Luku 8:10 - Ika

¹⁰ Ya ọ nọ sị wẹ, “Ụnụ kẹ wẹ ye oghere ịmarịn ihiẹn-omimi Alị-eze Osolobuẹ, nke ndị ọzọ wụ ilu-ilu, kẹni ọ wụrụ nị, ‘Wẹ hụ e lee ile, kanị arị wẹ e legha; wẹ hụ a nụ, kanị arị w'a ghọta.’

Luku 8:10 Iomraidhean Croise

Ẹbụ-ọma 25:14

Ndị a tụ egun Osolobuẹ k'ọ gwa uche ẹ, o mẹ wẹ a ghọta Iwu ẹ.

Azaya 29:14

M jẹnkọ d'e mẹzi ndịnị ihiẹn k'a tụ wẹ ẹnya, mẹsọnmẹ wẹ ihiẹn a tụ ẹnya — amamihiẹn ndị marịn ihiẹn a la iwi, nghọta ndị a ghọtanị a la.

Azaya 44:18

Onwọnni ihiẹn wẹ marịn; onwọnni ihiẹn w'a ghọta! A nyankingụọ wẹ wẹ ẹnya — w'a ra legha ụzọ, uche wẹ kpukin ekpukin — w'a ra s'ẹka a ghọta.

Azaya 6:9

Ọ nọ sị, “Jẹn d'a sị ndịnị: ‘A nụ nị ọnụnụ-ọnụnụ, aghọtalẹ ni; e lee ni olile-olile, eleghalẹ ni.’

Jerimaya 5:21

Sị wẹ: Ndị nzuzu marịnlẹni ihiẹn, gọn nị ntịn, ndị nwọn ẹnya bụ w'a ra legha ụzọ, ndị nwọn ntịn bụ w'a ra nụ ihiẹn:

Izikẹlụ 12:2

“Nwa-ịhịan, ebọn isi-ikẹn k'ị rị. Wẹ nwọn ẹnya bụ w'a ra legha ụzọ; wẹ nwọn ntịn, kanị w'a ra nụ ihiẹn, makẹni ebọn isi-ikẹn kẹ wẹ wụ.

Matiu 11:25

Ogẹn hụ kẹ Jizọsị gi sị, “M rị a kpanmịn ị Baba, Onyẹ nwọn elu-igwee lẹ ụwa, makẹni i zuemẹni ndị marịn ihiẹn lẹ ndị nwọn uche ihiẹn ndịnị, we wẹ ghọsị ụmụ-ndu.

Matiu 16:17

Jizọsị nọ sị a, “Onyẹ wẹ gọzi agọzi k'ị wụ Saịmọnụ nwa Jona! Makẹni ẹlẹ ịhịan ghọsị ị ihiẹnni; Nẹdi m rị elu-igwee ghọsị ị ya.

Makị 4:11

Ọ nọ sị wẹ, “Ụnụ kẹ w'a nị marịn ihiẹn-nzuzue Alị-eze Osolobuẹ, kanị nke ndị rị ogbe, ilu kẹ wẹ gi a gwa wẹ ihiẹn ile;

Makị 4:12

kẹni ọ wụrụ nị ‘Wẹ hụ e lee ilee-ilee kanị eleghakọ wẹ ụzọ; wẹ hụ a nụ ọnụnụ-ọnụnụ kanị aghọtakọ wẹ; amamgbe w'e rogharị, Osolobuẹ a gbagharị wẹ.’ ”

Jọnụ 12:40

“Chuku e mẹgụọ ẹnya kpu wẹ ishi, mẹ obi tikin wẹ — amamgbe wẹ e gi ẹnya wẹ legha ụzọ, gi obi wẹ ghọta, e gbehutọ wẹ d'e kunrun m; a zụọ m wẹ. Ya kẹ Chuku ku.”

Ndị Rom 16:25

Ọjịja-mma ya rịnị Osolobuẹ hụn k'a s'ẹka mẹ ụnụ zekẹnmẹ ghahanị oziọma m lẹ ihiẹn ẹnyi rị e ku banyeni Jesu Kristi. Oziọmanị rị e ku oku ihiẹn-omimi ẹdẹi te zuerini,

Ndị Kọrẹntị Ibuzọ 12:11

Mmọn-nsọ ohu hụ, ịya e mẹ ihiẹn ndịnị ile; o yesọnmẹ onyẹ-onyẹ oyiye ọ chọ n'o ye ẹ.

Ditrọnọmi 29:4

Kanị Osolobuẹ eke yekwọ nwan ụnụ obi a ghọtanị mọbụ ẹnya e leghanị mọbụ ntịn a nụnị.

Ndị Kolosị 2:2

M rị a lụ nị ndụn ban wẹ obi lẹ nị wẹ wụrụ ndị wẹ gi ihiẹn-ọsụsụọ kwọngbama, kẹni ihiẹn Osolobuẹ wechanrịn wẹ ẹnya hụn obi e gi ruchanrịn wẹ alị, a marịn wẹ ihiẹn-omimi Osolobuẹ, hụn wụ Kraịstị lẹ enwẹn ẹ,

Timoti Ibuzọ 3:16

W'a rụ ụka a, ihiẹn-omimi rị ofufe Osolobuẹ e hikẹ — nị O gi ẹhụ pụha, Mmọn-nsọ a ghọsị nị ịya rọ nke-esi; ndị mmọn-ozi a hụnghọ a. Ịhịan e zisọnmẹgụọ ozi ẹ alị ichẹn-ichẹn; e kwerigụọnị w'a imẹ ụwa. O gi ọghọ lashi elu-igwee.