Luku 9:43 - Ika

⁴³ Ogẹn ndị ahụn gi hụn ikẹn Osolobuẹ, ọ tụ wẹ ẹnya ọda-ọda. Hụn ahụn ihiẹn ile Jesu rị e mẹ rịkwọ a tụ ịhịan ile ẹnya, ọ nọ sị ndị nsọnmazụụn a,

Luku 9:43 Iomraidhean Croise

Ẹbụ-ọma 139:14

A kpanmịn m'ị, makẹni y'e kekẹ m ọhụnma, makẹni i ke m ichẹn; ọrụn-ẹka ị ile wụ ihiẹn a tụ ẹnya, ọhụn we m ẹnya ọhụnma-ọhụnma.

Zẹkaraya 8:6

Osolobuẹ ihiẹn ile rị okpuru ẹ sị: “Ọsụọn'a n'ọ fụka ọrụn ẹnya ndịnị họdụ imẹ alịnị, n'ọ fụzị mmẹ nwẹn ọrụn?!” Ya kẹ Osolobuẹ ihiẹn ile rị okpuru ẹ ku.

Matiu 17:22

Ogẹn Jizọsị lẹ ndị nsọnmazụụn a gi zu imẹ Galili, Jizọsị nọ sị wẹ, “Wẹ jẹnkọ d'e re mmẹ wụ Nwa nke Ịhịan ye ẹka ịhịan;

Makị 6:51

Ya ọ nọ banyeni wẹ imẹ ụgbọ, ufere hụ nọ kụsị. Ọ nọ tụ ndị nsọnmazụụn a ẹnya ọda-ọda,

Luku 18:43

Ozigbo, ọ nọ leghama ụzọ; ọ nọ sọnmẹ Jizọsị, a ja Osolobuẹ mma. Ịhịan ile hụnn'a nọzịkwọ ja Osolobuẹ mma.

Luku 4:36

Ọ tụ ndị hụ ile ẹnya, wẹ hụ a sị ibe wẹ, “Kị wụ ọnwan? O hụ e gi ikẹn ẹ a gwa eje-mmọn oku nọkẹ onyẹ oku rị ẹka, wẹ hụ a pụha.”

Luku 5:26

Ọ nọ tụ wẹ ile ẹnya ọda-ọda, wẹ nọ jama Osolobuẹ mma. Ọ tụka wẹ egun; wẹ hụ a sị, “Ẹnyi a hụnọlẹ ihiẹn atụmẹnya tannị!”

Luku 5:9

Ọ tụka ya lẹ ndị ile ya lẹ wẹ wị ẹnya haịn o gi ku ẹ, makẹni azụn wẹ gbu e bukẹ ọda.

Luku 8:25

Ya ọ nọ sị ndị nsọnmazụụn a, “Elebe kẹ okukwe ụnụ rị?” Ọ tụ wẹ ẹnya, tụ wẹ egun; wẹ nọ jụma ibe wẹ, “Onyẹ wụ onyẹni?! Ọ gwadẹ ẹbi lẹ ohimin oku, a gbaye w'ẹ!”

Luku 9:42

Ogẹn nwata-okẹnnyẹ ahụn gi pụla, eje-mmọn hụ nọ we ẹ gbe alị, dọma a. Kanị Jesu nọ jụgbọ eje-mmọn hụ, zụọ nwata hụ, we ẹ ye nẹdi ẹ.

Pita Nke Ẹbụọ 1:16

Makẹni ẹlẹ akịkọ ndị ma kọ akịkọ mẹmẹ kẹ ẹnyi sọnkọ ogẹn ẹnyi gi gwa ụnụ oku ikẹn hụn Osolobuẹ ẹnyi wụ Jizọsị Kraịstị gi bịa ụwanị. Mba; ẹnyi gi ẹnya ẹnyi hụn ọghọ a.