Luku 8:43 - Ika

⁴³ O nwọn okpoho ihiẹn rị a gba kete ahụa mmẹbụọ rị imẹ igunrun ahụn; ihiẹn a gụgụọ a ẹka o gi e jẹn ẹka ndị dibiẹ, makẹni onwọnni onyẹ hụn saẹka zụọn'a.

Luku 8:43 Iomraidhean Croise

Ihiẹn Mẹni Nke Ẹbụọ 16:12

Hụn mẹ ẹ ahụa mmitenẹi-kwasị-ọgụn Asa kịma, ụkụ nọ tụrụma a. Ọsụọn'a nị emu ahụn kẹnrẹn ọda-ọda, ọ rịọnị Osolobuẹ eyemẹka, kama o buru ndị a zụọ emu.

Jobu 13:4

Nke ụnụ, ụnụ rịhụ e kpumẹ ezioku ụnụ marịn; ndị idibiẹ marịnlẹni ọrụn kẹ ụnụ ile wụ!

Ẹbụ-ọma 108:12

Dodo, yeni ẹnyi ẹka makẹ ndị-iṅẹnrẹn, nị eyemẹka ịhịan enwọn ihiẹn o k'e mẹni ẹnyi.

Azaya 2:22

Gibehi ni ịhịan e dọn ẹnya, ịhịan hụn wụhụ akpụ uzun ohu rị imi. Kịnị kẹ ịhịan wụdẹ?

Makị 12:44

Makẹni wẹ ile gha ọda wẹ nwọn ye, kanị ya nwẹn, k'o mẹhan ogbẹnnyẹ, o yechanrịn ihiẹn ile o nwọn o gi bi.”

Makị 9:18

o kwọndọn ẹ, o bu ẹ gbe alị, ụfọfọ a ghama a ọnụ, ọ tama nkwẹnrẹn-eze, ẹhụ a ile e shiri. M te sị ndị nsọnmazụụn ị chụpụ eje-mmọn hụ, ọ nịnị wẹ.”

Luku 13:11

Okpoho ohu eje-mmọn rị imẹ ẹ rị ebẹhụ. Eje-mmọn hụ hiemẹ ẹ kete ahụa mmẹsatọ; ara saẹka tịnpụ.

Luku 13:16

“Lee ni nwan okpohoni: nwa Ebraham hụn Ekwensụ kẹn ẹgbụn kete ahụa mmẹsatọ; o runi hụn w'a tọpụ Ụhụọhịn Ezumikẹn?”

Luku 8:27

Hụn Jesu gihụ gha ụgbọ-mirin pụha mkpẹnrẹn mirin hụ, okẹnnyẹ ohu eje-mmọn rị imẹ ẹ hụn wụ onyẹ obodo hụ nọ bịa d'e kunrun ẹ. O tekẹmẹkẹ okẹnnyẹ hụ yibemẹ ẹkwa; ara nọdịzị imẹ ụlọ, ikpẹkpẹ k'ọ nọdịchanrịn.

Luku 8:42

makẹni akpụ okpoho ohu ọ mụ hụn rị ihiẹn nọ kẹ nwa ahụa mmẹbụọ e d'a nwụnhụn. Ogẹn Jesu gi jẹnkọ, igunrun ịhịan hụ a fụfa a.

Luku 8:44

Ọ nọ ghaha Jizọsị azụụn, tẹtụ ntịn-ẹkwa Jizọsị ẹka, ihiẹn rị a gban'a nọ kụsị ozigbo.

Jọnụ 9:1

Ogẹn Jizọsị gi ghafekọ, ọ nọ hụn onyẹ ẹnya kpu ishi kete wẹ mụl'a.

Jọnụ 9:21

Ẹnyi amarịn k'o dọn nwan leghama ụzọ mọbụ onyẹ shịapụ a ẹnya. Jụn'a nwan n'o rugụọ ogo. Ya sikọ d'e ku ọnụ a.”

Ọrụn Ndị-ozi 3:2

O nwọn okẹnnyẹ ohu dan ngụrọ kete wẹ mụl'a hụn w'e buhẹ ebẹhụ. Ụhụọhịn ile kẹ wẹ gi e butọ a ọnụ-mgbọn rị Ụlọ-nsọ hụn w'a kpọ “Ọnụ-mgbọn Ma mma,” kẹni ọ hụn ụzọ a rịọ ndị rị a banye imẹ Ụlọ-nsọ ihiẹn.

Ọrụn Ndị-ozi 4:22

makẹni okẹnnyẹ hụ wẹ gi ọrụn-atụmẹnyanị zụọ karị nwa ahụa ọgụnnaị.