Luku 24:27 - Ika

²⁷ Ya Jizọsị nọ gha ihiẹn Mozizi de imẹ Ẹkụkwọ-nsọ lẹ ihiẹn ndị-amụma ile de kọwachanrịn nị wẹ ihiẹn ile Ẹkụkwọ-nsọ ku banyeni enwẹn ẹ.

Luku 24:27 Iomraidhean Croise

Jẹnẹsisi 12:3

M k'a gọzi ndị hụn gọzini i, kanị, onyẹ bụ ị ọnụ, a bụ m'a ọnụ. Ịyụ kẹ ebọn ile rị elu-ụwa k'a gha nwọnhẹn ngọzi.”

Jẹnẹsisi 22:18

ẹka ụmụ ị kẹ alị ile rị elu-ụwa k'a gha nwọnrin ngọzi wẹ; o k'a rị ẹrịra makẹni y'e mẹọlẹ ihiẹn m ku.”

Jẹnẹsisi 26:4

M k'e mẹ ụmụ ị barahị rịkẹ kokisẹ rị elu-igwere; m k'e we alị ndịnị ile ye ụmụ ị; alị ile rị elu-ụwa k'a gha ẹka nwa ị nwọnrin ngọzi wẹ —

Jẹnẹsisi 3:15

“M k'e mẹ ịyụ lẹ okpohoni wụrụ eṅẹnrẹn, mẹzikwọ nwa ị lẹ nwa a wụrụ eṅẹnrẹn. Nwa a k'a zọkpọ ị isi; yụ nwẹn k'a ta nwa a atụ-ụkụ azụụn.”

Jẹnẹsisi 49:10

Ọkpọ-eze aghakọ Juda ẹka pụ, ọkpọ onyẹ-ọkịkị aghakọ a ngadan pụ — d'e ru mgbe onyẹ nwọn ọkpọ ahụn e gi bịa. Ndị alị ichẹn-ichẹn k'a gha e buhẹ ihiẹn d'a chann'a ẹnya, e sekpun'ẹ alị.

Ẹbụ-ọma 132:11

Osolobuẹ kunni Defidi enwẹn ẹ, kwe ẹ nkwa wụ ezioku; o kuhutọkọ ọnụ; ọ sị: “Nwa ẹfọ ị kẹ m jẹnkọ d'e ye ukpo-eze i.

Azaya 1:23

Ndị-ọkịkị ị wụ ndị nnupụ-isi, uwẹ lẹ ndị ohin gba a wị; egho-azụụn a sụọ wẹ ile a sụọ; w'a chọsọnmẹ onyẹ k'e ye wẹ ihiẹn. W'a ra kuni ndị nwọnlẹni nẹdi ọnụ wẹ; w'a ra buchedẹ ẹnya oku ikpoho di wẹ nwụn.

Azaya 50:6

E budẹ m ụgba-azụụn zinmẹni wẹ ebe wẹ rị a fịan m ihiẹn, la nti tọnị ndị rị e huepụ m ẹtu; egini m ifẹnrẹn zueri makẹ ẹmụ wẹ rị a mụ m lẹ ẹsọn wẹ rị a jụkpu m.

Azaya 7:14

Osolobuẹ lẹ enwẹn ẹ jẹnkọ nwan d'a ghọsị ụnụ ahịma: Lee ẹ, nwagbọọ kelẹni marịn okẹnnyẹ jẹnkọ d'a tụrụ imẹ, mụ okẹnnyẹ, a gụn w'a Imanuẹlụ

Azaya 8:17

M jẹnkọ d'e cheri Osolobuẹ, hụn rị e zuemẹni ikpụnọ Jekọpụ ihun ẹ. M jẹnkọ d'e gi ẹ e dọn ẹnya.

Azaya 9:1

Kanị, ụya eriferikọ ndị ụya te rị e ri. Osolobuẹ e welụaghọ alị Zẹbulọnụ lẹ alị Naf'tali alị mbụ, kanị ihun, o sikọ d'e ye uwẹ wụ Galili ọghọ — Galili hụn ndị alị ọzọ jun, hụn rị ụzọ Ohimin, obodo hụ rị mkpẹnrẹn Iyi Jọdanị —

Izikẹlụ 34:23

“ ‘M k'e bu wẹ che okpuru onyẹ-ndu ohu, o lepụ wẹ ẹnya ọhụnma. Odibo m wụ Defidi rọ, ya nwọn du wẹ; ịya k'e lepụ wẹ ẹnya.

