m. Ụnụ hụ a sị kẹ nanị ụnụ dọn budan ẹfan m?

Malakaị 3:13

“Osolobuẹ sị, ‘Ụnụ e kujagụọ oku m.’ “Kanị ụnụ sị, ‘Kị ẹnyi gi kuja oku i?’ ”

Matiu 23:27

“Nsọngbu rị e che ụnụ ndị-nkuzi Iwu lẹ ndị Itu-Farisi, ndị ihunnaị! Ụnụ nọ kẹ ili wẹ te nzụn: ị hụn a, ọ magbu enwẹn ẹ mma, kanị ọkpụkpụ ndị nwụnhụnnị lẹ ihiẹn ile rụnị e jun imẹ wẹ.

Luku 15:16

O te rị a n'o gi ihiẹn-oriri ezin e gbọn ẹgụn, kanị onwọnni hụn w'a nị a ri.

Ndị Rom 10:21

Nke ndị Izrẹlụ, ọ sị, “M shịapụ ẹka ụhụọhịn ile, e che ndị isi-ikẹnni rị e nupụ isi.”

Ndị Rom 10:3

makẹni aghọtanị wẹ ihiẹn wụ ezi-omumẹ ẹnya Osolobuẹ, ebe wẹ rị a chọ nị wẹ nwọnrin ezi-omumẹ nke wẹ, ekwerini wẹ bu enwẹn wẹ che ezi-omumẹ Osolobuẹ.

Ndị Rom 7:9

M te hụ ndụn kẹ m kelẹni nụ iwu; kanị, a nụ m ihiẹn ahụn iwu ku, njọ nọ tụlụa —

Ditrọnọmi 31:20

M webangụ wẹ alị ahụn mirin-ẹran anụ lẹ mirin-ẹnwụn jun, e hu, alị hụ m kun enwẹn m kwe ndị nẹdi wẹ kanị nkwa nị m k'e ye wẹ; wẹ rijungụ ẹfọ, du, wẹ jẹnkọ d'e sọnmẹ mmọn-lẹ-iyi, fe wẹ, la m tọ, tikpọ Iwu m gi kwọngbama mmẹ lẹ wẹ.

Jemisi 4:8

Nọkunmẹ ni Osolobuẹ kẹni Osolobuẹ nọkunmẹ ụnụ. Kwọpụ nị ẹka ụnụ, ndị njọ! Chanchanpụ nị obi ụnụ, ndị obi-ẹbụọ!