Luku 6:21 - Ika

²¹ Ngọzi wụ nke ụnụ, ndị ẹgụn rị a gụn ogẹnni, makẹni ẹfọ k'e jun ụnụ! Ngọzi wụ nke ụnụ ndị rị a kwan ẹkwan ogẹnni, makẹni ụnụ sikọ d'a mụ ẹmụ.

Luku 6:21 Iomraidhean Croise

Jẹnẹsisi 17:17

Ebraham nọ tụha enwẹn ẹ ye alị, bu ihun kpumẹ alị, mụ ẹmụ, sị enwẹn ẹ, “Nị okẹnnyẹ rị nwa ahụa ọgụn-isẹn saẹka mụ nwa? Nị Sẹra hụn rị nwa ahụa iri kwasị ọgụn-ẹnọ saẹka mụ nwa?”

Jẹnẹsisi 21:6

Ya Sẹra nọ sị, “Osolobuẹ e mẹgụọ m mụ ẹmụ; onyẹ ọwụlẹ nụ ihiẹnni k'e sọn m mụ ẹmụ!”

Ẹbụ-ọma 107:9

O yejun ndị ẹgụn-mirin rị a gụn ẹfọ; o gizikwọ ihiẹn rị mma e yejun ndị ẹgụn ihiẹn-oriri rị a gụn ẹfọ!

Ẹbụ-ọma 119:136

Ẹnya-mirin m hụ e hu nọkẹ iyi, makẹni a rị wẹ e dọnmẹ iwu i.

Ẹbụ-ọma 143:6

M kishi nwan ẹka elu a rịọ ị, e gi obi m ile a chọ ị, nọkẹ alị-ọkpọnkụn rị a chọ mirin. Sẹla

Ẹbụ-ọma 17:15

Kanị mmẹ nwẹn, m jẹnkọ d'a hụn ihun i makẹni m rị ọchan; m tẹnhin, a hụn m ihun i, ẹfọ e jun m.

Ẹbụ-ọma 28:7

Osolobuẹ wụ ikẹn m lẹ akpaịn m; Ịya k'e obi gi e ru m alị, o yeni m ẹka. Obi m hụ a tụshi elu, a ghọghọ, m hụ e gi ẹbụ a kpanmịn a.

Ẹbụ-ọma 65:4

Onyẹ ị họrị buche ẹhụ ị n'o biri ezi-ọgwa ị e nwọnkẹkwọ ngọzi. Ẹnyi sikọ d'e ri ihiẹn rị mma rị Ụlọ-NSỌ ị rijun ẹfọ, ihiẹn rị mma hụn rị Ebẹhụ Rị Nsọ ị rị.

Azaya 25:6

Osolobuẹ hụn nwọn ikẹn ile k'a nọ elu uguni kwademẹni ndị alị ile oriri, okẹn-oriri manya e nwunye ẹnya — ezigbo anụ lẹ ezigbo manya.

Azaya 30:19

Ụnụ ndị Zayọnụ, ndị bi Jerusalẹm, ụnụ akwankọzị ẹkwan. O jẹnkọ d'e mẹni ụnụ omikẹn ọda-ọda ụnụ kwanghọsị a! Hụn o gihụ nụ ẹkwan ụnụ, o k'a za ụnụ.

Azaya 66:10

Du ni nwan Jerusalẹm ghọghọ; gi ni ufiri ẹ nwọnmẹ anwịnrịn — ụnụ ile ihiẹn ẹ a sụọ! Du n'ẹ ghọghọ ọhụnma-ọhụnma ụnụ ndị rị a kwann'a ẹkwan.

Jerimaya 13:17

Kanị, omẹni ụnụ egọnni ntịn, ya wụ nị m k'e zueri a kwan ẹkwan-ẹkwan, makẹ mpache ụnụ; ẹnya m k'a chansọnmẹ, ẹnya-mirin m e huru — makẹni wẹ jẹnkọ d'a kpụnrụn igunrun atụnrụn Osolobuẹ.

Jerimaya 31:25

M k'e mẹ ndụn banzị ndị ndụn gụ, mẹ obi ruchanrịn ndị rị a kwannị alị.”

Jerimaya 31:9

Wẹ k'e gi ẹkwan lụaha; wẹ k'a rị a rịọ m m welụakọnị wẹ. M k'e wejẹnsọnmẹ wẹ mkpẹnrẹn mirin rị mma, we wẹ ghasọnmẹ ụzọ riẹnni makẹ wẹ gha a kpọgburu, makẹni mmẹ wụ nẹdi Izrẹlụ; Ifrem wụ nwa ibuzọ m.”

Jerimaya 9:1

K'ọ rị m, isi m ile wụ iyi-iyi; k'o furu, ẹnya m wụ isi-mirin ẹnya-mirin! Nkẹ m hụ a kwan ẹkwan uhinhin lẹ efinnaị, a kwan ndị nke m wẹ gbu.

Izikẹlụ 7:16

“Ndị k'a hụn isi gbapụ k'a gbashi elu ugu, a rịa lekẹ nduru rị ọdanmgbugbu, onyẹ-onyẹ hụ a kwannị njọ a.

