Luku 24:44 - Ika

⁴⁴ Ya ọ nọ sị wẹ, “Ihiẹn ndịnị kẹ m gwa ụnụ ogẹn mmẹ lẹ ụnụ gi rị: nị ihiẹn ile wẹ de banyeni m imẹ Iwu Mozizi lẹ imẹ ihiẹn ndị-amụma de lẹ imẹ Ẹbụ-ọma jẹnkọ d'e mẹrịrị.”

Luku 24:44 Iomraidhean Croise

Jẹnẹsisi 14:18

Ya kẹ Mẹkizẹdẹkị, eze Salẹm, nọ wẹhẹ brẹdi lẹ manya. Onyẹ nchụn-ẹjan Osolobuẹ, Chuku kachanrịnnị, k'ọ wụ.

Jẹnẹsisi 22:18

ẹka ụmụ ị kẹ alị ile rị elu-ụwa k'a gha nwọnrin ngọzi wẹ; o k'a rị ẹrịra makẹni y'e mẹọlẹ ihiẹn m ku.”

Jẹnẹsisi 3:15

“M k'e mẹ ịyụ lẹ okpohoni wụrụ eṅẹnrẹn, mẹzikwọ nwa ị lẹ nwa a wụrụ eṅẹnrẹn. Nwa a k'a zọkpọ ị isi; yụ nwẹn k'a ta nwa a atụ-ụkụ azụụn.”

Jẹnẹsisi 49:10

Ọkpọ-eze aghakọ Juda ẹka pụ, ọkpọ onyẹ-ọkịkị aghakọ a ngadan pụ — d'e ru mgbe onyẹ nwọn ọkpọ ahụn e gi bịa. Ndị alị ichẹn-ichẹn k'a gha e buhẹ ihiẹn d'a chann'a ẹnya, e sekpun'ẹ alị.

Ẹbụ-ọma 118:22

Ọmụma ndị rị a tụn ụlọ jụtọ, e họnringụọ ọmụma gi ụlọ!

Azaya 28:16

Osolobuẹ hụn nwọn ikẹn ile sị nwan, “Lee ni ẹnya, m rị e butọ ọmụma imẹ Zayọnụ, ọmụma wẹ lelegụ ọhụnma; ọmụma rị mkpa hụn wụ iyetọ; uhue ehuekọ onyẹ gi ẹ dọn ẹnya.

Azaya 52:13

Osolobuẹ sị, lee ẹ, ihiẹn jẹnkọ d'a ghanị odibo m; o k'e nwọn ọghọ, wụrụ onyẹ rị mkpa; o k'a wụ onyẹ rị mkpa ọda-ọda

Azaya 7:14

Osolobuẹ lẹ enwẹn ẹ jẹnkọ nwan d'a ghọsị ụnụ ahịma: Lee ẹ, nwagbọọ kelẹni marịn okẹnnyẹ jẹnkọ d'a tụrụ imẹ, mụ okẹnnyẹ, a gụn w'a Imanuẹlụ

Azaya 9:6

Makẹni a mụgụọnị wẹ ẹnyi nwa, e yegụọ wẹ ẹnyi nwa-okẹnnyẹ; ịya jẹnkọ d'a kị. Wẹ k'a kpọ a Onyẹ-ndụnmọdụn Hụn Pụ-ichẹn, Chuku Hụn wụ Dikẹn, Nẹdi Itẹbitẹ, Eze-Udọn.

Jerimaya 23:5

Mmẹ wụ Osolobuẹ sị, “Ogẹn lala hụn m k'e gi wepụhanị Defidi Agalaba rị ọchan, eze hụn k'e gi akọ-lẹ-uche kị, e mẹ ihiẹn rị mma lẹ ihiẹn furuni imẹ alịnị.

Jerimaya 33:14

Osolobuẹ sị, “Ogẹn lala hụn m'e gi mẹzu nkwa ọma hụ m kwe ndị Izrẹlụ lẹ Juda.

Izikẹlụ 17:22

“ ‘Lee ihiẹn Osolobuẹ Nwọn Ihiẹn Ile ku: Mmẹ lẹ enwẹn m k'e weri ọnụnụ okẹn-osisi sida hụ gbọma; mkpọnụnụ a kẹ m k'a kpagiri, a gbọ m'a ye ebe jẹn elu, elu ugu jẹngbu enwẹn ẹ elu.

