Luku 7:19 - Ika

¹⁹ zi wẹ jẹn d'e kunrun Di-nwọnni-ẹnyi d'a jụ a, sị, “Ịyụ wụ onyẹ hụ Osolobuẹ kwe nkwa n'ọ lala alala, ra nị ẹnyi lemẹ ẹnya onyẹ ọzọ?”

Luku 7:19 Iomraidhean Croise

Jẹnẹsisi 22:18

ẹka ụmụ ị kẹ alị ile rị elu-ụwa k'a gha nwọnrin ngọzi wẹ; o k'a rị ẹrịra makẹni y'e mẹọlẹ ihiẹn m ku.”

Jẹnẹsisi 3:15

“M k'e mẹ ịyụ lẹ okpohoni wụrụ eṅẹnrẹn, mẹzikwọ nwa ị lẹ nwa a wụrụ eṅẹnrẹn. Nwa a k'a zọkpọ ị isi; yụ nwẹn k'a ta nwa a atụ-ụkụ azụụn.”

Jẹnẹsisi 49:10

Ọkpọ-eze aghakọ Juda ẹka pụ, ọkpọ onyẹ-ọkịkị aghakọ a ngadan pụ — d'e ru mgbe onyẹ nwọn ọkpọ ahụn e gi bịa. Ndị alị ichẹn-ichẹn k'a gha e buhẹ ihiẹn d'a chann'a ẹnya, e sekpun'ẹ alị.

Azaya 11:1

Mkpọgụn Jese họdụ alị k'a gbọrị, mkpọgụn a họdụ alị k'a gbọrị, wapụha agalaba; agalaba hụ k'a mị mkpụrụ.

Azaya 7:14

Osolobuẹ lẹ enwẹn ẹ jẹnkọ nwan d'a ghọsị ụnụ ahịma: Lee ẹ, nwagbọọ kelẹni marịn okẹnnyẹ jẹnkọ d'a tụrụ imẹ, mụ okẹnnyẹ, a gụn w'a Imanuẹlụ

Maịka 5:2

Kanị, ịyụ, Bẹt'lẹhẹm Ẹfrata, hụn nwọnlẹni ihiẹn ọ wụ imẹ ebọn ndị rị Juda, imẹ i kẹ onyẹ-ọkịkị a gha pụhanị m, d'a kị ndị Izrẹlụ, Onyẹ hụn rị ẹdẹi, rị kete-kete.

Hagaị 2:7

M k'e mẹhunmẹ alị ile rị ichẹn-ichẹn, ihiẹn rị mkpa rị imẹ wẹ a bịa ebeni, e ye m Ụlọnị ọghọ ọhụnma-ọhụnma. Ya kẹ Osolobuẹ ihiẹn ile rị okpuru ẹ ku.

Zẹkaraya 9:9

Zayọnụ, ghọghọma ọda-ọda! Obodo Jerusalẹm, yi oro ịghọghọ! Lee ẹ, eze i lala d'e kunrun i! Onyẹ ezi-omumẹ lẹ onyẹ-mmẹri k'ọ wụ; o welụa enwẹn ẹ alị, nyinla okẹn jaki, nwa Jaki!

Malakaị 4:2

“Kanị, anwụn ihiẹn gi a rị mma sikọ d'a wanị ụnụ ile hụn a gbayeni m; o k'e bu nzụọrị ẹka-nku fehẹ, ụnụ a pụha, tụshimẹ elu nọkẹ ụmụ-efin wẹ kpọpụnị ụzọ!

Makị 6:7

Ọ nọ kpọ ndị nsọnmazụụn a mmẹbụọ hụ, zipụ wẹ mmadụ ẹbụọ-ẹbụọ, ye wẹ ikẹn w'e gi a chụpụ eje-mmọn.

Luku 10:1

Ọhụn e mẹgụ, Di-nwọnni-ẹnyi nọ họrị ikẹnnyẹ mmẹbụọ kwasị ọgụn-ẹtọ ndị ọzọ. Ọ nọ zipụ wẹ ẹbụọ-ẹbụọ, nị wẹ burun'ẹ ụzọ jẹn obodo ile lẹ ebe ile o sikọ d'e jẹn.

Luku 11:1

O nwọn ebe Jizọsị rị e mẹ ekpere; ogẹn o gi mẹgụ, onyẹ nsọnmazụụn a ohu nọ sị a, “Di-nwọnni-ẹnyi, kuzi ẹnyi kẹ wẹ dọn e mẹ ekpere kẹ Jọnụ dọn kuzi ndị nsọnmazụụn a.”

Luku 11:39

Ya kẹ Di-nwọnni-ẹnyi nọ sị a, “Lee ẹ: ụnụ ndị Itu-Farisi a chanchan azụụn mkpu lẹ afẹrẹ ụnụ, kanị ẹnya-uku lẹ eje-ihiẹn jun imẹ ụnụ.

Luku 12:42

Di-nwọnni-ẹnyi nọ za, “Onyẹ wụ onyẹ nlepụ-ẹnya ahụn furu wẹ gi e dọn ẹnya, marịn ihiẹn, hụn di-nwọnn'ẹ bu idibo rị iwe ẹ che ẹka, n'ọ hụn ụzọ e ye wẹ ihiẹn-oriri furu onyẹ-onyẹ ogẹn o furu?