Izikẹlụ 9:4

Ọ sị a, “Ghagbama ọgbara-ogbe ile rị obodoni wụ Jerusalẹm d'e buchesọnmẹ ahịma ezimezi ihun ndị ile rị a kwan a sụn udẹn makẹ arụ ile rị e mẹ imẹ ẹ.”

Matiu 5:4

Ngọzi wụ nke ndị hụn rị a kwannị, makẹni wẹ jẹnkọ d'a rọkọ wẹ obi.

Matiu 5:6

Ngọzi wụ nke ndị ọ rị a gụn nị ihiẹn rị kẹ Osolobuẹ dọn chọ, a gụn wẹ kẹ ihiẹn-oriri lẹ ihiẹn-ọrịra; ẹfọ jẹnkọ d'e jun wẹ.

Luku 1:53

O gigụọ ihiẹn rị mma yejun onyẹ ẹgụn rị a gụn ẹfọ, gba ọdanfịn ẹka chụpụ a.

Luku 6:20

Ọ nọ bu ẹnya zinmẹ ndị nsọnmazụụn a, sị, “Ngọzi wụ nke ụnụ ndị la enwẹn wẹ tọnị Osolobuẹ, makẹlẹ Alị-eze Osolobuẹ wụ nke ụnụ!

Luku 6:22

Ngọzi wụ nke ụnụ wẹ gha e gi ufiri Nwa nke ịhịan e ze ize ụnụ, e nu ụnụ e ye ụsụọ, a kpari ụnụ, e ye ụnụ ẹjan ẹfan!

Luku 6:25

Nsọngbu rị e che ụnụ ndị ẹfọ jun ogẹnni, makẹni ẹgụn sikọ d'a gụn ụnụ! Nsọngbu rị e che ụnụ, ndị rị a mụ ẹmụ ogẹnni, makẹni ụnụ jẹnkọ d'a gha a kwan, e goo!

Jọnụ 11:35

Ya kẹ Jizọsị nọ kwan ẹkwan.

Jọnụ 4:10

Jizọsị nọ sị a, “Omẹni i te marịn ihiẹn Osolobuẹ e ye lẹ onyẹ rị a sị ị, ‘Ye m mirin ra’, nkẹ y'a rịọ a, n'o ye i mirin hụn e ye ndụn.”

Jọnụ 6:35

Jizọsị nọ sị wẹ, “Mmẹ wụ brẹdi hụn e ye ndụn. Onyẹ bịa d'e kunrunni m, ẹgụn agụnkọ a; onyẹ kwerinini m, ẹgụn mirin agụnkọ a.

Ndị Kọrẹntị Ibuzọ 4:11

Echẹn kẹ ẹgụn ihiẹn-oriri lẹ ihiẹn-ọrịra a gụnkwọ nwan ẹnyi; ẹkwa ara zu ẹnyi ukun; wẹ hụ e mẹshi ẹnyi ikẹn; ọrụn e bu ẹnyi a tọ ụzọ.

Ndị Kọrẹntị Nke Ẹbụọ 11:27

M'a rụngbu enwẹn m; m'a ta afụnfụn; m'e chusọnmẹ ụran; ụfọdụ ogẹn m'a ra hụn ri, m'a ra hụn ra; ihiẹn-oriri a kọsọnmẹ m; m'a rịsọnmẹ imẹ oyi; ẹkwa ara zu m ukun.

Ndị Kọrẹntị Nke Ẹbụọ 12:10

Ọ sụọ m nwan a sụọ nị ndụn arị m, nị w'a kpari m, nị m'a ta afụnfụn, nị w'e kpokpo m lẹ ni ọdakin rị ichẹn-ichẹn a bịanị m, ebe o mẹni ufiri Kraịstị rọ. Makẹni, ogẹn ọwụlẹ ndụn gilẹni rị m ya kẹ m gi e kẹnrẹn.

Ndị Kọrẹntị Nke Ẹbụọ 6:10

ghahanị nị ẹnyi a ghọghọ ogẹn ile ọsụọn'a nị ihiẹn ẹkwan e mẹ ẹnyi ogẹn ile; ghahanị ịrị kẹ ndị igbẹnnyẹ bụ ẹnyi e mẹ ndị bu ọda a wụrụ ịdanfịn; ghahanị ịrị kẹ ndị nwọnlẹni ihiẹn ọwụlẹ bụ ihiẹn ile wụ nke ẹnyi.

Jemisi 1:12

Onyẹ hụn din ndidin ebe wẹ rị e lele ẹ e nwọngụọ ngọzi, makẹni, ọ pụha ọhụnma, Osolobuẹ e gi ndụn tu ẹ ugọn k'o dọn kwe nkwa n'o k'e mẹ ndị ihiẹn ẹ a sụọ.

Rẹvẹleshọnụ 21:3

M nọ nụ okẹn olu gha ukpo-eze hụ a sị, “Lee ẹ, ebe-obibi Osolobuẹ rị nwan imẹ igunrun ịhịan; o k'e bi imẹ igunrun wẹ, wẹ k'a wụ ndị nke ẹ; ya nwẹn k'a nọyeni wẹ, o k'a wụ Chuku wẹ.

Rẹvẹleshọnụ 7:16

Ẹgụn ihiẹn-oriri lẹ ihiẹn-ọrịra agụnkọzị wẹ. Kẹ anwụn kẹ ihiẹn ọwụlẹ a nụ ọkụn amakọzị wẹ.