Izikẹlụ 34:23

“ ‘M k'e bu wẹ che okpuru onyẹ-ndu ohu, o lepụ wẹ ẹnya ọhụnma. Odibo m wụ Defidi rọ, ya nwọn du wẹ; ịya k'e lepụ wẹ ẹnya.

Daniẹlụ 2:44

“Ogẹn ndị-nze ndịnị k'e gi rị a kị, Chuku hụn rị elu-igwee k'e pumẹ alị-eze hụn wẹ jẹnkọlẹni d'e tikpọ mọbụ latọnị ndị ọzọ. O k'e tipịpịa alị-eze ndị hụ ile — arịkọzị wẹ; kanị ya nwẹn sikọ d'a rị jẹnrin ejẹn.

Daniẹlụ 7:13

“Imẹ nrọ m uhinhin hụ, e lee m ẹnya, m nọ hụn onyẹ nọ kẹ ịhịan, ‘nwa nke ịhịan’, k'ọ rị orukpu igwere lala. Ọ nọ buru Onyẹ hụ Nwọnlẹni Mbidọn, wẹ nọ du ẹ shi ihun ẹ.

Hosia 3:5

Kanị, omẹgụ, ndị Izrẹlụ k'a lụahazị, chọmazị Osolobuẹ wụ Chuku wẹ lẹ onyẹ ebọn Defidi ahụn k'a wụ eze wẹ. Wẹ k'a ma piripiri bịa d'e kunrun Osolobuẹ lẹ ngọzi ẹ — ogẹn ikpanzụụn.

Emọsụ 9:11

“O ru ogẹn hụ, m jẹnkọ d'e weli ụlọ Defidi dannị, tụnkinchanrịn ebe ile oghe rị; a rụndọnzi m ebe ile tikpọnị, a tụn m'a, ọ rịzị k'ọ rị mbụ,

Zẹkaraya 12:10

M k'e hu mmọn omikẹn lẹ arịrịọ ye ebọn eze-Defidi lẹ ndị bi Jerusalẹm obi, nke wụnị, wẹ k'e lee m ẹnya, onyẹ hụn wẹ dụn ihiẹn, a kwannị w'a ẹkwan kẹ ịhịan a kwan akpụ nwa ohu ọ mụ; wẹ k'a kwangbu enwẹn wẹ nọkẹ onyẹ okẹnnyẹ ibuzọ a nwụnnahịn.

Zẹkaraya 13:7

“Ọpịa-agha, tẹnhin! Tẹnhin n'i mẹ onyẹ-ndu atụnrụn m ihiẹn; n'i mẹshi okẹnnyẹ mmẹ lẹ ịya gba a wị ikẹn. Ya kẹ Osolobuẹ ihiẹn ile rị okpuru ẹ ku; Gbu onyẹ ndu atụnrụn hụ kẹni atụnrụn gbayịya: m k'e gidẹ ẹka m mẹshi ụmụ-atụnrụn rịn'a ikẹn.

Zẹkaraya 14:4

Ụhụọhịn ahụn, Osolobuẹ k'e gi ụkụ a ẹbụbụọ wuzo elu Ugu Olivu hụn rị ẹbamịn ọwụwa-ẹnyanwụn Jerusalẹm, Ugu Olivu e kewa ẹbụọ, gha ẹbamịn ọwụwa-ẹnyanwụn a d'e ru ẹbamịn ọdịdan ẹnyanwụn a, ọdanmgbugbu shịagbu enwẹn ẹ a pụha etintin Ugu Olivu. Azụụnnị e shi ẹbamịn ugu, azụụnnị e shi ẹbamịn ndịdan;

Zẹkaraya 6:12

Y'a sị a, ‘Osolobuẹ ihiẹn ile rị okpuru ẹ sị: Ọnwan wụ okẹnnyẹ hụn ẹfan a wụ “Agalaba”. O sikọ d'a nọ ebe ọ rị wa agala; ịya jẹnkọ d'a tụn Ụlọ-NSỌ Osolobuẹ.