Izikẹlụ 37:25

Wẹ k'e biri alị hụ m ye odibo m wụ Jekọpụ, alị hụ ndị nẹdi ụnụ kanị bi. Wẹ lẹ ụmụ wẹ lẹ ụmụ-ụmụ wẹ k'e biri ebahụn jẹnrin ejẹn, odibo m wụ Defidi k'a wụferi eze wẹ.

Daniẹlụ 7:13

“Imẹ nrọ m uhinhin hụ, e lee m ẹnya, m nọ hụn onyẹ nọ kẹ ịhịan, ‘nwa nke ịhịan’, k'ọ rị orukpu igwere lala. Ọ nọ buru Onyẹ hụ Nwọnlẹni Mbidọn, wẹ nọ du ẹ shi ihun ẹ.

Maịka 5:6

Wẹ k'e gi ọpịa-agha du alị Asiria, alị Nimrọdụ, d'e rudẹ ọnụ-mgbọn ẹ. Eze ẹnyi hụ lalanị jẹnkọ d'a gbapụha ẹnyi ẹka ndị Asiria, omẹni ndị Asiria a banhan alị ẹnyi mọbụ zọdẹ ụkụ ye ẹ.

Maịka 7:20

I jẹnkọ d'e gi ezioku sọn odibo i wụ Jekọpụ; gi ihiẹn-ọsụsụọ sọn Ebraham kẹ i dọn kun enwẹn i kwe wẹ ndị nẹdi ẹnyi kanị nkwa ogẹn mbụ.

Zẹkaraya 13:7

“Ọpịa-agha, tẹnhin! Tẹnhin n'i mẹ onyẹ-ndu atụnrụn m ihiẹn; n'i mẹshi okẹnnyẹ mmẹ lẹ ịya gba a wị ikẹn. Ya kẹ Osolobuẹ ihiẹn ile rị okpuru ẹ ku; Gbu onyẹ ndu atụnrụn hụ kẹni atụnrụn gbayịya: m k'e gidẹ ẹka m mẹshi ụmụ-atụnrụn rịn'a ikẹn.

Zẹkaraya 9:9

Zayọnụ, ghọghọma ọda-ọda! Obodo Jerusalẹm, yi oro ịghọghọ! Lee ẹ, eze i lala d'e kunrun i! Onyẹ ezi-omumẹ lẹ onyẹ-mmẹri k'ọ wụ; o welụa enwẹn ẹ alị, nyinla okẹn jaki, nwa Jaki!

Malakaị 4:2

“Kanị, anwụn ihiẹn gi a rị mma sikọ d'a wanị ụnụ ile hụn a gbayeni m; o k'e bu nzụọrị ẹka-nku fehẹ, ụnụ a pụha, tụshimẹ elu nọkẹ ụmụ-efin wẹ kpọpụnị ụzọ!

Ọgụngụn 21:14

Ya kẹ Ẹkụkwọ Agha Osolobuẹ gi sị, “Wahẹbụ rị alị Sufa lẹ ọdanmgbugbu ndị ahụn rịn'a; Iyi Anọnụ

Makị 4:34

ọ gwanị wẹ oku mmaka; ilu sụọ k'o gi gwachanrịn wẹ oku; kanị, ya lẹ ndị nsọnmazụụn a sụọ nọdị, ọ kọwachanrịnnị wẹ ihiẹn ile.

Luku 24:25

Ya Jizọsị nọ sị wẹ ẹbụbụọ, “Ụnụ e zuzukẹ! Ihiẹn ile ndị-amụma ku imẹ Ẹkụkwọ-nsọ a fụka ụnụ ọrụn okweri!

Luku 24:44

Ya ọ nọ sị wẹ, “Ihiẹn ndịnị kẹ m gwa ụnụ ogẹn mmẹ lẹ ụnụ gi rị: nị ihiẹn ile wẹ de banyeni m imẹ Iwu Mozizi lẹ imẹ ihiẹn ndị-amụma de lẹ imẹ Ẹbụ-ọma jẹnkọ d'e mẹrịrị.”

