Luku 24:26 - Ika

²⁶ Ẹkụkwọ-nsọ ekugụọn'a nị Onyẹ-nzụọpụha Ahụn Osolobuẹ Tumẹ wụ Kraịstị jẹnkọ d'a tagụ afụnfụn ndịnị o kebe nwọnrin ọghọ a?”

Luku 24:26 Iomraidhean Croise

Jẹnẹsisi 22:6

Ya Ebraham nọ bu nkụn wẹ jẹnkọ d'e gi chụn ẹjan buye Aziki nwa a, ya lẹ enwẹn ẹ nọ weri ọkụn lẹ ẹbeke; ya lẹ Aziki nọ wịrị jẹnmẹ.

Daniẹlụ 9:26

‘Ẹsa ụzọ ẹbụọ-kwasị-ọgụn-ẹtọ hụ’ ghafegụ, e gbu wẹ Onyẹ hụ Osolobuẹ tumẹ bụ onwọnni ihiẹn ọ latọ. Ndị-agha hụn wẹ lẹ onyẹ ọkịkị ohu k'a wị bịa k'e tikpọ obodo nsọ lẹ Ụlọ-nsọ hụ. Isi njẹndemẹ k'a bịa idẹnmizi kẹ okẹn mirin rị e huni: Agha k'a lụsọnmẹ d'e ru njẹndemẹ, Osolobuẹ e kugụọ a nị okẹn ntikpọ jẹnkọ d'a rị.

Zẹkaraya 13:7

“Ọpịa-agha, tẹnhin! Tẹnhin n'i mẹ onyẹ-ndu atụnrụn m ihiẹn; n'i mẹshi okẹnnyẹ mmẹ lẹ ịya gba a wị ikẹn. Ya kẹ Osolobuẹ ihiẹn ile rị okpuru ẹ ku; Gbu onyẹ ndu atụnrụn hụ kẹni atụnrụn gbayịya: m k'e gidẹ ẹka m mẹshi ụmụ-atụnrụn rịn'a ikẹn.

Luku 24:44

Ya ọ nọ sị wẹ, “Ihiẹn ndịnị kẹ m gwa ụnụ ogẹn mmẹ lẹ ụnụ gi rị: nị ihiẹn ile wẹ de banyeni m imẹ Iwu Mozizi lẹ imẹ ihiẹn ndị-amụma de lẹ imẹ Ẹbụ-ọma jẹnkọ d'e mẹrịrị.”

Luku 24:46

sị wẹ, “Ọnwan wụ ihiẹn wẹ de: nị Onyẹ-nzụọpụha sikọ d'a nwụnhụn, nke akpọhịn ẹtọ ọ gha ọnwụn lihi;

Luku 24:7

‘Wẹ jẹnkọ d'e bu Nwa nke Ịhịan che ẹka ndị njọ, a kpọgbu wẹ ẹ; kanị hụn m'ẹ akpọhịn ẹtọ, o k'a gha ọnwụn lihi.’ ”

Jọnụ 2:22

Ogẹn Jesu gi ghagụ ọnwụn lihi, ndị nsọnmazụụn a nọ nwan nyanhan n'o kughọ ihiẹnni, wẹ nọ gi ihiẹn Ẹkụkwọ-nsọ ku lẹ ihiẹn Jesu ku dọn.

Jọnụ 20:9

(Ogẹn ahụn, w'e ke ghọtakwọ ihiẹn hụ Ẹkụkwọ-nsọ ku n'o jẹnkọ d'a gha ọnwụn lihi.)

Ọrụn Ndị-ozi 17:3

a kọwa, a ghọsị nị Ẹkụkwọ-nsọ ku ẹ nị Onyẹ hụ Osolobuẹ tumẹ k'a ta afụnfụn, n'o k'a ghazịkwọ ọnwụn lihi. Ọ hụ a sị wẹ, “Jesuni m rị a gwa ụnụ oku ẹ wụ Kraịstị, Onyẹ hụ Osolobuẹ tumẹ.”

Hibru 12:2

ẹnyi e bu ẹnya zinmẹ Jizọsị, onyẹ hụn bidọn okukwe ẹnyi, onyẹ hụn k'e mẹ ẹ zu oke, onyẹ hụn gi ufiri ịghọghọ rị e chen'ẹ dingbu obe, legberi ifẹnrẹn rịn'a. Ọ nọdịgụọ nwan alị ẹka-nni ukpo-eze Osolobuẹ.

Pita Ibuzọ 1:11

a jụ enwẹn wẹ ihiẹn Mmọn Kraịstị rị imẹ wẹ rị e ku ebe ọ nọ gwatọ wẹ afụnfụn Kraịstị k'a ta lẹ ọghọ k'e sọnn'ẹ, a jụ enwẹn wẹ onyẹ ọ rị e ku lẹ ogẹn o jẹnkọ d'e gi mẹ.

Pita Ibuzọ 1:3

Ọjịja-mma ya rịnị Osolobuẹ hụn wụ Chuku lẹ Nẹdi Onyẹ-nwọnni-ẹnyi wụ Jizọs Kraịstị! O gigụọ okẹn omikẹn ẹ mụdọnzi ẹnyi, mụ ẹnyi ye imẹ olilẹnya ọhụn rị ndụn ghahanị ịgha ọnwụn weli Jizọsị.