Zẹkaraya 9:9

Zayọnụ, ghọghọma ọda-ọda! Obodo Jerusalẹm, yi oro ịghọghọ! Lee ẹ, eze i lala d'e kunrun i! Onyẹ ezi-omumẹ lẹ onyẹ-mmẹri k'ọ wụ; o welụa enwẹn ẹ alị, nyinla okẹn jaki, nwa Jaki!

Ọgụngụn 21:8

Osolobuẹ nọ sị Mozizi, “Kpụ agwọ; y'e zumẹ ihiẹn, kọn agwọ hụ ye elu ẹ. Onyẹ ọwụlẹ agwọ ta hụn lee agwọ hụ kọnrin elu ẹnya sikọ d'a rị ndụn.”

Ọgụngụn 35:25

Wẹ k'a narịrị hụn wẹ rị e kpe ikpe ọchụn ye azụụn, wekin ẹ obodo w'a gbaban hụn ọ gbashi, makẹ hụn e gbugwarịnị ebọn gha e gbu ẹ. O k'a nọdịrịrị ebẹhụ d'e ru ni onyẹ-isi nchụn-ẹjan rị ogẹn hụ a nwụnhụn, onyẹ hụn wẹ gi udẹn-nsọ tumẹ onyẹ-isi nchụn-ẹjan.

Matiu 1:22

Ihiẹn ndịnị ile mẹ kẹni wẹ gi mẹzu ihiẹn Onyẹ-nwọnni-ẹnyi ku ghahanị onyẹ-amụma, sị,

Matiu 16:21

Gha ogẹn hụ jẹnmẹ, Jizọsị nọ gwama ndị nsọnmazụụn a n'o k'e jẹnrịrị Jerusalẹm, nị ndị-isi lẹ ndị-isi nchụn-ẹjan lẹ ndị-nkuzi Iwu k'e mẹshi ẹ ikẹn, gbu ẹ, nke akpọhịn ẹtọ, Osolobuẹ a gha ọnwụn weli ẹ.

Matiu 26:54

Kanị, m mẹ ẹ, nanị kẹ w'a dọn mẹzu Ẹkụkwọ-nsọ hụn ku n'o k'a rị ẹrịra?”

Matiu 26:56

Kanị, ihiẹn ndịnị ile rị nwan e mẹ kẹni ihiẹn ndị-amụma ku imẹ Ẹkụkwọ-nsọ mẹzu.” Ya kẹ ndị nsọnmazụụn a ile nọ la a tọ, gbama ọsọ.

Makị 9:31

makẹni ọ rị a kuzi ndị nsọnmazụụn a, a sị wẹ, “Wẹ sikọ d'e we Nwa nke Ịhịan ye ndị k'e gbun'ẹ; kanị, wẹ gbugụ a, o lihi nke akpọhịn ẹtọ.”

Luku 21:22

Makẹni ogẹn mmẹgwarị rọ, ogẹn w'e gi mẹzuchanrịn ihiẹn ile wẹ de imẹ Ẹkụkwọ-nsọ.

Luku 22:37

M rị a gwa ụnụ, ihiẹn ahụn Ẹkụkwọ-nsọ ku, nị ‘Wẹ jẹnkọ d'a gụn a yeni ndị a dan iwu’ jẹnkọ d'a nọ ẹhụ m bụn. Eziẹ, ihiẹn Ẹkụkwọ-nsọ ku banyeni m hụ e mẹ.”

Luku 24:46

sị wẹ, “Ọnwan wụ ihiẹn wẹ de: nị Onyẹ-nzụọpụha sikọ d'a nwụnhụn, nke akpọhịn ẹtọ ọ gha ọnwụn lihi;

Luku 9:22

Ọ nọzị sị wẹ, “Nwa nke Ịhịan jẹnkọ d'a tarịrị okẹn afụnfụn ẹka ndị-isi lẹ ndị-isi nchụn-ẹjan lẹ ndị-nkuzi Iwu. Wẹ sikọ d'a jụ a, gbu ẹ, kanị, nke akpọhịn ẹtọ Osolobuẹ e weli ẹ.”

Luku 9:44

“Azọkwọlẹ ni ihiẹnni m jẹnkọ d'a gwa ụnụ kikẹnni: Wẹ sikọ d'e re Nwa nke Ịhịan ye wẹ.”

