Malakaị 1:10 - Ika

¹⁰ K'ọ rị m nwan, onyẹ ohu imẹ ụnụ a gụnma ụzọ Ụlọ-nsọ, amamgbe ụnụ ghazị a mụye ọkụn nwọnlẹni ihiẹn m gi ẹ e mẹ elu ukpo nchụn-ẹjan m! Ihiẹn ụnụ rị e mẹ asụọnị m kaka; anarịnkọ m ẹjan ụnụ. Ya kẹ Osolobuẹ ihiẹn ile rị okpuru ẹ ku.

Malakaị 1:10 Iomraidhean Croise

Ndị-nze Nke Ẹbụọ 12:6

Kanị ndị nchụn-ẹjan edọnzikwọnị Ụlọ-nsọ nwẹn d'e rukwọrị hụn mẹ ahụa ẹtọ kwasị ọgụn eze wụ Jehụashị kịma.

Itẹn 15:8

Ẹjan onyẹ eje-omumẹ chụn wụ arụ ẹnya Osolobuẹ, kanị ekpere mmaka ndị ezi-omumẹ mẹ, a sụọ Osolobuẹ ụsụọ.

Jerimaya 14:10

Lee ihiẹn Osolobuẹ ku banyeni ndịnị: “Ịkpahuni a sụọ wẹ ọda-ọda; ụkụ ara nọ wẹ ụzọ ohu. Ufiri ẹ kẹ Osolobuẹ gilẹni a nabanhan wẹ; m jẹnkọ nwan d'a nyanhan eje-omumẹ wẹ, ye wẹ afụnfụn njọ wẹ.”

Jerimaya 14:12

Ọsụọn'a wẹ bu ọnụ, egọnkọ m ntịn ẹkwan wẹ; ọsụọn'a wẹ chụn ẹjan w'a kpọ ọkụn lẹ ẹjan ọka, ewekọ m. Hụn nkẹ m'e gi narịn wẹ, m k'e gidẹ ọpịa-agha lẹ ẹgụn lẹ eje-emu gbu wẹ.”

Jerimaya 6:13

“Kẹ onyẹ-uku kẹ onyẹ-nta wẹ ile chọkọ ihiẹn a ban wẹ ẹkpa; kẹ ndị-amụma kẹ ndị nchụn-ẹjan, wẹ ile wụ ndị ntụ-lẹ-aghịghọ.

Jerimaya 6:20

Kịnị kẹ m gi nsẹnsi ụnụ e mẹ — ọsụọn'a alị Shẹba kẹ ụnụ gha wẹhẹ? Kịnị kẹ m gi udẹn-ọma kalamusu ụnụ e mẹ — ọsụọn'a alị tegbu enwẹn ẹ kẹ ụnụ gha wẹhẹ ẹ? Ewekọ m anụ ụnụ gi a chụnnị m ẹjan w'a dụn ọkụn; ẹjan ụnụ ara sụọ m.”

Jerimaya 8:10

Ufiri ihiẹn wẹ rị e mẹ, m k'e we inyẹnmẹ wẹ ye ndị ọzọ, we ugbo wẹ ye ndị ọzọ weri. Kẹ ndị uku kẹ ndị nta, ẹnya wẹ ile rị ihiẹn k'a ban wẹ ẹkpa; kẹ ndị-amụma kẹ ndị nchụn-ẹjan wụchanrịn ndị ntụ-lẹ-aghịghọ.

Hosia 5:6

Wẹ k'e gi atụnrụn lẹ efin chọ ihun Osolobuẹ, kanị o lekọ wẹ ẹnya ihun; o wepụgụọnị wẹ ẹka.

Maịka 3:11

Onyẹ ye ndị-isi egho-azụụn, o ri eṅẹn! Onyẹ kụ ndị nchụn-ẹjan ụgwọ, a kuzi w'ẹ. Ndị-amụma ebukọ amụma mmanị egho ban wẹ ẹkpa; kanị wẹ ile hụkwọ a hị ẹfan Osolobuẹ, a sị, “Osolobuẹ nọyeni ẹnyi anọyeni, onwọnni ihiẹn jẹnkọ d'e mẹni ẹnyi.”

Malakaị 1:13

ụnụ e sị, ‘Ihiẹnni a gụ ndụn!’ Ụnụ e shin ẹ. Ya kẹ Osolobuẹ ku. “Ụnụ e wẹhẹsọnmẹ ihiẹn ụnụ narịn ịhịan mọbụ anụ dan ngụrọ mọbụ hụn rịlẹni ikẹn — wẹ ile kẹ ụnụ gi e ye oyiye! Nị m kweri narịn ụnụ ya? Ya kẹ Osolobuẹ ku.

Malakaị 2:12

Osolobuẹ ya wepụ onyẹ ọwụlẹ mẹ ihiẹnni lẹ ndị bikinni wẹ imẹ ebọn Jekọpụ wụ Izrẹlụ — ọsụọn'a nị hụnyẹ hụkwọ a chụnyeni Osolobuẹ ihiẹn ile rị okpuru ẹ ẹjan.

Malakaị 2:13

Eje-ihiẹn ọzọ ụnụ e mẹ wụ nị ụnụ a kwan ẹnya-mirin e kpu ukpo nchụn-ẹjan Osolobuẹ, a kwan ụya, nị a ra narịnzị oyiye ụnụ, nị ihiẹn ụnụ wẹhẹ arịzị a sụọ a.

Jọnụ 10:12

Nke onyẹ wẹ we ọrụn, atụnrụn ndị ahụn ẹlẹ nke ẹ. Ọ hụn ẹwọrọ k'ọ lala, ọ la atụnrụn ndị hụ tọ, gbapụ — ẹwọrọ a nwụnrụn atụnrụn, mẹ wẹ gbayịya.

Ndị Kọrẹntị Ibuzọ 9:13

Ụnụ amarịn nị Ụlọ-nsọ kẹ ndị a rụn ọrụn imẹ Ụlọ-nsọ gha e nwọnhẹn ihiẹn w'e ri? Ụnụ amarịn nị wẹ e keye ndị a rụn ọrụn ebe w'a nọ a chụn ẹjan ihiẹn wẹ gi chụn ẹjan?

Ndị Filipi 2:21

Ndị ile họdụnị e ro nke-wẹ, nke-wẹ, ẹlẹ nke Jesu Kristi!

Hibru 10:38

Kanị, okukwe kẹ onyẹ ezi-omumẹ m k'e gi e bi. O seri isi ẹ, ihiẹn ẹ asụọkọ m.”

Pita Ibuzọ 5:2

e lepụ nị atụnrụn Osolobuẹ wẹ buche ụnụ ẹka ẹnya; e du ni wẹ, ẹlẹ nke ndị wẹ wa a ye olu, kanị nke ndị gi obi wẹ a rụn — hụn wụ ihiẹn Osolobuẹ chọ; egilẹ ni ẹkpịrị egho mẹ ẹ, kama ya wụrụ ihiẹn a dụ ụnụ omumẹ.