Luku 23:2 - Ika

² Wẹ nọ kinmẹ, sị, “Ẹnyi nwụn okẹnnyẹni k'ọ rị e dufie ndị alị ẹnyi, a sị wẹ akụzịlẹ eze-kanị wụ Siza ụgwọ-isi, a kpọ enwẹn ẹ Kraịstị hụn wụ eze.”

Luku 23:2 Iomraidhean Croise

Ndị-nze Nke Ibuzọ 18:17

Ogẹn Ehabụ gi hụn Ẹlaịja, Ehabụ nọ sị a, “Yụ wụ ọnwan? Ịyụ hụn rị e sọngbu Izrẹlụ?”

Ẹbụ-ọma 35:11

Ndị ọshẹri ẹfọ jọ a pụha; wẹ rị a jụ m ihiẹn m marịnlẹni.

Ẹbụ-ọma 62:4

Wẹ hụ e zu ni wẹ dọtu okẹn-ịhịan! Ịtụ-ntụ hụ a sụọ wẹ ụsụọ. Ọnụ wẹ hụ e ku oku i ọhụnma, obi wẹ hụ a bụ ị ọnụ. Sẹla

Jerimaya 20:10

M hụ a nụ kẹ ndị bu ọda rị a ka-ụka: a kpọ m ‘Ihiẹn-egun E Jun Azụụn ile!’ A sị ‘Kpe n'ẹ! Nị ẹnyi kpe n'ẹ!’ Ndị ile m kpọ ndị ọwụ m hụzịdẹ nwan e che nị m dan. Wẹ hụ a sị, ‘Ikẹnkwọ nị ẹnyi s'ẹka rẹrẹrị a — ẹka ẹnyi a karị nke ẹ, ẹnyi a hụn ụzọ mẹgwarị a.’

Jerimaya 38:4

Ya ndị-isi hụ nọ sị eze, “Okẹnnyẹni furu w'e gbu. Ọ rị e gi ihiẹn ndị ahụn ọ rị e ku e mẹ ndụn a gụ ndị-agha ẹnyi họdụ imẹ obodoni lẹ ndị mmaka họdụnị. Ẹlẹkwọ ọrịrịmma ndịnị kẹ okẹnnyẹni rị a chọ, eje-ihiẹn k'ọ rị e mẹkwọ wẹ.”

Emọsụ 7:10

Ya kẹ Amazia, hụn eze tumẹ onyẹ nchụn-ẹjan obodo Bẹtẹlụ nọ zi ozi jẹnni Jerobụam eze Izrẹlụ Ẹbamịn-ugu, sị a, “Emọsụ rị e zun'i eje-umẹ, imẹ isi-alị ẹnyi ebeni kẹti-kẹti! Alịnị asakọkwọ ẹka din ihiẹn ile ọ rị e ku.

Zẹkaraya 11:8

Imẹ ifọn ohu, a zapụ m madụ ẹtọ hụn rị e duni wẹ, makẹni asazịnị m ẹka din wẹ lẹzi makẹni ihiẹn m asụọnị wẹ.

Matiu 17:27

Kanị, amamgbe ẹnyi e wiwi okukwe wẹ, shi iyi, y'a tụye ukpo i; y'e weri azụn ibuzọ i k'e gbu, shịapụ a ọnụ; ị sikọ d'a hụn akpụrụ egho shẹkẹlụ ohu. We ẹ kụ ụgwọ-isi mmẹ lẹ yụ.”

Matiu 22:21

Wẹ nọ sị, “Nke Siza rọ.” Ya ọ nọ sị wẹ, “We ni nwan ihiẹn Siza ye Siza, ụnụ e we ihiẹn Osolobuẹ ye Osolobuẹ.”

Matiu 27:11

Jizọsị turu nwan ihun Paịleti, hụn wụ Gọvanọ rị a kịdọnni ndị Rom. Paịleti nọ sị, “Ịyụ wụ eze ndị Ju?” Jizọsị nọ sị a, “Y'e kugụọ a.”

Makị 12:17

Jizọsị nọ sị wẹ, “We ni ihiẹn Siza ye Siza, ụnụ e we ihiẹn Osolobuẹ ye Osolobuẹ.” Azịza a nọ tụ wẹ ẹnya ọda-ọda.

Makị 15:2

Paịleti nọ jụma a, sị, “Ịyụ wụ Eze ndị Ju?” Jesu nọ sị a, “Y'e kuọl'a.”

Luku 23:14

sị wẹ, “Ụnụ wẹhẹni m okẹnnyẹni n'ọ rị e dufie ndị alịnị. E lelegụọ m'a nwan idẹnya ụnụ; ahụnnị m eje-ihiẹn ndị hụ ụnụ sị nị ya k'o mẹ.

Luku 23:5

Kanị, a tọ wẹ e ku ẹ, a sị, “O gi nkuzi ẹ e se isusu alị Judia ile. Galili k'ọ gha bidọn; o rugụọ nwan ebeni.”

Jọnụ 18:29

Ya Paịleti nọ jẹnburu wẹ ezi, sị, “Elee ikpe kẹ ụnụ rị e kpe okẹnnyẹni?”

Jọnụ 18:30

Wẹ nọ sị a, “Omẹni okẹnnyẹni ẹlẹ eje-ịhịan, ẹnyi eke wẹhẹni i y'ẹ.”

Jọnụ 19:12

Ya kẹ Paịleti nọ mẹmẹ n'ọ hatu Jizọsị ye; kalẹ igunrun hụ nọ yi, “I hatu okẹnnyẹni ye, ya wụ y'ẹlẹ ọwụ eze-kanị wụ Siza; makẹni, onyẹ ọwụlẹ kpọ enwẹn ẹ eze rị a lụsọn Siza ọgụn!”

Ọrụn Ndị-ozi 24:13

asakọ wẹ ẹka ghọsị nị m mẹ ihiẹnni ile wẹ rị e kin.

Ọrụn Ndị-ozi 24:5

“Ẹnyi a hụngụọ a nị okẹnnyẹni e ye nsọngbu ọda-ọda. Isusu-isusu k'o seni ndị Ju rị elu ụwa ile. Ọ rị ndị-ndu itu Onyẹ Nazarẹtị ahụn.

Ndị Rom 13:7

Kụ nị nwan onyẹ ọwụlẹ ihiẹn ụnụ gi ẹ: omẹni ụgwọ-isi kẹ i gi wẹ, y'a kụ wẹ ya; omẹni egho-alị rọ, y'a kụ a; omẹni mgbaye k'i gi wẹ, y'e ye wẹ mgbaye; omẹni ọghọ rọ, y'e ye wẹ ọghọ.