Jọnụ 3:14

“Kẹ Mozizi dọn weshi agwọ hụ elu imẹ atụ, ẹrịra kẹ wẹ k'e weshi Nwa nke Ịhịan elu,

Jọnụ 5:39

“Ụnụ a mụ Ẹkụkwọ-nsọ a mụshi ẹ ikẹn, makẹni ụnụ ro ni imẹ ẹ kẹ ụnụ a gha nwọn ndụn-itẹbitẹ; bụ Ẹkụkwọ-nsọ hụ rị a shịanị m ẹri,

Jọnụ 5:46

Makẹni, omẹni ụnụ te gi oku Mozizi dọn, nkẹ ụnụ e gi oku m dọn, makẹni mmẹ kẹ Mozizi de banyeni.

Ọrụn Ndị-ozi 13:33

o mẹzugụọnị ẹnyi wụ ụmụ wẹ ya ghahanị iweli Jesu. O mẹgụọ kẹ wẹ dọn de ẹ imẹ Ẹbụ-ọma nke ẹbụọ, sị, ‘Ị wụ Nwa m; e họnringụọ m nẹdi i tannị.’

Ọrụn Ndị-ozi 13:40

“Kpachanpụ nị nwan ẹnya amamgbe ihiẹn ndị-amụma ku gha e mẹ ụnụ: ndị amụma sị,

Ọrụn Ndị-ozi 2:27

Makẹni y'a lakọ m tọ alị-mmọn; y'a nịkọ Onyẹ-nsọ ị rehi.

Ọrụn Ndị-ozi 3:18

Kanị ẹnịna kẹ Osolobuẹ dọn nwan mẹzu ihiẹn o gi ndị-amụma ile ku mbụ-mbụ, nị Onyẹ-nzụọpụha hụ o tumẹ k'a ta afụnfụn.

Ọrụn Ndị-ozi 7:37

Mozizini wụ hụn sị ụmụ Izrẹlụ, ‘Osolobuẹ k'a gha imẹ umunẹ ụnụ wepụhanị ụnụ onyẹ-amụma k'o dọn wepụha m.’

Hibru 10:1

Ebe o mẹ ni Iwu Mozizi wụhụ onyinyọn ihiẹn rị mma lalanị, ẹlẹ ezigbo ẹ; ya wụ nị ẹjan hụ w'a chụn ahụa-ahụa asakọ ẹka chanchanpụ njọ ndị a bịa d'e fe Osolobuẹ, mẹ wẹ zu oke.

Hibru 3:5

Mozizi a rụnghọ ọrụn a ọhụnma imẹ ụlọ Osolobuẹ ile; kanị ọ rụnhụ kẹ odibo wẹ zi d'a ghọsị ihiẹn Osolobuẹ jẹnkọ d'e ku ihun.

Hibru 7:1

Mẹkizẹdẹkịnị ẹnyi rị e ku wụ eze alị Salẹm; ọ wụzịkwọ onyẹ nchụn-ẹjan Osolobuẹ, Chuku Kachanrịnnị. O kunrun Ebraham kẹ Ebraham kinla ogẹn Ebraham gi mẹrigụ ndị-nze hụ imẹ agha, ọ nọ gọzi Ebraham.

Hibru 9:8

Mmọn-nsọ gi ihiẹn ndịnị a ghọsị nị omẹni echẹn kẹ wẹ rịkwọ e fe ofufe Ọdụ-ofufe ibuzọ hụ, ụzọ wẹ gha a banye ebahụn rị nsọ eke pụha.

Pita Ibuzọ 1:11

a jụ enwẹn wẹ ihiẹn Mmọn Kraịstị rị imẹ wẹ rị e ku ebe ọ nọ gwatọ wẹ afụnfụn Kraịstị k'a ta lẹ ọghọ k'e sọnn'ẹ, a jụ enwẹn wẹ onyẹ ọ rị e ku lẹ ogẹn o jẹnkọ d'e gi mẹ.

Rẹvẹleshọnụ 19:10

Ya m nọ gbu osekpu ụkụ a kẹni m kụn'a isi alị. Kanị, ọ nọ sị m, “Emẹkwọlẹ a! M wụhụ odibo nọkẹ yụ lẹ umunẹ i, ndị ile kwọndọn oku Jesu. Kụ nị Osolobuẹ sụọ isi alị, makẹni ozi Jesu wụ nkọwa ihiẹn ile ndị-amụma ku.”