Luku 6:20 - Ika

²⁰ Ọ nọ bu ẹnya zinmẹ ndị nsọnmazụụn a, sị, “Ngọzi wụ nke ụnụ ndị la enwẹn wẹ tọnị Osolobuẹ, makẹlẹ Alị-eze Osolobuẹ wụ nke ụnụ!

Luku 6:20 Iomraidhean Croise

Ẹbụ-ọma 37:16

Ẹkẹrẹ hụn ezigbo ịhịan nwọn ka mma karị okẹn-ihiẹn ndị-njọ nwọn;

Itẹn 16:19

Ọ ka mma nị ịhịan welụa enwẹn ẹ alị, wụrụ onyẹ wẹ rị e mẹgbu, karị n'ọ rị e sọn ndị mpache e keri ihiẹn wẹ napụ ịhịan.

Itẹn 19:1

Ogbẹnnyẹ e dọnmẹ ẹka a ọchan ka mma karị onyẹ-nzuzu gi ọnụ a e ku eje-ihiẹn.

Azaya 29:19

Ndị welụa enwẹn wẹ alị k'a ghọghọmazị makẹ Osolobuẹ; ndị ogbẹnnyẹ a ghọghọma ọda-ọda makẹ Onyẹ-nsọ Izrẹlụ.

Azaya 66:2

Ẹlẹ ẹka m mẹmẹ wẹ, haịn wẹ gi rị?” Ya kẹ Osolobuẹ ku. Onyẹni kẹ m'a kpọ ịhịan: onyẹ hụn e welụa enwẹn ẹ alị njọ a e gbu mgbu obi, hụn a nụ oku m, e mẹhunmẹ.

Zẹfanaya 3:12

M k'a latọnị ụnụ ndị nwọnlẹni ihiẹn wẹ kpọ wẹ lẹ ndị w'e legberi; wẹ k'e gi ẹfan Osolobuẹ dọn ẹnya.

Zẹkaraya 11:11

Ya wụ, ụhụọhịn ahụn kẹ ihiẹn ẹnyi kwerigbama bi! Ndị afịa atụnrụn rị ebẹhụ e lee m nọ marịn nị ozi Osolobuẹ kẹ m gi ẹ zi.

Matiu 11:5

ndị ẹnya-ishi a hụnmagụọ ụzọ; ndị ngụrọ e jẹnmẹgụọ ijẹn; ndị oti hụ a dịnhịn, a wụbehi ndị rụnị; ndị odin a nụmagụọ ihiẹn; wẹ hụ e weli ndị nwụnhụnnị, e zi ndị igbẹnnyẹ oziọma.

Matiu 25:34

“Ogẹn hụ, Eze wụ Nwa nke Ịhịan, jẹnkọ d'a sị ndị hụ rị a ẹka-nni, ‘Bịa nị, ndị Nẹdi m gọzi, weri ni Alị-eze hụ wẹ kwademẹni ụnụ kete wẹ gbelẹ iyetọ ụwa.

Matiu 5:1

Ogẹn Jesu gi hụn igunrun hụ rị e sọnn'ẹ, ọ nọ shi elu òke rị ebẹhụ, nọdị alị, ndị nsọnmazụụn a nọ bịa d'e kunrun ẹ.

Luku 12:32

“Ụmụ-atụnrụn m, atụlẹ ni egun, makẹni ọ sụọghọ Nẹdi ụnụ n'o ye ụnụ Alị-eze.

Luku 13:28

Ịkwan-ẹkwan lẹ ịta nkwẹnrẹn-eze jẹnkọ d'a rị ogẹn ụnụ e gi hụn Ebraham lẹ Aziki lẹ Jekọpụ lẹ ndị-amụma ile imẹ Alị-eze Osolobuẹ, kanị a tụ wẹ ụnụ lẹ enwẹn ụnụ ye ezi!”

Luku 14:15

Onyẹ ohu imẹ ndị bịa oriri hụ a nụ ihiẹn Jesu ku, ọ nọ sị, “Onyẹ hụn k'e ri oriri hụ imẹ Alị-eze Osolobuẹ, nke ẹ a rịkakwọ mma!”

Luku 16:25

“Ebraham nọ sị a, ‘Nwa m, nyanhan nị k'ị rị ndụn, ị hụ e nwọnhẹn ihiẹn rị mma, kanị Lazarọsụ hụ e nwọnhẹn ihiẹn ile jọ njọ. Ẹhụ fu ẹ nwan ebeni, yụ nwẹn hụ a ta afụnfụn.

