Malakaị 1:2 - Ika

² Osolobuẹ sị ndị Izrẹlụ, “A ghọsịghọlẹ m ụnụ nị ụnụ rị m ụda.” Kanị ụnụ hụ a sị, “Nanị kẹ ẹnyi dọn rị ị ụda?” Mmẹ wụ Osolobuẹ sị, “Ẹlẹ umunẹ kẹ Isọ lẹ Jekọpụ wụ? Kanị Jekọpụ rị m ụda,

Malakaị 1:2 Iomraidhean Croise

Jẹnẹsisi 25:23

Osolobuẹ nọ sị a, “Alị ẹbụọ rị ị ẹfọ; madụ ẹbụọ i jẹnkọ d'a mụ k'e kebe; ohu k'a ka ibe ẹ, onyẹ isi rịn'a k'a rị okpuru ejimẹ.”

Jẹnẹsisi 25:25

Hụn bu ụzọ pụha hụ e nwun ufie-ufie; o mẹ ẹṅẹnrẹn-ẹṅẹnrẹn nọkẹ sị wẹ yimẹ ẹ ẹṅẹnrẹn, ya wẹ nọ gụn a “Isọ”.

Jẹnẹsisi 25:26

Omẹgụ, nwẹnẹ ẹ a pụha; o gi Isọ atụ-ụkụ azụụn k'ọ pụla! Ya wẹ nọ gụn a “Jekọpụ”. Aziki rị ahụa ọgụn ẹtọ kẹ Rebika mụn'a ụmụ ẹbụbụọnị.

Jẹnẹsisi 27:33

Ẹhụ nọ mama Aziki nni ọda-ọda, ọ sị, “Onyẹ wụ nwan onyẹ ahụn gbuhẹni m anụ n'ị d'a banhan? E rigụọ m anụ ahụn, gọzigụ onyẹ ahụn n'ị d'a banhan! A gọzigụọlẹ m'a; ngọzi ahụn k'e sọn ẹ!”

Jẹnẹsisi 48:4

Ọ sị m, ‘Lee ẹnya, m k'e mẹ i mụba, ba ụba ọda-ọda; m k'e gi i họnrin alị hụn nwọn alị ichẹn-ichẹn; m k'e we alịnị ye ụmụ ị n'ọ wụrụ nke wẹ jẹnrin-ejẹn.’

Ndị-nze Nke Ibuzọ 10:9

Ọjịja-mma ya rịnị Osolobuẹ wụ Chuku i, hụn ihiẹn i sụọ, ọ nọ bu i che ukpo Izrẹlụ. Ufiri ihiẹn-ọsụsụọ itẹbitẹ Osolobuẹ nwọnni Izrẹlụ k'o gi tumẹ i eze, n'ị hụn ụzọ kwadọn ezi-omumẹ lẹ imẹ ihiẹn furuni.”

Ndị-nze Nke Ẹbụọ 3:8

Jehoshẹfatị nọzị sị a, “Elee ụzọ kẹ ẹnyi k'a gha?” Ọ nọ sị a, “Ụzọ rị alị ọkpọ-nkụn Ẹdọm kẹ ẹnyi k'a gha.”

Azaya 43:4

Ebe o mẹni ị rị m mkpa lẹni m'a ra gi i gu egu, lẹzini ihiẹn i sụọ m a sụọ, m k'e gi ịhịan gbarị isi i, m k'e gi ndị alị ọzọ gbarị isi i.

Azaya 63:1

Onyẹ wụ onyẹni gha Bozra rị alị Ẹdọm pụla? Onyẹ pụla ihiẹnni ẹwuru ẹ rị e nwun kẹ ihiẹn ẹdeke huye? Onyẹ wụ onyẹni kẹn ekikẹn ndị-nze, jẹnla ndụn-ndụn?! “Mmẹ Osolobuẹ rọ! M gi ẹ e ku nị a tụgụọnị m ụnụ ụya; mmẹ hụn a zụọpụhanị!”

