Luku 3:11 - Ika

¹¹ Ọ nọ sị wẹ, “Onyẹ nwọn ẹwuru ẹbụọ jẹnkọ d'e werịrị ohu ye onyẹ nwọnlẹni; onyẹ nwọn ihiẹn-oriri ya mẹzikwọ ẹrịra.”

Luku 3:11 Iomraidhean Croise

Izikẹlụ 18:7

omẹni ara mẹgbu ịhịan, kanị o wekinni ịhịan ihiẹn wẹ gi gbama ibe ẹka a; omẹni ara zun ohin, kanị o ye ndị ẹgụn rị a gụn ihiẹn-oriri, e ye ndị gba-ọtọ ẹkwa;

Daniẹlụ 4:27

Eze-Agụ, dodo weri nwan ọdụn m k'a dụn ị: mẹbehi njọ, mẹmẹ ezi-omumẹ; la ẹfọ-njọ tọ n'i mẹmẹni ndị rị e ri ụya ẹfọma. Ikẹnkwọ y'a ghasọnmẹ ihun.”

Matiu 25:40

Eze sikọ d'a za wẹ, sị, ‘M rị a gwa ụnụ ezioku, ebe ụnụ nọ mẹni onyẹ kachanrịndẹ ntịn imẹ umunẹ m ndịnị ya, mmẹ kẹ ụnụ mẹn'ẹ!’

Luku 11:41

Ka we ni nwan ihiẹn rị imẹ ẹ ye ndị igbẹnnyẹ, ogẹn ahụn ihiẹn ile a rịchanrịnnị ụnụ ọchan.

Luku 18:22

Jizọsị a nụ ihiẹn ọ za, ọ nọ sị a, “O nwọn ihiẹn ohu i kelẹni mẹ: repụ ihiẹn ile i nwọn, y'e we egho ẹ ye ndị igbẹnnyẹ, gi ẹ nwọn akụ-lẹ-ụba imẹ elu-igwee; y'a bịa d'e sọnmẹ m.”

Luku 19:8

Zakịọsụ nọ turu, sị, “Di-nwọnni-ẹnyi, lee ẹ, m rị nwan e kebe ihiẹn ile m nwọn ụzọ ẹbụọ e we ohu e ye ndị igbẹnnyẹ! Omẹni o nwọn onyẹ m mẹgbu, m jẹnkọ d'a kụkin ẹ ya ụzọ ẹnọ!”

Jọnụ 13:29

Makẹni Judasị e kwọndọnni wẹ egho, o nwọn ndị ro ni Jizọsị rị a gwa a d'e ṅọnhẹn ihiẹn mmẹmmẹ hụ, mọbụ ya d'e ye ndị igbẹnnyẹ ihiẹn.

Ọrụn Ndị-ozi 10:2

Okẹnnyẹni e feshi Osolobuẹ ikẹn, a tụ egun Osolobuẹ, ya lẹ ezi-lẹ-ụlọ a ile. O yesọnmẹ ndị igbẹnnyẹ rị alị hụ ihiẹn. Ọ kpọku Osolobuẹ ogẹn ile.

Ọrụn Ndị-ozi 10:31

Ọ nọ sị, ‘Kọnẹlusu, Osolobuẹ a nụọlẹ ekpere i; ọ nyanhangụọ ihiẹn ị rị e ye ndị igbẹnnyẹ.

Ọrụn Ndị-ozi 10:4

Ya nwẹn nọ bu ẹnya tụma mmọn-ozi hụ yeni egun, sị a, “Di-nwọnni m, kị rọ?” Mmọn-ozi hụ nọ sị a, “Ekpere i lẹ ihiẹn i rị e ye ndị-igbẹnnyẹ e rugụọ elu-igwee, Osolobuẹ e gigụọ a nyanhan ị.

Ndị Ẹfẹsọsụ 4:28

Onyẹ e zun ohin y'e zunzilẹ. Ya gi ẹka a lụrụ ihiẹn o gi e bi, e gi ẹka a a rụn ihiẹn rị mma, kẹni ọ hụn ihiẹn o gi e yezini ndị ihiẹn rị a fụ ọrụn ẹka.

Timoti Ibuzọ 6:17

Nke ndị wụ ọdanfịn elu ụwanị, gba wẹ mkpịnsịn-ẹka, sị wẹ apachelẹ mọbụ gi ẹfe (akụ-lẹ-ụba) ụwanị ghalẹni a tọ dọn ẹnya. Kama, wẹ gi Osolobuẹ dọn ẹnya, onyẹ hụn e yechanrịn ẹnyi ihiẹn ile e yekwasị kẹni ẹfọ a sụọ ẹnyi ụsụọ.

Timoti Ibuzọ 6:18

Sị wẹ e mẹ mma, a wụ ndị ịdanfịn ebe ịrụn ọrụn-ọma rị; wẹ a ha ẹka, a hụn a nị ihiẹn wẹ e ruzi ndị ọzọ ẹka ọhụnma —

Hibru 6:10

Makẹni, Osolobuẹ ara mẹgbu ịhịan; ọ zọkọ ọrụn ụnụ lẹ ihiẹn-ọsụsụọ ụnụ ghọsị a ebe ụnụ nọ gi ufiri ẹfan a yeni ndị nke ẹ ẹka, hụn ụnụ rịkwọ nwan e mẹ.

Jemisi 1:27

Ezigbo ofufe zu oke, rụlẹni ẹnya Osolobuẹ Nẹdi ẹnyi wụ hụnnị: ịtụnị ndị nwọnlẹni nẹdi mọbụ nnẹ lẹ ikpoho di wẹ nwụn rị e ri ụya ụya, lẹzi idọnmẹ enwẹn ịhịan makẹ ụwa gha e mẹrụ a.

Jemisi 2:14

Umunẹ, elee erere k'ọ ban nị ịhịan sị n'o nwọn okukwe, bụ o gin'ẹ rụn ọrụn? Nị okukwe ahụn saẹka zụọpụha a?

Jọnụ Ibuzọ 3:17

Nanị ẹnyi e dọn kweri ni ihiẹn-ọsụsụọ Osolobuẹ dọn rị imẹ ịhịan omẹni hụnyẹ e nwọnghọ ihiẹn ụwanị kanị ọ hụn ibe ẹ ihiẹn rị a kọ, ọ jụ n'o yekọn'a ẹka?

Jọnụ Ibuzọ 4:20

Omẹni ịhịan sị, “M nwọn ihiẹn-ọsụsụọ Osolobuẹ,” bụ ọ hụ e ze ize ibe ẹ, onyẹ-ntụ k'ọ wụ. Makẹni, omẹni ịhịan enwọnni ihiẹn-ọsụsụọ ibe ẹ hụn ọ rị e legha, ọ sakọ ẹka nwọn ihiẹn-ọsụsụọ Osolobuẹ o leghatulẹni.