Malakaị 3:5 - Ika

⁵ M k'a nọzụnhan d'e kin ụnụ ikpe, a shịagbu m ndị e gi ikẹn ọzọ a rụn ẹri, elekọ m ẹnya azụụn, wẹ lẹ ndị di lẹ nwunyẹ ẹnya wẹ rị ogbe lẹ ndị a shịa ẹri ntụ lẹ ndị e ri ụgwọ-ọrụn ndị wẹ we ọrụn; ndị e mẹgbu ikpoho di wẹ nwụn lẹ ndị e mẹgbu ndị nwọnlẹni nẹdi lẹ ndị e nupụ abịamabịa — ndị ile ghalẹni a gbaye m. Ịya kẹ Osolobuẹ Ihiẹn ile rị okpuru ẹ ku.

Malakaị 3:5 Iomraidhean Croise

Jẹnẹsisi 20:11

Ebraham nọ sị a, “M mẹ ẹ makẹni m sị enwẹn m, ‘W'a ra tụ egun Chuku ebeni kaka akpohu; o ru tan e gi wẹ ufiri nwunyẹ m gbu m.’

Jẹnẹsisi 42:18

Nke akp'ọhịn ẹtọ, Josẹfụ nọ sị wẹ, “Nị m gwa ụnụ ihiẹn ụnụ k'e mẹ makẹ wẹ gha e gbu ụnụ, makẹni egun Chuku a tụ m a tụ:

Nehemiah 5:15

Kanị, ndị gọvanọ bu m ụzọ kị buye wẹ okẹn ibu, d'e ru ebe wẹ nọ sị wẹ tụhamanị wẹ ihiẹn-oriri lẹ manya lẹ akpụrụ egho siliva ọgụnnaị ụhụọhịn-ụhụọhịn; ndị ọrụn ndị gọvanọ a kịgbudẹ wẹ a kịgbu. Kanị, emẹni m ẹrịra, makẹ egun Osolobuẹ.

Jobu 31:12

Ọkụn hụn a dụnnị, e buhẹ Ntikpọ rọ — nkẹ o dụnpụchanrịn ihiẹn ile rị ugbo m.

Jobu 7:2

Kẹ igbọn rị ọrụn dọn a tụ ẹnya ẹnyasị anwụn gi a rọ lẹzi kẹ onyẹ wẹ we ọrụn dọn a tụkẹnmẹ ẹnya ụgwọ-ọrụn a,

Ẹbụ-ọma 36:1

O nwọn ihiẹn Chuku rị a gwa m imẹ obi: nị onyẹ-njọ jọ njọ ru alị, egun Chuku arị a ẹnya.

Ẹbụ-ọma 81:8

Ndị nke m, gọn ni m ntịn, nị m gba ụnụ mkpịnsịn-ẹka ẹnya, omẹni ụnụ e kweri gi oku m dọn:

Ẹbụ-ọma 96:13

wẹ ghọghọma ihun Osolobuẹ, makẹni ọ lala d'e kin ụwa ikpe. O k'e kin ụwa ikpe furuni; o k'a hannị ndị alị ile ezigbo eṅẹn.

Ẹbụ-ọma 98:9

wẹ yimẹni Osolobuẹ oro ịghọghọ n'ọ lala d'e kin ụwa ikpe. O k'e kin ụwa ikpe ọhụnma, o k'a hannị alị ile ezigbo eṅẹn.

Ọpụpụ 1:17

Kanị ikpoho ndịnị wẹ nọ ẹka wẹ a mụ nwa a tụ egun Osolobuẹ; emẹni wẹ kẹ eze dọn ku, egbuni wẹ ụmụ-ikẹnnyẹ ndị ahụn.

Ọpụpụ 18:21

Ka gha imẹ wẹ ile họrị ndị k'a saẹka kị — ikẹnnyẹ hụn a tụ egun Chuku, ikẹnnyẹ wẹ gi e dọn ẹnya hụn ghalẹni e ri egho azụụn; y'e tumẹsọnmẹ wẹ nị wẹ kị wẹ; ndị k'a kị madụ nnụ-uku nnụ-uku, ndị k'a kị ọgụn-isẹn ọgụn-isẹn, ndị k'a kị iri-kwasị-ọgụnnaị iri-kwasị-ọgụnnaị lẹ ndị k'a kị iri-iri.