Luku 13:15

Di-nwọnni-ẹnyi nọ sị, “Ndị ihunnaị! Imẹ ụnụ, onyẹ ghalẹni a tọpụ efin ẹ mọbụ jaki ẹ ebe o limẹtọ a Ụhụọhịn Ezumikẹn, e wejẹn ẹ d'a ra mirin?”

Luku 17:5

Ndị-ozi hụ pụ-ichẹn nọ sị Di-nwọnni-ẹnyi, “Mẹ okukwe ẹnyi zewaye.”

Luku 17:6

Di-nwọnni-ẹnyi nọ sị wẹ, “Omẹni i nwọn okukwe handẹ kẹ mkpụrụ mọstadị mẹgbu enwẹn ẹ ntịn, ị jẹnkọ d'a sa ẹka sị osisi sịkamọnị higbu enwẹn ẹ ogbe rị ebeni, ‘Hueri d'a gbọrị imẹ ohimin,’ o sikọ d'a gbaye i.

Luku 18:6

Di-nwọnni-ẹnyi nọ sị, “Ụnụ a nụgụọ ihiẹn eje okẹnnyẹ ahụn oku rị ẹka ku.

Luku 19:8

Zakịọsụ nọ turu, sị, “Di-nwọnni-ẹnyi, lee ẹ, m rị nwan e kebe ihiẹn ile m nwọn ụzọ ẹbụọ e we ohu e ye ndị igbẹnnyẹ! Omẹni o nwọn onyẹ m mẹgbu, m jẹnkọ d'a kụkin ẹ ya ụzọ ẹnọ!”

Luku 22:61

Ya Di-nwọnni-ẹnyi nọ gbehutọ ebe ọ rị, bu ẹnya zinmẹ Pita. Pita nọ nyanhan ihiẹn Di-nwọnni-ẹnyi ku, k'o dọn sị a, “Ọkpa gini d'a kwan tannị, i k'a ghọrị mgbe ẹtọ nị y'a marịn m.”

Luku 24:34

a sị, “Ezioku rọ! Di-nwọnni-ẹnyi e lihigụọ, Saịmọnụ a hụngụọ a!”

Luku 7:13

Ogẹn Di-nwọnni-ẹnyi gi hụn a, omikẹn okpoho hụ nọ mẹ ẹ ọda-ọda, ọ sị a, “Akwanlẹ ẹkwan.”

Luku 7:20

Ogẹn ụmụ azụụn Jọnụ gi bịa d'e kunrun Jesu, wẹ nọ sị a, “Jọnụ hụn e mẹ mirin-Chuku zi ẹnyi d'a jụ ị, sị, ‘Ịyụ wụ onyẹ hụ Osolobuẹ kwe nkwa n'ọ lala alala, ra nị ẹnyi lemẹ ẹnya onyẹ ọzọ?’ ”

Jọnụ 11:2

Merini wụ hụn hu udẹn e kun fuẹin ye Di-nwọnni-ẹnyi wụ Jesu ụkụ, gi ntutu ẹ lọgbu ẹ; nwẹnẹ ẹ wụ Lazarọsụ kẹ emu rị a kụ.

Jọnụ 4:1

Ogẹn Jesu gi nwan marịn nị ndị itu-Farisi a nụgụọ nị ndị alị hụn rị a la wẹ a tọ a bannị Jesu lẹ ndị rị e mẹ mirin Chuku ẹka a a karịgụọdẹ ndị rị a la wẹ a tọ a bannị Jọnụ hụn e mẹ mirin-Chuku —

Jọnụ 4:25

Okpoho hụ nọ sị a, “A marịnghọ m nị Onyẹ Nzụọpụha Hụ Osolobuẹ Tumẹ hụn w'a kpọ Kraịstị lala; ọ bịa, n'ọ gwachanrịnghọ ẹnyi ihiẹn ile.”

Jọnụ 6:23

Kanị ogẹnni, ụgbọ ndị ọzọ gha Taịberiasị bịa rị nwan ẹhụ ebahụn wẹ nọ ri brẹdi ogẹn Di-nwọnni-ẹnyi gi kpanmịngụ Osolobuẹ yeni brẹdi hụ.

Joshụa 2:1

Ya Joshụa nwa Nọnụ nọ gha Shitim wẹ rị gi nzuzue zipụ ikẹnnyẹ ẹbụọ, sị wẹ, “Jẹn ni d'e lele alị hụ, tụmadụ Jẹriko.” Ya wẹ nọ jẹnmẹ. E ru w'ẹ, wẹ nọ banye iwe ịgbaraja ohu ẹfan a wụ Rehabụ; wẹ nọ ranhịn ebahụn eki e we fọn.

Rẹvẹleshọnụ 11:3

“M k'e ye ndị ọshẹri m ẹbụọ ikẹn ku oku-Chuku, ọrọgbọ akpọhịn ọgụn-ẹtọ kwasị nnụ-ẹtọ, (1,260), wẹ k'e yisọnmẹ achọ (ahịọ) wẹ gi a kwan ịhịan.”