Luku 9:41 - Ika

⁴¹ Jesu nọ, sị, “Eje-agbọ nwọnlẹni okukwe! Elebe mmẹ lẹ ụnụ k'a nọru?! Elebe kẹ m k'e dinruni ụnụ ndidin?!” Ya ọ nọ sị okẹnnyẹ hụ, “Wẹhẹ nwa ị ebeni.”

Luku 9:41 Iomraidhean Croise

Ndị-nze Nke Ẹbụọ 5:8

Ogẹn odibo Osolobuẹ wụ Ẹlaịsha gi nụ nị eze ndị Izrẹlụ dọwa ẹwuru ẹ, ya ọ nọ zi ozini jẹnn'ẹ, “K'ị dọwanị ẹwuru i? Zihẹni m okẹnnyẹ hụ. O jẹnkọ nwan d'a marịn nị onyẹ-amụma Osolobuẹ rị arị imẹ Izrẹlụ.”

Ẹbụ-ọma 78:8

amamgbe w'a nọ kẹ ndị nẹdi wẹ kanị: ndị isi-ikẹn, ndị nnupụ-isi, ndị ẹnya wẹ rịlẹni ụzọ ohu, hụn dọnmẹlẹnini Chuku obi wẹ.

Ọpụpụ 10:3

Ya Mozizi lẹ Ẹrọnụ nọ jẹnburu Fẹro, sị a, “Lee ihiẹn Osolobuẹ wụ Chuku ndị Hibru ku: ọ sị, ‘Elee mgbe kẹ y'a gbabehini m isi-akwanran? Hatu ndị nke m nị wẹ lama, kẹni wẹ fe m.

Ọpụpụ 16:28

Ya kẹ Osolobuẹ nọ sị Mozizi, “Elee mgbe kẹ ụnụ k'a jụbehi iwu m ye ụnụ lẹ ihiẹn m sị ụnụ mẹ?

Jerimaya 4:14

Heuu ndị Jerusalẹm, chanchanpụ nị eje-ihiẹn rị ụnụ obi, kẹni Osolobuẹ zụọpụha ụnụ. Ele mgbe kẹ ụnụ k'e robehi eje-ihiẹn imẹ obi ụnụ?

Ọgụngụn 14:11

Osolobuẹ nọ sị Mozizi, “Elee mgbe kẹ ndịnị e legberibehi m? Elee mgbe kẹ wẹ k'e gimẹ oku m dọn — onwọnni ihiẹn wẹ kpọ ọrụn atụmẹnya ile m rụnghọsị wẹ imẹ igunrun wẹ?

Ọgụngụn 14:27

“Elee mgbe kẹ eje-alịnị a kọrịabehini m? A nụgụọ m ndẹnwịnwịn ndị Izrẹlụ rị e ndẹnwịnnwịnnị m.

Matiu 11:28

“Bịa nị d'e kunrun m, ụnụ ile ndụn gụ, bu ibu nyịnnị, m jẹnkọ d'e ye ụnụ ezumikẹn.

Matiu 12:39

Kanị ọ nọ sị wẹ, “Eje-agbọ ẹnya rịlẹni ụzọ ohu rị a chọ ahịma! Kanị, onwọnni ahịma wẹ k'a ghọsị wẹ wezụka ihiẹn mẹ Jona onyẹ-amụma!

Matiu 12:45

o jẹn ozigbo d'e wẹhẹ eje-mmọn ẹsa ọzọ ka ya nwẹn njọ, a wịrị wẹ ban imẹ onyẹ hụ d'e biri. Ọnọdị hụnyẹ a jọnahịn nwan nke ibuzọ njọ. Ẹrịra k'o k'a rịnị eje-agbọnị.”

Matiu 16:4

Eje-agbọ ẹnya rịlẹni ụzọ ohu rị a chọ ahịma. Kanị, onwọnni ahịma wẹ jẹnkọ d'a ghọsị wẹ wezụka ihiẹn mẹ Jona onyẹ-amụma.” Ọ nọ la wẹ tọ, gha ebẹhụ pụ.

Matiu 17:17

Jesu nọ sị, “Heuu, agbọ nwọnlẹni okukwe! Agbọ zinlẹni! Nanị mmẹ lẹ ụnụ k'a nọhan? Nanị m'e dihannị ụnụ?! Wẹhẹ ni ni m'ẹ.”

Matiu 23:36

M rị a gwa ụnụ ezioku, agbọnị jẹnkọ d'e gi isi buru ihiẹn ndịnị ile.

