Luku 21:25 - Ika

²⁵ “Wẹ jẹnkọ d'a hụn ihiẹn ahịma ihun ẹnyanwụn lẹ ifọn lẹ kokisẹ rị igwere. Imẹ ụwa, alị ichẹn-ichẹn jẹnkọ d'a rị imẹ nsọngbu, makẹ okẹn ụzụn ohimin rị a zụn lẹ k'o dọn rị e mẹhunmẹ ọda-ọda; o sikọ d'a gba wẹ ngharị-ẹnya.

Luku 21:25 Iomraidhean Croise

Ẹbụ-ọma 46:3

ọsụọn'a nị mirin rị ohimin rị a zụndẹ okẹn ụzụn, a kpọ ẹbi, a gbọ ụfọfọ; e bulidẹ, e mẹhunmẹ ugu ọda-ọda. Sẹla

Azaya 13:10

Kokisẹ rị igwere lẹ ọkụdụ wẹ etikọ; anwụn rị a wanị k'a gba ishi, ifọn etikọ.

Azaya 17:12

Euu, lee ọnụma ndịnị ile rị a kpọ-o! Ọ nọkẹ ohimin rị a zụn ụzụn! Euu, lee ụzụn alị ichẹn-ichẹn rị a zụn-o! Ọ nọkẹ ụzụn okẹn-mirin!

Azaya 24:23

Ifẹnrẹn anịkọ ifọn ti, ụya anịkọ anwụn mụ; makẹni Osolobuẹ nwọn ikẹn ile k'a rị a kị; Ugu-Zayọnụ, imẹ Jerusalẹm, k'o k'a nọ kị ọkịkị hụn k'a ghọsị ọghọ a idẹnya ndị-isi Jerusalẹm.

Azaya 5:30

Ụhụọhịn hụ, wẹ k'e yi Jerusalẹm oro kẹ ẹwọrọ, oro hụn nọ kẹ ebe ohimin rị a zụn ụzụn. Onyẹ lee alịnị ẹnya ogẹn ahụn, ọ hụn ishi lẹ ụya; igwere k'e gitọ, kpumẹdẹ ukpẹ.

Azaya 51:15

Makẹni mmẹ wụ Osolobuẹ, Chuku ụnụ, hụn e mẹhunmẹ ohimin hụn mirin ẹ gi a tụhunmẹ; Osolobuẹ ihiẹn ile rị okpuru ẹ wụ ẹfan a.

Jerimaya 4:23

E lee m ẹnya ụwa, onwọnni k'ọ nọ, ọ gbachanrịn okpokoro; E lee m ẹnya igwere, onwọnzini ukpẹ rịn'a.

Daniẹlụ 12:1

“O ru ogẹn hụ, Maịkẹlụ onyẹ-isi ndị mmọn-ozi, onyẹ hụn e che ndị nke ụnụ nche, k'a pụha. Ogẹn nsọngbu k'a rị, ụdị hụn rịtulẹni kete anị ichẹn-ichẹn e bidọnlẹ. Kanị, o ru ogẹn hụ, wẹ k'a gbapụha ndị nke ụnụ, wẹ ile ẹfan wẹ rị imẹ ẹkụkwọ hụ.

Maịka 7:4

Mma wẹ e mẹ nọ kẹ ogun; onyẹ hụn kụrụ ọtọ imẹ wẹ akanị ụgba ogun-lẹ-ọkịnkan mma. Kanị ogẹn ahụn ndị-nche ụnụ gwatọ ụnụ a bịagụọ, ogẹn m'e gi ye ụnụ afụnfụn; o sikọ d'a gba ụnụ ngharị-ẹnya!

Matiu 24:29

“Hụn nsọngbu ogẹn hụ gihụ ghafegụ, ẹnyanwụn jẹnkọ d'a gba ishi, ifọn etikọzị; kokisẹ rị igwere k'a dantusọnmẹ, ikẹn ndị rị igwere k'e mẹhunmẹ.

Matiu 27:45

Efinnaị hụ, ọkịkị nọ gba alị hụ ile gha ọkụrọkụ mmẹbụọ ẹnya anwụn gi a rị isi d'e ru ọkụrọkụ ẹtọ.

Makị 13:24

“Ogẹn hụ, ogẹn afụnfụn hụ ghafegụhụ, ẹnyanwụn jẹnkọ d'a gba ishi, ifọn etibehi;

Makị 13:26

Ogẹn hụ kẹ ịhịan ile k'e gi hụn Nwa nke Ịhịan k'ọ rị imẹ orukpu o gi lala ya lẹ ikẹn hi ogbe lẹ ọghọ o k'e gi bịa.

Makị 15:33

O ru ogẹn ẹnyanwụn gi a rị isi, alị hụ ile nọ gba ishi mgbahunmẹ ọkụrọkụ ẹtọ.

Luku 21:24

Wẹ k'e gi ọpịa-agha gbu wẹ, kpụnrụn wẹ shi alị ile rị ichẹn-ichẹn. Alị ndị ọzọ jẹnkọ d'a zọ Jerusalẹm ụkụ d'e ru nị ogẹn alị ndị ọzọ e zu.

Luku 21:26

Ndụn k'a gụ ịhịan yeni egun ihiẹn lalanị ụwa ile, makẹni ikẹn ndị rị igwere jẹnkọ d'e mẹhunmẹ.

Ọrụn Ndị-ozi 2:19

M k'a ghọsịsọnmẹ ihiẹn atụmẹnya elu-igwere, ghọsịsọnmẹ ahịma elu-ụwa — kẹ ẹdeke kẹ ọkụn kẹ ẹnwụnrụn.

Rẹvẹleshọnụ 20:11

Ya m nọ hụn ukpo-eze ọchan hi-ogbe lẹ onyẹ nọdị alị elu ẹ. Ụwa lẹ elu-igwere nọ gbaman'a ọsọ, onwọnzini ebe wẹ k'a nọdị.