Luku 4:18

“Mmọn Di-nwọnni-ẹnyi rị imẹ m, makẹni o tumẹ m d'e zi ndị igbẹnnyẹ oziọma. O zi m d'a sị ndị rị imẹ ẹgbụn nwọnrin enwẹn wẹ, d'a sị ndị ẹnya-ishi hụnma ụzọ, d'a gbapụha ndị wẹ rị a bịangbu;

Ọrụn Ndị-ozi 14:22

wẹ hụ e jẹn, wẹ hụ a gba ndị nke Jesu rị imẹ obodo ndịnị umẹ; a gwa wẹ kwọnkẹnmẹ okukwe wẹ kwerini Kraịstị, nị “Ẹnyi k'a tarịrị afụnfụn bu ọda omẹni ẹnyi jẹnkọ d'a banye Alị-eze Osolobuẹ.”

Ndị Kọrẹntị Nke Ẹbụọ 6:10

ghahanị nị ẹnyi a ghọghọ ogẹn ile ọsụọn'a nị ihiẹn ẹkwan e mẹ ẹnyi ogẹn ile; ghahanị ịrị kẹ ndị igbẹnnyẹ bụ ẹnyi e mẹ ndị bu ọda a wụrụ ịdanfịn; ghahanị ịrị kẹ ndị nwọnlẹni ihiẹn ọwụlẹ bụ ihiẹn ile wụ nke ẹnyi.

Ndị Kọrẹntị Nke Ẹbụọ 8:2

ọsụọn'a nị wẹ rị imẹ okẹn nsọngbu cheni ogbẹnnyẹ mgbeleke wẹ wụ, okẹn ịghọghọ wẹ nwọn imẹ Di-nwọnni-ẹnyi anịnị ụya wẹ rị imẹ ẹ gbọndọn wẹ, wẹ nọ ye, ye ọda-ọda!

Ndị Kọrẹntị Nke Ẹbụọ 8:9

Makẹni, ụnụ a marịnghọ ẹfọma Onyẹ-nwọnni-ẹnyi wụ Jesu Kristi mẹ: nị, ọsụọn'a n'ọ wụ ọdanfịn, o gi ufiri ụnụ họnrin ogbẹnnyẹ kẹni ụnụ gi ogbẹnnyẹ o dan wụrụ ndị ịdanfịn.

Ndị Tẹsalonika Ibuzọ 1:6

Ya kẹ ụnụ ile nọ leri ẹnyi lẹ Onyẹ-nwọnni-ẹnyi, gi ịghọghọ Mmọn-nsọ nabanhan oku-Chuku, ọ sụọn'a n'o wẹhẹni ụnụ afụnfụn ọda-ọda,

Ndị Tẹsalonika Nke Ẹbụọ 1:5

Ọ hụ a ghọsị nị okinkin-ikpe Osolobuẹ wela furu efuru; ụnụ hụzị e gi ẹ a wụrụ ndị furu ịbanye Alị-eze Osolobuẹ hụ ụnụ rị a tanị afụnfụn.

Jemisi 1:12

Onyẹ hụn din ndidin ebe wẹ rị e lele ẹ e nwọngụọ ngọzi, makẹni, ọ pụha ọhụnma, Osolobuẹ e gi ndụn tu ẹ ugọn k'o dọn kwe nkwa n'o k'e mẹ ndị ihiẹn ẹ a sụọ.

Jemisi 2:5

Ezigbo umunẹ m m bu obi, gọn ni ntịn! Osolobuẹ a họrịgụọnị ndị wụ igbẹnnyẹ imẹ ụwanị mẹ wẹ wụrụ ndị-ịdanfịn imẹ okukwe, wụrụzị ndị k'a banye Alị-eze hụ o kwe nkwa n'o k'e ye ndị ihiẹn ẹ a sụọ?

Rẹvẹleshọnụ 2:9

A marịngụọ m afụnfụn ụnụ rị a ta, marịnzịkwọ kẹ ụnụ mẹhan ogbẹnnyẹ (kanị m sị ụnụ nị ọdanfịn kẹ ụnụ wụ nke-esi). A marịnghọ m kẹ ndị ahụn kpọ enwẹn wẹ ndị Ju dọn rị e kuja oku ụnụ. Ẹlẹ ndị Ju kẹ wẹ wụ kanị ndị itu Ekwensụ!

Samuẹlụ Nke Ibuzọ 2:8

Ọ gha imẹ uzunzun e weshi ogbẹnnyẹ elu, a gha ikpọn-ntụn e weshi ndị elu rị a fụ elu. O ye wẹ ọnọdị imẹ ndị-isi, e mẹ wẹ e nwọnrin ezigbo ocho. Iyetọ gi ụwanị wụ nke Osolobuẹ, ịya bu ụwanị dọnmẹ elu ẹ.