Ọpụpụ 20:7

“Egikwọlẹ ni ẹfan Osolobuẹ wụ Chuku ụnụ mẹ ihiẹn furulẹni; makẹni, Osolobuẹ ahatukọkwọ onyẹ ọwụlẹ gi ẹfan a mẹ ihiẹn furulẹni.

Ọpụpụ 22:20

“Onyẹ ọwụlẹ chụnyeni mmọn ọwụlẹ ẹjan karị Osolobuẹ, wẹ k'e gburịrị a.

Itẹn 16:6

Ihiẹn-ọsụsụọ lẹ ezioku kẹ ịhịan gi e mẹ wẹ a gbagharị a njọ; egun Osolobuẹ kẹ ịhịan gi a gbanị eje-ihiẹn ọsọ.

Itẹn 8:13

Ịtụ-egun Osolobuẹ wụ ize-ize eje-ihiẹn; ize mpache lẹ nhọnrọn e ze m e ze, uwẹ lẹ eje-omumẹ lẹ oku rụnị.

Azaya 57:3

“Ụnụ nwẹn — bịa nị ebeni, ụmụ ndị igbomẹ! Ụmụ ikpoho zọ ụkụ ye ọfịa lẹ ndị ịgbaraja!

Jerimaya 23:10

Alịnị ile e mẹ ndị ughẹrẹ ndị ughẹrẹ; abụmọnụ Osolobuẹ e mẹgụọ alị kpọpụ nkụn, ẹfịfịa rị ebe wẹ nọ a zụn anụ e shinwụn — makẹni wẹ rị e bi eje-obibi, e gi ikẹn wẹ e mẹ ihiẹn ile.

Jerimaya 27:10

Ntụ kẹ wẹ rịkwọ a tụ ụnụ, ntụ hụn k'e wepụ ụnụ alị ụnụ, we ụnụ shi ebe tegbu enwẹn ẹ; makẹni, m sikọ d'a chụpụ ụnụ, ụnụ a la iwi.

Jerimaya 27:9

Ya wụ, egikwọlẹ ni oku ndị-amụma ụnụ dọn — wẹ lẹ ndị a gbanị ụnụ ẹfa lẹ ndị a rọ nrọ imẹ igunrun ụnụ lẹ ndị a hụnnị ụnụ ụzọ lẹ ndị-ihẹnrẹn ụnụ — ebe o mẹ ni wẹ rị a sị ụnụ nị “Eze Babilọnụ emẹrikọ ụnụ.”

Jerimaya 29:23

M k'e mẹ wẹ ẹbụbụọ ẹrịra makẹni e mẹgụọ wẹ arụ imẹ Izrẹlụ; a nagụọ wẹ ibe wẹ inyẹnmẹ, gi ẹfan m tụ ntụ, ku ihiẹn m gwalẹni wẹ kụ. A marịnghọ m ihiẹn wẹ mẹ; m wụ ọshẹri.’ ” Ya kẹ Osolobuẹ ku.

Jerimaya 42:5

Ya wẹ nọ sị Jerimaya, “Osolobuẹ ya shịagbu ẹnyi ẹri lekẹ ezigbo ọshẹri wẹ gi e dọn ẹnya omẹni ẹnyi emẹni ihiẹn Osolobuẹ wụ Chuku i gwa ẹnyi, mẹchanrịn a k'o dọn ku ẹ.

Jerimaya 5:2

Ọsụọn'a wẹ kun ẹfan m, ntụ kẹ wẹ rịkwọ a tụ!”

Jerimaya 5:29

Kị wụ nị eyekọ m wẹ afụnfụn ihiẹnni?” Ya kẹ Osolobuẹ ku; “Kị wụ n'e mẹgwarịkọ m alị nọ ẹnịna?

Lẹvitikọsụ 19:13

Emẹgbulẹ ibe i mọbụ zun ẹ ohin. Anịlẹ egho onyẹ i we ọrụn nọ ị ẹka nị eki fọn.

Lẹvitikọsụ 20:10

“Onyẹ mẹ mgba nwunyẹ ibe ẹ, wẹ k'e gburịrị kẹ hụn okẹnnyẹ mẹ mgba nwunyẹ ịhịan kẹ hụn okpoho zọ ụkụ ye ọfịa.

