Luku 4:35 - Ika

³⁵ Kanị Jesu nọ jụgbọ eje-mmọn hụ, sị a, “Gba nkịtịn! Gha imẹ ẹ pụ!” Eje-mmọn hụ nọ bu okẹnnyẹ hụ gbe alị idẹnya wẹ ile, gha imẹ ẹ pụ, kanị ọ rụn'a ẹhụ.

Luku 4:35 Iomraidhean Croise

Ẹbụ-ọma 50:16

Nke ndị njọ, Osolobuẹ sị, “Onyẹ sị ụnụ ku oku Iwu m? Kịnị kẹ Iwu m rị ọnụ ụnụ e mẹ?

Zẹkaraya 3:2

Ya kẹ Osolobuẹ nọ sị Ekwensụ, “Ịyụ wụ Ekwensụ, Osolobuẹ a jụgbọ ị! Osolobuẹ hụn gi ẹka a họrị Jerusalẹm a jụgbọ ị! Ẹlẹ nkụn wẹ gha ọkụn lọpụha kẹ okẹnnyẹni wụdẹ?”

Matiu 17:18

Ya Jizọsị nọ jụgbọ eje-mmọn hụ, ọ nọ gha imẹ nwata-okẹnnyẹ hụ pụha, ọ nọ dịnhịn ozigbo.

Matiu 8:26

Ọ nọ sị wẹ, “Kị ụnụ rị a tụnị egun? Ndị okukwe nta!” Ya ọ nọ lihi ọtọ, jụgbọ okẹn ufere hụ lẹ ohimin hụ. Ụzọ ile nọ mẹchanrịn rajụụ.

Makị 1:26

Eje-mmọn hụ nọ se okẹnnyẹ hụ, gi okẹn olu yi oro, gha imẹ ẹ pụha.

Makị 4:39

Jizọsị nọ tẹnhin, jụgbọ okẹn ufere hụ, sị ohimin hụ, “Kụsị! Mẹ jụụ!” Ufere a kụsị, ụzọ ile e mẹ rajụụ.

Makị 9:26

Eje-mmọn hụ nọ yi oro; ọ dọgụ nwata hụ ọda-ọda, ọ nọ gha imẹ ẹ pụha. Nwata hụ emẹhunmẹzini, nke wụnị ndị bu ọda nọ sị, “Ọ nwụnọlẹ!”

Luku 11:22

Kanị, onyẹ ka a ikẹn maye ẹ ọgụn, mẹri ẹ, ọ napụchanrịn a ihiẹn ọgụn ile o gi dọn ẹnya, buru ihiẹn ẹ ile keyịya.

Luku 4:23

Ọ nọ sị wẹ, “A marịngụọ m nị ụnụ sikọ d'a tụnị m iluni: ‘Dibiẹ, zụọ enwẹn i!’ Nọ nwan obodo i ebeni mẹ ihiẹn ẹnyi nụ nị i mẹ imẹ Kapanọm.”

Luku 4:39

Jizọsị nọ jẹn d'e wuzo ebẹhụ o dinẹ, jụgbọ ẹhụ-ọkụn hụ, ẹhụ-ọkụn hụ nọ hapụ a. Ọ nọ lihi ọtọ ozigbo, lemẹ wẹ ọbịa.

Luku 4:41

Eje-mmọn hụzị a gha imẹ ndị bu ọda a pụ, e yi, “Ịyụ wụ Nwa Osolobuẹ!” Kanị, Jizọsị hụ a jụgbọ eje-mmọn ndị hụ — ọ nịnị wẹ ku oku, makẹni a marịngụọ wẹ nị ya wụ Kraịstị.

Luku 8:24

Ndị nsọnmazụụn a nọ jẹnburu ẹ, kpọtiẹn ẹ, e yi, “Onyẹ-nwọnni-ẹnyi! Onyẹ-nwọnni-ẹnyi! Ẹnyi e d'a nwụn!!” Jizọsị nọ tẹnhin, jụgbọ ẹbi hụ lẹ ohimin hụ ẹbi rị a kpọhunmẹ; wẹ ile nọ kụsị, ebe ile nọ mẹ rajụụ.

Luku 9:39

O nwọn eje-mmọn e kwọndọnn'ẹ. O kwọndọn ẹ, ọ dọbepụ oro, ụfọfọ a gbọma a ọnụ; a ra yen'ẹ efe; ẹhụ ẹhụ k'ọ rụsọnmẹ ẹ!

Luku 9:42

Ogẹn nwata-okẹnnyẹ ahụn gi pụla, eje-mmọn hụ nọ we ẹ gbe alị, dọma a. Kanị Jesu nọ jụgbọ eje-mmọn hụ, zụọ nwata hụ, we ẹ ye nẹdi ẹ.

Rẹvẹleshọnụ 12:12

Elu-igwee ya ghọghọma nwan; ịya lẹ ndị bi imẹ ẹ! Kanị o k'a jọnị ụwa lẹ ohimin njọ, makẹni Ekwensụ e hidangụọ d'e kunrun ụnụ. O gi okẹn olulu bịa — makẹni o marịngụọ nị ogẹn ẹ họdụ ẹkẹrẹ!”