Matiu 3:7

Kanị, ogẹn o gi hụn kẹ ndị bu ọda imẹ ndị itu-Farisi lẹ ndị itu-Sadusi rị a bịa n'o mẹ wẹ mirin-Chuku, ọ nọ sị wẹ, “Igunrun agwọ! Onyẹ sị ụnụ gba nị iwe lẹ ọnụma Osolobuẹ lalanị ọsọ?!

Makị 10:14

Jesu a hụn a, iwe nọ we ẹ. Ọ nọ sị wẹ, “Nị nị ụmụẹka bịa d'e kunrun m; akụsịlẹ ni wẹ, makẹni Alị-eze Osolobuẹ wụ nke ndị nọ ẹnịna.

Makị 10:49

Jizọsị nọ wuzo, sị, “Kpọha n'a.” Wẹ nọ kpọha onyẹ ẹnya-ishi hụ, sị a, “Kwọndọn obi i! Lihi ọtọ, n'ọ sị ị bịa.”

Makị 9:19

Jizọsị nọ sị wẹ, “Agbọ nwọnlẹni okukwe! Elebe mmẹ lẹ ụnụ a nọru?! Elebe m'e dinruni ụnụ?! Wẹhẹni ni m nwata hụ!”

Luku 8:25

Ya ọ nọ sị ndị nsọnmazụụn a, “Elebe kẹ okukwe ụnụ rị?” Ọ tụ wẹ ẹnya, tụ wẹ egun; wẹ nọ jụma ibe wẹ, “Onyẹ wụ onyẹni?! Ọ gwadẹ ẹbi lẹ ohimin oku, a gbaye w'ẹ!”

Luku 9:40

A rịọlẹ m ndị nsọnmazụụn ị nị wẹ chụpụ a, asanị wẹ ẹka.”

Luku 9:42

Ogẹn nwata-okẹnnyẹ ahụn gi pụla, eje-mmọn hụ nọ we ẹ gbe alị, dọma a. Kanị Jesu nọ jụgbọ eje-mmọn hụ, zụọ nwata hụ, we ẹ ye nẹdi ẹ.

Jọnụ 14:9

Jesu nọ sị a, “Filipu, hụnnị ile mmẹ lẹ ụnụ rị, y'e ke marịn m? Onyẹ hụnnị m a hụngụọ Chuku-Nẹdi. K'ị rị a sịnị, ‘Ghọsị ẹnyi Chuku-Nẹdi’?

Jọnụ 20:27

Ya kẹ ọ nọ sị Tamọsị, “Wẹhẹ mkpịnsịn-ẹka ị n'i bu ẹ che ebeni; lee ẹka m ẹbụbụọ; wẹhẹ nwan ẹka ị n'i buche m ẹkụnkụn. Arụzịlẹ ụka; kweri!”

Ọrụn Ndị-ozi 13:18

Ọ nọ dinchanrịn ihiẹn ile wẹ mẹ imẹ atụ ọrọgbọ ahụa ọgụnnaị.

Ọrụn Ndị-ozi 2:40

Pita a gwazịghọ wẹ ihiẹn bu ọda, gi ẹ dọ wẹ ẹka-ntịn, a sị wẹ, “Zụọpụha nị enwẹn ụnụ imẹ agbọnị zinlẹni!”

Ndị Rom 2:4

Ra ị rị e lelịa okẹn ẹfọma a lẹ nkịtịn ọ rị a gba ị lẹ ndidin ẹ? Y'a marịn nị Osolobuẹ rị e mẹni i ẹfọmanị kẹni i hụn ụzọ rogharị?

Ditrọnọmi 32:5

Kanị, ndị nke ẹ e mẹgụọ a arụ, ifẹnrẹn ya mẹgbu wẹ makẹni ẹlẹ wẹ ezigbo ụmụ a; agbọ rụnị, zinlẹni kẹ wẹ wụ.

Hibru 3:19

Ẹnyi a hụngụọ a nwan nị abanyeni wẹ makẹni ekwerini wẹ.

Hibru 4:11

Nị ẹnyi lịlịma nị nwan, kẹni ẹnyi banye d'e zu ikẹn hụ, amamgbe ọ gha e nwọn onyẹ danpụnị yeni inupụ-isi kẹ ndị mbụ dọn nupụ isi.

Hibru 4:2

Makẹni, oziọma wẹ nụ kẹ ẹnyi nwẹn nụ, kanị ozi wẹ nụ abannịnị wẹ erere, makẹni wẹ nwẹn egini okukwe nabanhan a.

Hibru 7:25

Ufiri ẹ, k'o gi a sa ẹka a zụọpụha ndị ghaha ẹka a d'e kunrun Osolobuẹ, a zụọpụha wẹ d'e ru isi ẹ, makẹni ọ rịsọnmẹ ndụn, a rịọdọnni wẹ Osolobuẹ.