Lẹvitikọsụ 20:27

“Wẹ k'e gburịrị okẹnnyẹ mọbụ okpoho ọwụlẹ rị imẹ igunrun ụnụ hụn a gba ẹfa mọbụ a ma ozun mọbụ onyẹ a gwọ ọgụn; ụnụ k'e girịrị ọmụma magbu wẹ. Ẹdeke wẹ k'a rị wẹ isi.”

Lẹvitikọsụ 20:6

“M k'e mẹshi onyẹ k'a chọjẹn ndị a gba ẹfa lẹ ndị a gwọ ọgụn ikẹn, o gi gbasọnmẹ wẹ nọkẹ ịgbaraja — m k'e bepụ a imẹ ndị nke ẹ.

Maịka 1:2

Gọn ni ntịn, ndị alị ile; ụnụ ile, gọn ni ntịn! Elu-ụwa lẹ ihiẹn ile rịn'a, gọn ntịn! Gọn ni ntịn, nị Osolobuẹ nwọnni ẹnyi shịagbu ụnụ ẹri; n'ọ gha Ụnọ-NSỌ a rị nsọ ku ihiẹn ụnụ mẹ!

Habakọkụ 1:12

“Euu Osolobuẹ, y'ẹlẹzi Onyẹ hụn rị ẹdẹi ra? Chuku m, Onyẹ-nsọ m, ẹnyi anwụnkọ! Euu Osolobuẹ, y'e tumẹgụọ ndị Babilọnụ n'i gi wẹ ye afụnfụn njọ. Heuu, Okẹn-nkumẹ, y'e tumẹgụọ wẹ nwan n'i gi wẹ jụgbọ.

Zẹkaraya 11:12

M nọ nwan sị wẹ, “Omẹni ọ hụghọ mma ẹnya ụnụ, kụ nị m ụgwọ ọrụn m; kanị, omẹni ọ rịnị mma ẹnya ụnụ, ụnụ a gharị.” Ya wẹ nọ ye m egho-ọrụn m, akpụrụ siliva iri kwasị ọgụn mmakalaka!

Malakaị 1:6

“Nwa a gbaye nẹdi ẹ; odibo a gbaye di-nwọnn'ẹ. Omẹni nẹdi kẹ m wụ, mgbaye m? Omẹni di-nwọnni ụnụ kẹ m wụ, mgbaye m? Ya kẹ Osolobuẹ ihiẹn ile rị okpuru ẹ rị a jụ ụnụ ndị nchụn-ẹjan rị e budan ẹfan m. Ụnụ hụ a sị kẹ nanị ụnụ dọn budan ẹfan m?

Malakaị 2:14

Ụnụ hụ a jụ, “Kị haịn Osolobuẹ gilẹni a narịn oyiye ẹnyi?” Osolobuẹ rị a shịagbu i ẹri haịn, ọ rị a hannị ịyụ lẹ nwunyẹ-ụtụntụn ị eṅẹn ebe ị nọ la a tọ, ọsụọn'a nị ịyụ lẹ ịya rị kete-kete, ọsụọn'a n'i kwe nkwa lụrụ a.

Malakaị 2:17

Ụnụ e kusọnmẹ ihiẹn ndụn ụnụ gi a gụ Osolobuẹ. Kanị ụnụ sị, “Nanị kẹ ẹnyi dọn ku ndụn-ọgụgụ ye ẹ obi?” Ụnụ a sị, “Ndị ile e mẹ eje-ihiẹn wụ ezigbo ịhịan ẹnya Osolobuẹ; ihiẹn wẹ a sụọd'a a sụọ,” mọbụ “Elebe kẹ Osolobuẹ hụn a han ezigbo eṅẹn rị?”

Luku 23:40

Hụn-ẹbọ nọ jụgbọ hụn ku ihiẹnni, sị, “Y'a ra tụdẹ egun Osolobuẹ, ebe o mẹ ni ikpe ohu kẹ wẹ mazị yụ nwẹn?

Ndị Rom 3:8

Kị haịn ẹnyi gilẹni nwan sị, “Nị ẹnyi mẹsọnmẹ eje-ihiẹn kẹni ihiẹn rị mma gha imẹ ẹ pụha?” (Bụ ya kẹ ndị rị e kuja oku ẹnyi sị nị ya kẹ ẹnyi e ku. Wẹ furu w'a ma ikpe).

