Luku 7:12 - Ika

¹² Ogẹn o gi rumẹ ọnụ-mgbọn obodo hụ, e lee ozun wẹ bupụkọ d'e li. Okpoho di ẹ nwụn kẹ wẹ bupụkọzị nwan akpụ okẹnnyẹ ohu ọ mụ d'e li. Igunrun ịhịan gha imẹ obodo hụ sọnkọ okpoho hụ.

Luku 7:12 Iomraidhean Croise

Jẹnẹsisi 22:12

Ọ nọ sị Ebraham, “Emẹtụkwọlẹ nwa-ndu ahụn ẹka; emẹkwọl'a ihiẹn ọwụlẹ. Echẹn kẹ m marịn nị y'a tụ egun Chuku — ebe o mẹ ni y'a jụnị nị y'e yekọ m nwa ị, akpụ nwa ohu i nwọn.”

Jẹnẹsisi 22:2

Osolobuẹ a sị a, “Weri nwa ị, akpụ nwa ohu ahụn ị mụ, hụn ihiẹn ẹ a sụọ ị ọda-ọda, y'e shi alị Moria, n'i gi ẹ chụnnị m ẹjan w'a dụn ọkụn elu ugu m k'a ghọsị ị ebẹhụ.”

Samuẹlụ Nke Ẹbụọ 14:7

Ebọn ẹnyi ile e bugụọ nwan nụmanị mmẹ wụ igbọn i; wẹ sị m, ‘Wepụha onyẹ hụn gbu nwẹnẹ ẹ, nị ẹnyi gbugwarị, nị ẹnyi hụn a nị ya nwẹn ewerini ukuu nẹdi ẹ.’ Agụ, wẹ mẹ ẹ, e tinyụn wẹ akpụ ikeke ọkụn ohu họdụ m ẹka, onwọnkọzị hụn k'a họdụnị di m elu-ụwa, kẹ ẹfan kẹ nwa.”

Ndị-nze Nke Ibuzọ 17:12

Kanị okpoho nwẹn nọ sị a, “Ma Osolobuẹ wụ Chuku i, enwọn m brẹdi, ọka wẹ gweriẹn k'e junhụ ọb'ẹka ohu sụọ kẹ m nwọn, ya lẹ ofugbọn-olivu mẹ ẹkẹrẹ họdụ imẹ ọgọ. M rịhụ a kparị ẹkẹrẹ nkụn m bulakọ, nị m d'e shini mmẹ lẹ nwa m ya — ẹnyi rigụ a, ẹnyi e cheri nị ẹgụn gbu ẹnyi.”

Ndị-nze Nke Ibuzọ 17:18

Okpoho hụ nọ sị Ẹlaịja, “Kịnị kẹ m mẹ i, odibo Osolobuẹ? Ị bịa d'a nyanhannị m njọ m, gbunarịn m nwa?”

Ndị-nze Nke Ibuzọ 17:23

Ẹlaịja nọ parị nwata hụ, gha mmughẹ hụ rị ibe elu hidan shi imẹ ụlọ rị ibe alị. Ọ nọ we ẹ ye nnẹ ẹ, sị a, “Lee ẹ, nwa ị hụ ndụn!”

Ndị-nze Nke Ibuzọ 17:9

“Buli, shi obodo Zarẹfatị alị Sidọnụ, y'a nọdị ebẹhụ. A gwagụọ m okpoho ohu rị ebẹhụ hụn di ẹ nwụnhụngụ n'o k'a gha e ye i ihiẹn-oriri.”

Ndị-nze Nke Ẹbụọ 4:16

Ya Ẹlaịsha nọ sị a, “Mgbeni akan-ile ị k'a pa nwa ị okẹnnyẹ ẹka.” Ya okpoho hụ nọ sị a, “Mba Diọkpa, odibo Osolobuẹ, atụlẹ odibo i ntụ!”

Ndị-nze Nke Ẹbụọ 4:20

Ya odibo hụ nọ parị a, pa a jẹnni nnẹ ẹ. Nwata hụ nọdị alị ụkụ nnẹ ẹ ebẹhụ ọ pa a d'e ru efinaị, ọ nọ nwụnhụn.

Jobu 29:13

Ndị te nwụnkọnị a gọzi m agọzi; m'e mẹ obi a sụọmazị onyẹ di ẹ nwụn ụsụọ — ọ bụma ẹbụ-ịghọghọ.

Zẹkaraya 12:10

M k'e hu mmọn omikẹn lẹ arịrịọ ye ebọn eze-Defidi lẹ ndị bi Jerusalẹm obi, nke wụnị, wẹ k'e lee m ẹnya, onyẹ hụn wẹ dụn ihiẹn, a kwannị w'a ẹkwan kẹ ịhịan a kwan akpụ nwa ohu ọ mụ; wẹ k'a kwangbu enwẹn wẹ nọkẹ onyẹ okẹnnyẹ ibuzọ a nwụnnahịn.

Luku 7:11

Ọ nọbe ẹkẹrẹ, Jesu nọ shi obodo w'a kpọ Nẹini. Ndị nsọnmazụụn a lẹ igunrun hi-ogbe sọn ẹ jẹn ebẹhụ.

Luku 7:13

Ogẹn Di-nwọnni-ẹnyi gi hụn a, omikẹn okpoho hụ nọ mẹ ẹ ọda-ọda, ọ sị a, “Akwanlẹ ẹkwan.”

Luku 8:42

makẹni akpụ okpoho ohu ọ mụ hụn rị ihiẹn nọ kẹ nwa ahụa mmẹbụọ e d'a nwụnhụn. Ogẹn Jesu gi jẹnkọ, igunrun ịhịan hụ a fụfa a.

Luku 8:52

Wẹ ile rị ebahụn hụ a kwan, e goo nwata hụ. Kanị Jesu nọ sị wẹ, “Akwanzilẹ ni, nwata hụ anwụnhụnnị; ọ rịhụ ụran!”

Jọnụ 11:19

Ndị Ju bu ọda a bịaọlẹ d'a rọkọ Meri lẹ Mata obi yeni ọnwụn nwẹnẹ wẹ Lazarọsụ.

Ọrụn Ndị-ozi 9:39

Ya Pita nọ lihi, sọnmẹ wẹ. E ru w'ẹ, wẹ nọ w'ẹ shi mmughẹ hụ rị ibe elu. Ikpoho ile di wẹ nwụnhụn e fihunmẹ Pita, a kwan ẹkwan, a ghọsị a ẹwuru tueni lẹ ẹkwa ndị ọzọ Dọkasị kpa k'ọ rị ndụn.

Ọrụn Ndị-ozi 9:41

Pita nọ kwọndọn ẹ ẹka, weli ẹ. Ya Pita nọ kpọ ndị itu-Kraịstị lẹ ikpoho ndị ahụn di wẹ nwụnhụn, we Tabita ghọsị wẹ, wẹ nọ hụn a n'ọ rịzị ndụn.

Jemisi 1:27

Ezigbo ofufe zu oke, rụlẹni ẹnya Osolobuẹ Nẹdi ẹnyi wụ hụnnị: ịtụnị ndị nwọnlẹni nẹdi mọbụ nnẹ lẹ ikpoho di wẹ nwụn rị e ri ụya ụya, lẹzi idọnmẹ enwẹn ịhịan makẹ ụwa gha e mẹrụ a.