Luku 3:16 - Ika

¹⁶ Jọnụ nọ sị wẹ, “Mirin mmaka kẹ m gi rị e mẹ ụnụ mirin-Chuku, kanị onyẹ kanị m lala: erudẹni m onyẹ a tọpụ a eriri akpụkụ! O sikọ d'e gi Mmọn-nsọ lẹ ọkụn mẹ ụnụ mirin-Chuku.

Luku 3:16 Iomraidhean Croise

Itẹn 1:23

Omẹni ụnụ te gọn ntịn kẹ m rị a jụgbọ ụnụ, nkẹ a gwachanrịn m ụnụ ihiẹn rị m obi, mẹ ụnụ marịn ihiẹn m rị e ro.

Azaya 32:15

O k'a rị ẹrịra d'e ru mgbe Osolobuẹ gha elu-igwee hukpu ẹnyi Mmọn a, alị ọkpọ-nkụn e họnrin alị e mẹ ihiẹn ọhụnma, alị e mẹ ihiẹn ọhụnma e mẹkẹnmẹ, nọchanrịn kẹ ẹgboko.

Azaya 4:4

Makẹni, ogẹn ahụn, Osolobuẹ k'a chanchanpụchanrịn ụrụ ikpoho Zayọnụ; o k'e ye wẹ afụnfụn, mẹ wẹ ihiẹn ọkụn e mẹ, gi ẹ finchanpụ Jerusalẹm ẹdeke rịn'a.

Izikẹlụ 36:25

E fekpu m ụnụ mirin nwunni, gi ẹ fepụ ụnụ ụrụ ile ụnụ rụ lẹ mmọn ile ụnụ fe.

Zẹkaraya 13:9

m k'e mẹ ụzọ ohu hụ họdụnị gha imẹ ọkụn, gi ẹ chanchan wẹ kẹ w'a chanchan siliva; gi ẹ lele wẹ kẹ wẹ e lele goru. Wẹ k'a kpọku ẹfan m, a za m wẹ; m k'a sị, ‘Wẹ wụ ndị nke m’, a sị wẹ, ‘Osolobuẹ wụ Chuku ẹnyi.’ ”

Matiu 3:11

“Mmẹ nwẹn gi mirin-mmaka e mẹ ụnụ mirin-Chuku ụnụ gi a ghọsị nị ụnụ e rogharịgụọ. Kanị, onyẹ hụn sọnla m azụụn ka m ọhụnma-ọhụnma; erudẹni m onyẹ e bu akpụkụ a! Mmọn-nsọ lẹ ọkụn kẹ ya nwẹn k'e gi mẹ ọnụ mirin-Chuku.

Matiu 3:12

Ihiẹn o gi a fụchan ọka rị a ẹka: o k'a fụchanchanrịn ọka ile rị ebe ọ nọ a kụkpọ ọka a, kpọnrin ọka a ile ye ebe o butọ ọka, kpọn ẹfịfịa ọka che imẹ ọkụn hụ ghalẹni e tinyụn.”

Jọnụ 1:26

Jọnụ nọ sị wẹ, “M gi mirin mmaka e mẹ mirin-Chuku, kanị o nwọn onyẹ turu imẹ ụnụ hụn ụnụ marịnlẹni.

Jọnụ 1:27

Ịya wụ onyẹ hụ lalanị m mẹmẹgụ. Erudẹni m onyẹ sikọ d'a tọpụ eriri akpụkụ a.”

Jọnụ 1:33

E te marịn m'a, kanị onyẹ hụn zi m d'e gi mirin mẹ ịhịan mirin-Chuku sị m, ‘Onyẹ i jẹnkọ d'a hụn kẹ Mmọn-nsọ hidan nọkwasị, ịya wụ onyẹ hụ jẹnkọ d'e gi Mmọn-nsọ mẹ ịhịan mirin-Chuku.’

Jọnụ 7:38

Onyẹ kwerini m, ọ rịn'a kẹ Ẹkụkwọ-nsọ dọn ku: ‘Mirin hụn e ye ndụn k'a gha imẹ ẹ e hupụha kẹ iyi.’ ”

Ọrụn Ndị-ozi 1:5

Jọnụ gi mirin mẹ mirin-Chuku; kanị, o gini d'e mẹ akpọhịn ole-lẹ-ole, wẹ k'e gi Mmọn-nsọ mẹ ụnụ mirin-Chuku.”

Ọrụn Ndị-ozi 10:44

Ebe okuni rịkwọ Pita ọnụ, Mmọn-nsọ nọ hidankwasị wẹ ile nụ oku-Chuku hụ Pita rị e ku.

Ọrụn Ndị-ozi 2:33

Osolobuẹ e weshigụọ a elu-igwee ebe ọghọ rị ẹka-nni Osolobuẹ; ọ nahangụọ Chuku-Nẹdi Mmọn-nsọ hụ Chuku-Nẹdi kwe nkwa a, ọ nọ nwan hupụha ihiẹnni ụnụ rị a hụn lẹ hụn ụnụ rị a nụ.

Ndị Kọrẹntị Ibuzọ 12:13

Makẹni, Osolobuẹ gha ẹka Mmọn ohu bu ẹnyi ile che ẹhụ ohu, kẹ ndị Ju kẹ ndị ọzọ, kẹ igbọn kẹ ndị nwọn enwẹn wẹ, mẹ ẹnyi ile rarị Mmọn ohu ahụn.