Ditrọnọmi 15:13

O ru ogẹn y'e gi hatu ẹ, agbakwọl'a ẹka la.

Ditrọnọmi 18:10

y'e enwọnkwọlẹ onyẹ ọwụlẹ imẹ igunrun ụnụ gi nwa a okẹnnyẹ mọbụ okpoho chụn ẹjan w'a dụn ọkụn mọbụ onyẹ a gba ẹfa mọbụ onyẹ a kọwa oro ihiẹn kẹ wẹ e mẹ mọbụ onyẹ nwọn mmọn o gi a hụn ụzọ mọbụ onyẹ a gwọ ọgụn;

Ditrọnọmi 24:17

Anapụkwọlẹ ni abịamabịa mọbụ nwa nwọnlẹni nẹdi ihiẹn run'ẹ, mọbụ kịnarịn okpoho di ẹ nwụn ẹwuru ẹ gi fieri ụgwọ.

Ditrọnọmi 27:19

“Ịbụ-ọnụ ya rịnị onyẹ k'a napụ ndị abịamabịa, ndị nwọnlẹni nẹdi lẹ nnẹ lẹ ikpoho di wẹ nwụnhụn ihiẹn runi wẹ.” Ịhịan ile sị, “Isẹẹ!”

Ditrọnọmi 5:11

“Egikwọlẹ ni ẹfan Osolobuẹ wụ Chuku ụnụ mẹ ihiẹn furulẹni, makẹni Osolobuẹ ahatukọkwọ onyẹ gi ẹfan a mẹ ihiẹn furulẹni.

Ndị Tẹsalonika Ibuzọ 4:6

ịhịan ewerikọ ihiẹn nwẹnẹ ẹ mọbụ mẹgbu nwẹnẹ ẹ imẹ ihiẹnni. Ẹnyi a gwagụọ ụnụ ya mbụ, gba ụnụ mkpịnsịn-ẹka, nị Di-nwọnni-ẹnyi e mẹgwarịkwọ ụdị ihiẹn ndịnị ile e mẹgwarị.

Hibru 13:4

Gbayekẹnmẹ ni ọlụlụ di-lẹ-nwunyẹ; kẹ di kẹ nwunyẹ ẹ dọnmẹ enwẹn ẹ makẹ elu-ukpo wẹ gha a rụ, makẹni Osolobuẹ jẹnkọ d'a ma ndị ughẹrẹ ikpe.

Jemisi 5:12

Hụn ka mkpa umunẹ m, ekunlẹ ni ihiẹn ọwụlẹ, kaka! Kẹ elu-igwee kẹ elu-ụwa kẹ ihiẹn ọzọ ọwụlẹ. Kama, omẹni ẹghẹẹ rọ, sịhụ “Ẹghẹẹ;” omẹni mba rọ, sịhụ “Mba” amamgbe Osolobuẹ a ma ị ikpe.

Jemisi 5:4

Gọn ni ntịn! Egho ụnụ jụ nị ụnụ akụkọ ndị sụnnị ụnụ ọfịa rị nwan a shịagbu ụnụ ẹri! Ẹkwan ndị ghọnị ụnụ ihiẹn-ugbo e rugụọzị Osolobuẹ nwọn ikẹn ile ntịn!

Rẹvẹleshọnụ 21:8

“Kanị, ndị ụjọ lẹ ndị-ghẹrẹghẹrẹ lẹ ndị rụnị; ndị-izighẹ lẹ ndị ughẹrẹ; ndị ile a gwọ eje-ọgụn; ndị a rụa mmọn lẹ ndị-ntụ ile — wẹ ile shikọ d'a rị odiyiri ọkụn lẹ nsịn-ẹnyanwụn hụ, hụn wụ ọnwụn nke mgbe ẹbụọ.”

Rẹvẹleshọnụ 22:15

Makẹni ndị e bi kẹ nkitẹ, ndị nshi-lẹ-ẹjan, ndị ughẹrẹ, ndị-izighẹ, ndị a rụa mmọn lẹ onyẹ ọwụlẹ e mẹ mọbụ a kwadọn ihiẹn ya lẹ ntụ wị abanyekọ obodo hụ.