Luku 22:18 - Ika

¹⁸ M rị a gwa ụnụ, arakọzị m manya vaịnị d'e ru mgbe Alị-eze Osolobuẹ bịa.”

Luku 22:18 Iomraidhean Croise

Ẹbụ-ọma 104:15

kẹni ịhịan hụn manya ẹfọ gi a sụọ a ụsụọ kẹni ịhịan hụn udẹn-olivu a kwọ, ihun ẹ e dẹn, kẹni wẹ hụn ihiẹn wẹ e ri ndụn a ban wẹ.

Ẹbụ Solomọnụ 5:1

A banhangụọ m imẹ ugbo-obobo m, nwẹnẹ m, nwunyẹ m; a kparịgụọ m maa m lẹ ihiẹn m ndị-ọzọ e kun ọhụnma. E rigụọ m ọgba-ẹnwụn m lẹ mirin-ẹnwụn m; a ragụọ m manya m lẹ mirin-ẹran m. E ri ni-o ndị ọwụ ẹnyi; a ra nị-o; ndị rị a sụọnị, rajun ni ẹfọ-o!

Azaya 25:6

Osolobuẹ hụn nwọn ikẹn ile k'a nọ elu uguni kwademẹni ndị alị ile oriri, okẹn-oriri manya e nwunye ẹnya — ezigbo anụ lẹ ezigbo manya.

Azaya 55:1

Bịa nị, ụnụ ile ẹgụn mirin rị a gụn, bịa nị ebe mirin rị; kẹ onyẹ ọwụlẹ gilẹni egho, bịa nị d'e ṅọnrin ihiẹn-oriri ri! Bịa d'e ṅọnrin manya lẹ mirin-ẹran ọfẹ, onwọnni ihiẹn ụnụ k'a kụ!

Daniẹlụ 2:44

“Ogẹn ndị-nze ndịnị k'e gi rị a kị, Chuku hụn rị elu-igwee k'e pumẹ alị-eze hụn wẹ jẹnkọlẹni d'e tikpọ mọbụ latọnị ndị ọzọ. O k'e tipịpịa alị-eze ndị hụ ile — arịkọzị wẹ; kanị ya nwẹn sikọ d'a rị jẹnrin ejẹn.

Zẹkaraya 9:15

Osolobuẹ ihiẹn ile rị okpuru ẹ k'e che wẹ nche, e mẹri wẹ ndị-iṅẹnrẹn wẹ: a zọgbu wẹ ndị a gba araba, bu wẹ ri, e yi oro-agha nọkẹ ndị manya nwunye ẹnya, ẹdeke e jun k'o jun afẹrẹ nchụn-ẹjan, jun wẹ ẹhụ nọkẹ mpịn ukpo nchụn-ẹjan.

Zẹkaraya 9:17

Alị wẹ k'a rịchanrịn mma, a la ẹnya! Ọka k'e jun, ikorọbịa hụ e gi ẹ a ban ihiẹn; manya-vaịnị e jun, ịgbagba hụ e gi ẹ a ban ihiẹn.

Matiu 16:18

M rị a gwa ị, ẹfan ị wụ Ọmụma; m jẹnkọ d'a tụn ụka m ye elu ọmụmanị, ọnwụn asaẹka mẹri ẹ.

Matiu 26:29

M rị a gwa ụnụ, arakọzị m manya vaịnị d'e ru ụhụọhịn hụ mmẹ lẹ ụnụ jẹnkọ d'a ra nke ọhụn a imẹ Alị-eze Nẹdi m.”

Makị 14:23

Ọ nọ weri mkpu, ọ kpanmịngụ Osolobuẹ, ọ nọ buye wẹ ya. Wẹ ile nọ rarịsọnmẹ.

Makị 14:25

M rị a gwa ụnụ ezioku, arakọzị m manya vaịnị d'e ru ogẹn m jẹnkọ d'a ra nke ọhụn a imẹ Alị-eze Chuku.”

Makị 15:23

Wẹ nọ ye ẹ manya wẹ buche Maa e lu ilu n'ọ ra, kanị Jizọsị aran'a.

Makị 9:1

Jesu nọ sịzị wẹ, “Ezioku kẹ m rị a gwa ụnụ, o nwọnghọ ndị wuzo ebeni jẹnkọlẹni d'a nwụnhụn d'e ru mgbe wẹ hụn Alị-eze Osolobuẹ k'o gi ikẹn hi-ogbe bịa.”

Luku 21:31

Ẹrịrazịkwọ, ụnụ hụn kẹ ihiẹn ndịnị rị e mẹ, ụnụ a marịn nị alị-eze Osolobuẹ a rịgụọ nsue.

Luku 22:16

Makẹni onwọnni ogẹn m'e gi rizi ẹ d'e ru mgbe w'e gi ri ẹ imẹ Alị-eze Osolobuẹ.”

Luku 9:27

M rị a gwa ụnụ ezioku, imẹ ndị turu ebeni o nwọn ndị jẹnkọlẹni d'a nwụnhụn d'e ru ni a hụn wẹ Alị-eze Osolobuẹ.”

Ndị Kolosị 1:13

Ọ zụọpụhagụọ ẹnyi okpuru ishi, bu ẹnyi che Alị-eze ezi Nwa a,

Ndị Han Eṅẹn 9:13

Kanị, vaịnị nọ sị wẹ, ‘Nị m mụbehi manya m, hụn e mẹ ẹfọ a sụọ kẹ mmọn kẹ mmadụ ụsụọ d'a kịmahụ osisi ndị ọzọ?’