Luku 6:28 - Ika

²⁸ a gọzi ni ndị hụn a bụ ụnụ ọnụ; e mẹni ni ndị e mẹjanị ụnụ ekpere.

Luku 6:28 Iomraidhean Croise

Ndị-nze Nke Ibuzọ 13:6

Ya eze wụ Jerobụam nọ sị onyẹ-ozi Osolobuẹ, “Rịọ Osolobuẹ wụ Chuku i; mẹni m ekpere, kẹni ẹka m rị mma.” Ya onyẹ-ozi Osolobuẹ hụ nọ rịọ Osolobuẹ, ẹka eze hụ nọ dịnhịn, rịzị k'ọ rị mbụ.

Izikẹlụ 25:15

“Lee ihiẹn Osolobuẹ Nwọn Ihiẹn Ile ku: ‘Ebe o mẹni ndị Filistia rị e mẹgwarị ndị Juda, e gi iwe ghalẹni a gụ e legberi wẹ, e mẹ ẹ ni wẹ tikpọ Juda ru alị,

Izikẹlụ 36:5

Osolobuẹ Nwọn Ihiẹn Ile sị: E gigụọ m okẹn olulu m lẹ ẹnya rị a fụnị m ku ihiẹn m k'e mẹ alị ndị ọzọ lẹ Ẹdọm ile, ndị rị e mẹ alị m lekẹsị nke wẹ rọ, ọ hụ a sụọ wẹ, lelịa Izrẹlụ, e weri ọfịa ndị wẹ nọ a zụn anụ rịn'a.”

Matiu 5:44

Kanị mmẹ nwẹn sị ụnụ e nwọn ihiẹn-ọsụsụọ ndị-iṅẹnrẹn ụnụ, e mẹni ni ndị rị e kpokponi ụnụ ekpere,

Luku 23:34

Jesu nọ sị, “Baba, gbagharị wẹ, n'a marịn wẹ ihiẹn wẹ rị e mẹ.” Ogẹnni kẹ ndị-agha kpọgbun'ẹ gi tụ nkpọ, gi ẹ keri ẹkwa a.

Luku 6:27

“Kanị m rị a gwa ụnụ ndị rị e gọn m ntịn: e nwọn ni ihiẹn-ọsụsụọ ndị iṅẹnrẹn ụnụ; e mẹni ni ndị rị e we iwe ụnụ ihiẹn rị mma;

Luku 6:35

Mba! Enwọn ni ihiẹn-ọsụsụọ ndị iṅẹnrẹn ụnụ, e mẹni ni wẹ ọhụnma. E zinye ni ịhịan, atụlẹ ni ẹnya ihiẹn ọwụlẹ, ụgwọ-ọrụn ụnụ jẹnkọ d'e hi-ogbe, ụnụ a wụrụ ezigbo ụmụ Onyẹ Hụ Kachanrịnnị. Makẹni, o mẹ ni ndị ọhụnma-ogodan lẹ ndị-njọ ẹfọma.

Ọrụn Ndị-ozi 14:5

Ogẹn ndị Ju lẹ ndị wụlẹni ndị Ju lẹ ndị-isi alị gi chọ nị wẹ mẹshi ndị-ozi hụ pụ-ichẹn ikẹn, gi ọmụma magbu wẹ,

Ọrụn Ndị-ozi 7:60

Ya ọ nọ gbu osekpu, weshi olu elu, yi, “Di-nwọnni-ẹnyi, agụnkwọlẹ njọnị yeni wẹ!” O kugụ a, ọ nọ nwụnhụn.

Ndị Rom 12:14

A gọzi ni ndị rị e kpokponi ụnụ; a gọzi ni, abụkwọlẹ ni ọnụ.

Ndị Kọrẹntị Ibuzọ 4:12

Ẹnyi hụ e gi ẹka ẹnyi a lụrụ, e gizi ọrụnnị a rụngbu enwẹn ẹnyi. Wẹ kpari ẹnyi, ẹnyi a gọzi wẹ; wẹ kpokpo ẹnyi, ẹnyi e din ẹ;

Jemisi 3:10

Ọnụ ohu hụ kẹ ọjịja-mma lẹ ịbụ-ọnụ gha a pụha! Umunẹ m, o furuni n'ọ rị ẹrịra.

Pita Ibuzọ 3:9

Emẹgwarịkwọlẹ ni ịhịan eje-ihiẹn mọbụ kpọgwarị wẹ iyi. Kama, gọzi ni wẹ, makẹni ngọzi kẹ Osolobuẹ kpọ ụnụ d'e weri.