Luku 6:12 - Ika

¹² Ogẹn hụ, Jesu nọ shi elu ugu d'e mẹ ekpere, nọchanrịn uchinchin hụ ile e mẹ ekpere e jẹnni Osolobuẹ.

Luku 6:12 Iomraidhean Croise

Ẹbụ-ọma 22:2

Euu Chuku m, a kpọku m'i efinaị, y'a zanị; a kpọkuzịkwọ m'ị uhinhin, ẹhụ emẹni m jụụ.

Azaya 26:9

Uhinhin, m'a chọ ị ọda-ọda; o ru ụtụntụn, obi m ile hụzị a chọ ị — makẹni i yeọlẹ ụwa afụnfụn, ndị rị elu-ụwa e gi ẹ marịn ihiẹn ezi-omumẹ wụ.

Daniẹlụ 6:10

Mgbe Daniẹlụ gi nwan marịn nị e tigụọ wẹ iwu hụ, de ẹ, ma ọkwa a, ọ nọ lashi iwe ẹ. Mgbe ẹtọ imẹ ụhụọhịn ọ hụ e jẹn mmughẹ ẹ rị ibe elu hụn windo ẹ bu ihun zinmẹ ibẹka Jerusalẹm, e gbu osekpu, e mẹ ekpere, a kpanmịn Chuku ẹ, k'o dọn e mẹ mbụ.

Matiu 5:1

Ogẹn Jesu gi hụn igunrun hụ rị e sọnn'ẹ, ọ nọ shi elu òke rị ebẹhụ, nọdị alị, ndị nsọnmazụụn a nọ bịa d'e kunrun ẹ.

Matiu 6:6

Kama, ụnụ jẹnkọnị d'e mẹ ekpere, ban nị mmụlọ, gụnma ụzọ, mẹ ekpere jẹnni Nẹdi ụnụ hụn wẹ ghalẹni e legha; Nẹdi ụnụ hụn a hụn ihiẹn zuerini sikọ d'a kụ ụnụ ụgwọ.

Makị 1:35

Ụzụtụntụn, ebe eki kelẹni fọnchanpụ, ọ nọ zọpụ, shi ebe ịhịan rịlẹni, nọ ebẹhụ mẹmẹ ekpere.

Makị 3:13

Omẹgụ, Jesu nọ shi elu ugu, kpọ ndị hụn ọ chọ, wẹ nọ bịa d'e kunrun ẹ.

Makị 6:46

Ọ gbashịagụ wẹ, ọ nọ shi elu ugu d'e mẹ ekpere.

Luku 5:16

Kanị ọ pụ ogẹn ile d'e mẹ ekpere ebe ịhịan bilẹni.

Luku 6:11

Kanị, eje-olulu nọ bumẹ ndị-nkuzi Iwu lẹ ndị Itu-Farisi hụ, wẹ nọ zumẹ umẹ, e ku ihiẹn wẹ jẹnkọ d'e mẹ Jizọsị.

Luku 6:17

Ogẹn Jizọsị lẹ ndị-ozi hụ pụ-ichẹn gi hidangụ, ọ nọ turu alị-aradan, ya lẹ igunrun ndị nsọnmazụụn a. Imẹrinmẹ ndị ghazị ebe ile rị imẹ Judia lẹ Jerusalẹm lẹ ibẹka Taya-lẹ-Sidọnụ rị mkpẹnrẹn Ohimin bịa rịzịkwọ ebahụn;

Luku 9:18

Ụhụọhịn ohu, Jesu sụọ nọdị e mẹ ekpere. Ndị nsọnmazụụn a nọkunmẹ ẹ. Ọ nọ sị wẹ, “Onyẹ kẹ wẹ sị nị ịya kẹ m wụ?”

Luku 9:28

Ọ rị ihiẹn nọkẹ akpọhịn ẹsatọ Jesu ku ihiẹn ndịnị, ọ nọ weri Pita lẹ Jọnụ lẹ Jemisi shi elu ugu d'e mẹ ekpere.

Luku 9:29

Ebe ọ rị e mẹ ekpere, ihun ẹ nọ nwọnhutọ, ẹkwa o yi nọ gbukemẹ.

Jọnụ 6:3

Jizọsị nọ shi elu ugu, ya lẹ ndị nsọnmazụụn a nọ nọdị alị ebẹhụ.

Ndị Kolosị 4:2

E mẹ ni ekpere ogẹn ile, e we ẹnya e ru alị e mẹ ẹ, a kpanmịn Osolobuẹ ụnụ gha e mẹ ekpere.

Hibru 5:7

Ogẹn Jizọsị gi rị elu ụwanị, o mẹ ekpere, a rịọ Osolobuẹ arịrịọ; e gi okẹn ẹkwan lẹ ẹnya-mirin a kpọku Osolobuẹ hụn k'a saẹka zụọpụha a imẹ ọnwụn, Osolobuẹ nọ nụ ekpere ẹ makẹni ọ lachanrịn enwẹn ẹ tọnị Osolobuẹ.

Samuẹlụ Nke Ibuzọ 15:11

“Ọ fụka m nị m tumẹ Sọlụ eze, makẹni ọ gbakitọgụọ m azụụn; o mẹni ihiẹn m sị a mẹ.” Ihiẹnni nọ fụ Samuẹlụ, ọ nọ kwanghọsị Osolobuẹ uhinhin hụ ile.