Jerimaya 2:31

“Ụnụ ndị agbọnị, lekwọ nị ihiẹn Osolobuẹ ku: “Ọ sị: M wụdẹ nwan atụ ẹnya Izrẹlụ ra? M wụdẹ nwan alị gbagbu enwẹn ẹ ishi ẹnya a ra? Kị haịn ụnụ ndị nke m gi a sị, ‘Ẹnyi e weri nwan enwẹn ẹnyi; ẹnyi abịakọzị ebe ị rị’?

Jerimaya 2:5

Lee ni ihiẹn Osolobuẹ ku: ‘Elee eje-ihiẹn kẹ ndị nẹdi ụnụ hụn m ẹka, wẹ gi gbateni m ẹnịna? E sọnmẹ wẹ mmọn nwọnlẹni isi wẹ kpụ, wẹ nwẹn nọzilẹni nwọn isi.’

Jerimaya 31:3

O nwọn ogẹn Osolobuẹ gi bịa d'e kunrun m, sị m, “Ihiẹn-ọsụsụọ ghalẹni a gụ kẹ m nwọn ebe ụnụ rị. Ya haịn m gilẹni e mẹbehi ụnụ kẹ ndị nke m.

Emọsụ 1:11

Osolobuẹ sị: “Makẹ njọ ẹtọ ndị alị Ẹdọm mẹ, njọ ẹnọ dẹ, erohutọkọ m, m k'e yerịrị wẹ afụnfụn: makẹni o gi ọpịa-agha chụ umunẹ ẹ ndị Izrẹlụ, o mẹdẹni omikẹn wẹ, kama, o gi olulu mẹ wẹ ihiẹn, mẹru ẹ alị.

Malakaị 2:17

Ụnụ e kusọnmẹ ihiẹn ndụn ụnụ gi a gụ Osolobuẹ. Kanị ụnụ sị, “Nanị kẹ ẹnyi dọn ku ndụn-ọgụgụ ye ẹ obi?” Ụnụ a sị, “Ndị ile e mẹ eje-ihiẹn wụ ezigbo ịhịan ẹnya Osolobuẹ; ihiẹn wẹ a sụọd'a a sụọ,” mọbụ “Elebe kẹ Osolobuẹ hụn a han ezigbo eṅẹn rị?”

Luku 10:29

Kanị Ọka-iwu hụ chọ n'o kuni enwẹn ẹ ọhụnma, ọ nọ sị Jesu, “Onyẹ wụ nwan ibe m?”

Jọnụ 15:12

“Ọnwan wụ iwu m: ihiẹn ibe ụnụ y'a sụọ ụnụ kẹ ihiẹn ụnụ dọn sụọ m.

Ditrọnọmi 10:15

bụ Osolobuẹ sị ndị nẹdi ụnụ kanị k'ọ chọ, bu wẹ che obi, nke wụ nị, imẹ alị ile, ụnụ ụmụ wẹ k'ọ họrị, k'o dọn rị tannị.

Ditrọnọmi 23:5

Kanị Osolobuẹ wụ Chuku ụnụ egọnni Balaam ntịn, o gidẹ ngọzi nọkin ẹnya ọnụ ahụn wẹ te k'a bụ ọnụ, makẹni ihiẹn ụnụ sụọ Osolobuẹ wụ Chuku ụnụ.

Ditrọnọmi 33:3

Eziẹ, ịyụ nwọn ihiẹn ọsụsụọ ndị nke i; ndị nsọ ile rị ị ẹka. Ụkụ ị kẹ wẹ ile a bịa d'e e gbu osekpu, oku i kẹ wẹ gi e dọn —

Ditrọnọmi 4:37

Ufiri ni o nwọn ihiẹn-ọsụsụọ ndị nẹdi ụnụ kanị, ọ nọ họrị ụnụ ụmụ wẹ, gi ịnọyeni ụnụ lẹ okẹn-ikẹn ọ kpa gha alị Ijiptu wepụha ụnụ,