Jọnụ 1:45

Filipu a hụn Natanẹlụ, ọ nọ sị a, “Ẹnyi a hụnọlẹ onyẹ hụ Mozizi de imẹ Iwu, onyẹ ahụn wẹ dezikwọ imẹ ẹkụkwọ ndị-amụma — Jesu onyẹ Nazarẹtị nwa Josẹfụ rọ.”

Jọnụ 12:41

Azaya ku ihiẹnni makẹni ọ hụngụọ ọghọ Jizọsị jẹnkọ d'e nwọn, ọ nọ ku oku Jizọsị.

Jọnụ 5:37

“Chuku-Nẹdi lẹ enwẹn ẹ hụn zihẹni m a shịagụọnị m ẹri. Ụnụ anụtuni olu ẹ; ụnụ ahụntuni k'ọ nọ;

Jọnụ 5:39

“Ụnụ a mụ Ẹkụkwọ-nsọ a mụshi ẹ ikẹn, makẹni ụnụ ro ni imẹ ẹ kẹ ụnụ a gha nwọn ndụn-itẹbitẹ; bụ Ẹkụkwọ-nsọ hụ rị a shịanị m ẹri,

Ọrụn Ndị-ozi 10:43

Ndị-amụma ile shịan'a ẹri nị onyẹ ọwụlẹ kwerinin'ẹ gi ẹfan a e nwọnrin mgbagharị njọ.”

Ọrụn Ndị-ozi 3:18

Kanị ẹnịna kẹ Osolobuẹ dọn nwan mẹzu ihiẹn o gi ndị-amụma ile ku mbụ-mbụ, nị Onyẹ-nzụọpụha hụ o tumẹ k'a ta afụnfụn.

Ọrụn Ndị-ozi 3:22

“Nke Mozizi, Mozizi sị, ‘Di-nwọnni-ẹnyi wụ Chuku ụnụ jẹnkọ d'a gha imẹ ndị nke ụnụ wepụhanị ụnụ onyẹ-amụma k'o dọn wepụha m. Ụnụ k'e gọnrịrị ntịn ihiẹn ile onyẹ-amụma hụ k'a gwa ụnụ.

Ọrụn Ndị-ozi 3:24

“Ndị-amụma ndị ọzọ ile zi ozi e kuzighọ oku ihiẹn ndịnị rị e mẹ ogẹnni, ghakwọrị Samuẹlụ d'e ru ndị amụma ndị ọzọ ile.

Ọrụn Ndị-ozi 7:37

Mozizini wụ hụn sị ụmụ Izrẹlụ, ‘Osolobuẹ k'a gha imẹ umunẹ ụnụ wepụhanị ụnụ onyẹ-amụma k'o dọn wepụha m.’

Ọrụn Ndị-ozi 8:35

Ya kẹ Filipu nọ gha ebẹhụ okẹnnyẹ hụ rị a gụn zimẹ ẹ oziọma banyeni Jizọsị.

Ditrọnọmi 1:45

Ụnụ nọ lụaha, kwanghọsịma Osolobuẹ, kanị o gọndẹni ntịn ẹkwan ụnụ n'a kwan; o feyedẹni ụnụ ẹnya.

Ditrọnọmi 18:15

Osolobuẹ wụ Chuku ụnụ k'a gha imẹ umunẹ ụnụ wepụhanị ụnụ onyẹ-amụma nọ kẹ mmẹ; ụnụ k'e gọnrịrị onyẹ-amụma ahụn ntịn.

Rẹvẹleshọnụ 19:10

Ya m nọ gbu osekpu ụkụ a kẹni m kụn'a isi alị. Kanị, ọ nọ sị m, “Emẹkwọlẹ a! M wụhụ odibo nọkẹ yụ lẹ umunẹ i, ndị ile kwọndọn oku Jesu. Kụ nị Osolobuẹ sụọ isi alị, makẹni ozi Jesu wụ nkọwa ihiẹn ile ndị-amụma ku.”