Luku 9:23 - Ika

²³ Ọ nọ sị wẹ, “Onyẹ chọ n'o sọn m, ya jụ enwẹn ẹ, buru obe ẹ ụhụọhịn ile, sọnmẹ m.

Luku 9:23 Iomraidhean Croise

Ndị Rom 8:13

Makẹni, ụnụ bimẹ kẹ ịhịan-mmaka, ụnụ k'a nwụnhụnrịrị. Kanị, ụnụ gi isọn Mmọn-nsọ gbupụ eje-ihiẹn ndị ahụn ẹhụ e mẹ, ụnụ k'a rị ndụn.

Ndị Kolosị 3:5

Gbu ni nwan ẹgụn ihiẹn-ụwa hụn rị imẹ ụnụ a rụn ọrụn: kẹ ughẹrẹ kẹ obibi ru unyin kẹ ihiẹn ọlịlẹnya kẹ ẹgụn ihiẹn rịlẹni mma kẹ ẹnya-uku hụn wụzị ife-mmọn.

Timoti Nke Ẹbụọ 3:12

Eziẹ, wẹ k'e kpokporịrị ndị ile chọ nị wẹ bi obibi ndị e fe Osolobuẹ imẹ Kraịstị Jizọsị.

Taịtọsụ 2:12

Ẹfọma ahụn a kuzi ẹnyi ịjụ obibi rịlẹni mma ẹnya Osolobuẹ lẹ ịjụ ihiẹn-ọlịlẹnya ụwanị; ọ kuzi ẹnyi igi uche e bi lẹ ibi obibi kụrụ ọtọ lẹ ịtụ egun Osolobuẹ — imẹ ụwanị ẹnyi rị,

Hibru 13:13

Nị ẹnyi gha nị nwan imẹ obodo pụ d'e kunrun ẹ ebẹhụ d'e sọn ẹ narịn ifẹnrẹn wẹ gbeye ẹ ihun,