Luku 9:5 - Ika

⁵ Ebe ọwụlẹ wẹ nọlẹni nabanhan ụnụ, ụnụ pụkọnị obodo hụ, kpukpupụ nị ẹjan rị ụnụ ụkụ n'ọ wụrụ ihiẹn wẹ e gi shịagbu wẹ ẹri.”

Luku 9:5 Iomraidhean Croise

Nehemiah 5:13

M nọzị fapụha ẹkpa ẹwuru m, fechanpụ a, sị wẹ, “Osolobuẹ ya gi ẹrịra gha ụlọ ị lẹ ihiẹn i fechanpụ ị — onyẹ ọwụlẹ ị wụ — omẹni y'e mẹzuni nkwanị! Ya fechanpụ onyẹ nọ ẹrịra, gbama a ẹka!” Ya igunrun ahụn ile zu ebẹhụ nọ sị “Isẹẹ!” Wẹ nọ ja Osolobuẹ mma. Ndị hụ nọ mẹ ihiẹn wẹ kwe nkwa a.

Matiu 10:18

Wẹ sikọ d'e gi ufiri m we ụnụ jẹnni ndị Gọvanọ lẹ ndị-nze. Kanị o k'a wụ oghere ịshịanị m ẹri idẹnya wẹ lẹ ndị alị ọzọ ile.

Makị 6:11

Kanị, obodo ọwụlẹ nabanhanlẹni ụnụ mọbụ jụ nị egọnkọ wẹ ụnụ ntịn, ụnụ pụkọnị, kpukpupụ nị ẹjan rị ụnụ ụkụ tọnị wẹ — n'ọ wụrụ ihiẹn wẹ gi shịagbu wẹ ẹri.”

Makị 9:37

“Onyẹ gi ufiri m nabanhan onyẹ ohu imẹ ndịnị, mmẹ k'ọ nabanhan; onyẹ hụn nabanhannị m ẹlẹ mmẹ k'ọ nabanhan, onyẹ hụn zini m k'ọ nabanhan.”

Luku 10:16

“Ọ nọ sị ndị nsọnmazụụn a, ‘Onyẹ gọn ụnụ ntịn, mmẹ k'ọ rị e gọn ntịn; onyẹ jụ ụnụ, mmẹ k'ọ jụ; onyẹ ọwụlẹ jụnị m rị a jụ onyẹ zihẹni m.’ ”

Luku 5:14

Jesu nọ sị a, “Agwakwọlẹ onyẹ ọwụlẹ; ka jẹn d'e kunrun onyẹ nchụn-ẹjan ozigbo, n'o lele i, y'a chụn ẹjan ahụn Mozizi ku, n'i gi ẹ ghọsị ịhịan ile nị y'a dịnhịngụọ.”

Luku 9:4

Ụlọ ọwụlẹ nabanhan ụnụ, nọdị nị ebahụn d'e ru mgbe ụnụ gha obodo hụ pụ.

Luku 9:48

ọ nọ sị wẹ, “Onyẹ gi ufiri ẹfan m nabanhan nwata nọ ẹnịna, mmẹ k'ọ nabanhan; onyẹ nabanhannị m nabanhan onyẹ zini m. Ya wụ, onyẹ hụn kachanrịn ẹkẹrẹ imẹ ụnụ ile, ịya wụ onyẹ hụn kachanrịnnị.”

Ọrụn Ndị-ozi 13:51

Ya kẹ Pọlụ lẹ Banabasị nọ tichanpụ ẹjan rị wẹ ụkụ tọnị wẹ, gi gwa wẹ nị ikpe a magụọ wẹ; ya wẹ nọ gha alị hụ pụ, shi Ikoniọm.

Ọrụn Ndị-ozi 18:6

Ogẹn ndị Ju gi bunụman'a, kparimẹ ẹ, ya kẹ ọ nọ zinzinpụ uzunzun rị a ẹkwa tọnị wẹ gi gwa wẹ n'e mẹọlẹ wẹ eje-ihiẹn, ọ sị wẹ, “Ẹdeke ụnụ rị ụnụ isi! Ẹka m rị ọchan! Gha kikẹnni jẹnmẹ, e buru m ndị wụlẹni ndị Ju.”