Luku 22:36 - Ika

³⁶ Jesu nọ sị wẹ, “Kanị ujeni, onyẹ nwọn egho ya weri ẹ, onyẹ nwọn ẹkpa ya buruzikwọ a. Onyẹ nwọnlẹni ọpịa-agha ya re ẹwuru o yiye elu ẹ, gi ẹ ṅọnrin ọpịa-agha.

Luku 22:36 Iomraidhean Croise

Matiu 10:10

Ebulẹ ni ẹkpa; ewerilẹ ni ẹwuru mọbụ akpụkụ ọzọ cheni hụn ụnụ yi; ebulẹ ni ọkpọ. Makẹni, o furu ni wẹ e ye ndị-ọrụn ihiẹn wẹ gi e bi.

Luku 22:35

Ya Jesu nọ jụ ndị nsọnmazụụn a ajụjụ, sị, “Ogẹn m gi zipụ ụnụ, sị ụnụ ewerilẹ egho mọbụ ẹkpa mọbụ akpụkụ, o nwọnghọ ihiẹn kọnị ụnụ?” Wẹ nọ sị a, “Mba, onwọnni.”

Luku 22:37

M rị a gwa ụnụ, ihiẹn ahụn Ẹkụkwọ-nsọ ku, nị ‘Wẹ jẹnkọ d'a gụn a yeni ndị a dan iwu’ jẹnkọ d'a nọ ẹhụ m bụn. Eziẹ, ihiẹn Ẹkụkwọ-nsọ ku banyeni m hụ e mẹ.”

Luku 22:38

Ya kẹ ndị nsọnmazụụn a nọ sị a, “Di-nwọnni-ẹnyi, e lee ọpịa-agha ẹbụọ ebeni!” Ọ nọ sị wẹ “O higụọ!”

Jọnụ 15:20

Nyanhan nị ihiẹn m gwa ụnụ, nị, ‘Odibo ara ka di-nwọnn'ẹ.’ Omẹni wẹ kpokpo m ekpokpo, wẹ sikọ d'e kpokpo ụnụ nwẹn; omẹni wẹ mẹ ihiẹn m ku, wẹ jẹnkọ d'e mẹzi ihiẹn ụnụ ku.

Jọnụ 16:33

A gwagụọ m ụnụ ihiẹn ndịnị kẹni obi gi ufiri m ru ụnụ alị. Imẹ ụwa, ụnụ jẹnkọ d'e nwọn nsọngbu; ka kwọndọn ni obi ụnụ, n'e mẹrigụọ m ụwa!”

Ndị Tẹsalonika Ibuzọ 3:4

Ẹnyi a gwadẹ ụnụ ya ogẹn ile kẹ ẹnyi lẹ ụnụ rị, nị wẹ jẹnkọ d'e kpokpo ẹnyi. Ụnụ a marịnghọ n'o mẹọlẹ nwan kẹ ẹnyi dọn gwa ụnụ.

Pita Ibuzọ 4:1

Ebe o mẹni Jizọsị ta afụnfụn elu-ụwanị, bu n'ẹ nwan obi nị ụnụ nwẹn jẹnkọ d'a ta afụnfụn. Makẹni, onyẹ gi ẹhụ a a tanị Kraịstị afụnfụn imẹ ndụnnị a jụgụọ njọ.