Luku 24:11 - Ika

¹¹ Kanị, ndị-ozi hụ pụ-ichẹn egini oku wẹ dọn makẹni wẹ weri ẹ kẹ oku nwọnlẹni isi.

Luku 24:11 Iomraidhean Croise

Jẹnẹsisi 19:14

Ya Lọtụ nọ jẹn d'e kunrun ndị-ịgọ a hụn badọn ụmụ a ikpoho, sị wẹ, “Ozigbo ni, gha nị alịnị gbapụ, makẹni Osolobuẹ e d'e tikpọ alịnị!” Kanị ndị ịgọ a weri ẹ nị egu k'ọ rị e gu.

Ndị-nze Nke Ẹbụọ 7:2

Onyẹ-isi agha hụn tanhan eze ẹka nọ sị odibo Osolobuẹ, “Ọsụọdẹn'a nị Osolobuẹ besọnmẹ oghe ye igwere, nị ihiẹnni i ku s'ẹka mẹ?” Ẹlaịsha nọ sị a, “I k'e gi ẹnya ị hụn a, kanị y'e rikọ hụn ọwụlẹ imẹ ẹ!”

Jobu 9:16

Ọsụọn'a nị m kpe ẹ e kpe, ọ nọ za — egini m'ẹ dọn n'o k'e gọn m ntịn.

Ẹbụ-ọma 126:1

Ogẹn Osolobuẹ gi mẹ n'ọ rịzị nị obodo Zayọnụ mma, ọ rị ẹnyi kẹ nrọ!

Makị 16:11

Kanị, ogẹn wẹ gi nụ k'o ku ni Jizọsị rịzị ndụn, n'ọ hụngụọ a, egini w'ẹ dọn.

Makị 16:13

Wẹ nọ kin azụụn d'a gwa ndị nsọnmazụụn a ndị họdụnị, kanị egizikwọnị w'a dọn.

Makị 16:14

Omẹgụzị, Jesu nọ nwọnpụha ebe ndị nsọnmazụụn a mmanaị rị e ri ihiẹn-oriri. Ọ nọ jụgbọ wẹ yeni obi-ẹbụọ wẹ lẹni obi wẹ ze eze, wẹ gilẹni kweri oku ndị hụnn'a n'ọ ghagụọ ọnwụn lihi.

Luku 24:25

Ya Jizọsị nọ sị wẹ ẹbụbụọ, “Ụnụ e zuzukẹ! Ihiẹn ile ndị-amụma ku imẹ Ẹkụkwọ-nsọ a fụka ụnụ ọrụn okweri!

Luku 24:41

Ufiri ni ekwerini wẹ makẹni ọ tụka wẹ ẹnya lẹzi makẹni ịghọghọ jun wẹ obi, Jesu nọ sị wẹ, “Ụnụ e nwọnghọ ihiẹn-oriri ọwụlẹ ebeni?”

Ọrụn Ndị-ozi 12:9

Pita nọ sọn ẹ pụ. Pita rọ nị ọ rị a hụn ọhụn, ọ marịn nị ihiẹn ahụn rị e mẹni ẹlẹ ọhụn.