Luku 24:46 - Ika

⁴⁶ sị wẹ, “Ọnwan wụ ihiẹn wẹ de: nị Onyẹ-nzụọpụha sikọ d'a nwụnhụn, nke akpọhịn ẹtọ ọ gha ọnwụn lihi;

Luku 24:46 Iomraidhean Croise

Azaya 50:6

E budẹ m ụgba-azụụn zinmẹni wẹ ebe wẹ rị a fịan m ihiẹn, la nti tọnị ndị rị e huepụ m ẹtu; egini m ifẹnrẹn zueri makẹ ẹmụ wẹ rị a mụ m lẹ ẹsọn wẹ rị a jụkpu m.

Matiu 26:24

Nị Nwa nke Ịhịan laghọ kẹ wẹ dọn de ẹ imẹ ẹkụkwọ-nsọ n'o k'a la, kanị nsọngbu jẹnkọ d'a rịnị onyẹ k'e we Nwa nke Ịhịan che wẹ ẹka! O te ka onyẹ hụ mma nị amụnị w'a.”

Luku 24:44

Ya ọ nọ sị wẹ, “Ihiẹn ndịnị kẹ m gwa ụnụ ogẹn mmẹ lẹ ụnụ gi rị: nị ihiẹn ile wẹ de banyeni m imẹ Iwu Mozizi lẹ imẹ ihiẹn ndị-amụma de lẹ imẹ Ẹbụ-ọma jẹnkọ d'e mẹrịrị.”

Luku 24:7

‘Wẹ jẹnkọ d'e bu Nwa nke Ịhịan che ẹka ndị njọ, a kpọgbu wẹ ẹ; kanị hụn m'ẹ akpọhịn ẹtọ, o k'a gha ọnwụn lihi.’ ”

Jọnụ 20:9

(Ogẹn ahụn, w'e ke ghọtakwọ ihiẹn hụ Ẹkụkwọ-nsọ ku n'o jẹnkọ d'a gha ọnwụn lihi.)

Ọrụn Ndị-ozi 17:3

a kọwa, a ghọsị nị Ẹkụkwọ-nsọ ku ẹ nị Onyẹ hụ Osolobuẹ tumẹ k'a ta afụnfụn, n'o k'a ghazịkwọ ọnwụn lihi. Ọ hụ a sị wẹ, “Jesuni m rị a gwa ụnụ oku ẹ wụ Kraịstị, Onyẹ hụ Osolobuẹ tumẹ.”

Ọrụn Ndị-ozi 4:12

Onwọnni onyẹ ọzọ nzụọpụha gha ẹka a a bịa, makẹni onwọnni ẹfan ọzọ rị okpuru elu-igwee hụn Osolobuẹ ye ịhịan n'o gi nwọn nzụọpụha karị ẹfan Jesu.”

Pita Ibuzọ 1:3

Ọjịja-mma ya rịnị Osolobuẹ hụn wụ Chuku lẹ Nẹdi Onyẹ-nwọnni-ẹnyi wụ Jizọs Kraịstị! O gigụọ okẹn omikẹn ẹ mụdọnzi ẹnyi, mụ ẹnyi ye imẹ olilẹnya ọhụn rị ndụn ghahanị ịgha ọnwụn weli Jizọsị.