Luku 4:41 - Ika

⁴¹ Eje-mmọn hụzị a gha imẹ ndị bu ọda a pụ, e yi, “Ịyụ wụ Nwa Osolobuẹ!” Kanị, Jizọsị hụ a jụgbọ eje-mmọn ndị hụ — ọ nịnị wẹ ku oku, makẹni a marịngụọ wẹ nị ya wụ Kraịstị.

Luku 4:41 Iomraidhean Croise

Matiu 26:63

Kanị Jizọsị a gba nkịtịn. Onyẹ-isi nchụn-ẹjan nọ sị a, “E gi m ẹfan Osolobuẹ rị ndụn sị ị gwa ẹnyi omẹni ịyụ wụ Kraịstị Nwa Osolobuẹ.”

Matiu 4:3

Ya kẹ onyẹ-ọnwụnwan hụ nọ bịa, sị a, “Omẹni ịyụ wụ Nwa Osolobuẹ, sị ọmụma ndịnị họnrinsọnmẹ ogbe brẹdi.”

Matiu 8:16

Ẹnyasị hụ, wẹ nọ wẹhẹni Jizọsị ndị bu ọda eje-mmọn rị imẹ wẹ, ọ nọ gi oku-ọnụ mmakalaka chụpụsọnmẹ eje-mmọn ndị hụ, zụọzịkwọ ndị ile emu rị a kụ.

Matiu 8:29

Wẹ nọ dọbepụ oro, sị, “K'i gi ẹnyi e mẹ, Nwa Osolobuẹ? Ị bịa ebeni d'e ye ẹnyi afụnfụn bụ ogẹn e ke ru?”

Matiu 8:4

Jizọsị nọ sị a, “Hụn a n'o nwọnni onyẹ ị gwa ihiẹnni; ka we enwẹn i d'a ghọsị onyẹ nchụn-ẹjan, y'e ye oyiye hụ Mozizi ku imẹ Iwu, n'i gi ẹ ghọsị wẹ nị y'a dịnhịngụọ wụbehi onyẹ rụnị.”

Makị 1:25

Kanị, Jizọsị nọ jụgbọ eje-mmọn hụ, sị a, “Kpumẹ ọnụ; gha imẹ ẹ pụha!”

Makị 1:32

O ru ẹnyasị, ogẹn anwụn gi rọgụ, wẹ nọ wẹhẹn'ẹ ndị ile emu rị a kụ lẹ ndị eje-mmọn rị imẹ wẹ,

Makị 1:34

Jesu nọ zụọ ndị bu ọda emu ichẹn-ichẹn rị a kụ, chụpụsọnmẹ eje-mmọn bu ọda, ọ nịnị eje-mmọn ndị hụ ku oku makẹni a marịngụọ w'a.

Makị 3:11

Ndị eje-mmọn rị imẹ wẹ hụn a, a dannị w'a alị ozigbo, yi, “Ị wụ Nwa Osolobuẹ!”

Luku 4:39

Jizọsị nọ jẹn d'e wuzo ebẹhụ o dinẹ, jụgbọ ẹhụ-ọkụn hụ, ẹhụ-ọkụn hụ nọ hapụ a. Ọ nọ lihi ọtọ ozigbo, lemẹ wẹ ọbịa.

Jọnụ 20:31

Kanị, wẹ deye ndịnị kẹni ụnụ hụn ụzọ kweri nị Jesu wụ Kraịstị (hụn wụ Onyẹ Nzụọpụha Hụ Osolobuẹ Tumẹ), Nwa Osolobuẹ, kẹni ụnụ gi ẹfan a nwọn ndụn ghahanị okweri ụnụ kwerin'ẹ.

Jemisi 2:19

Y'e nwọnghọ okukwe i gi kweri nị Osolobuẹ ohu sụọ rị, ẹlẹ ịya? Y'e mẹkẹ! Eje-mmọn nkẹ e nwọnzighọ okukwe wẹ gi kweri! Ya haịn wẹ gi a ma piripiri!