Luku 21:24 - Ika

²⁴ Wẹ k'e gi ọpịa-agha gbu wẹ, kpụnrụn wẹ shi alị ile rị ichẹn-ichẹn. Alị ndị ọzọ jẹnkọ d'a zọ Jerusalẹm ụkụ d'e ru nị ogẹn alị ndị ọzọ e zu.

Luku 21:24 Iomraidhean Croise

Jẹnẹsisi 34:26

Wẹ nọ gi ọpịa-agha gbu Hamọ lẹ nwa a wụ Shẹkẹm, gha iwe Shẹkẹm weri Daịna lama.

Ọpụpụ 17:13

Ẹnịna kẹ Joshụa dọn gi ọpịa-agha mẹrichanrịn ndị-agha Amalẹki.

Azaya 5:5

Nị m gwa nwan ụnụ ihiẹn m k'e mẹ alị vaịnị m: m k'e wepụ ihiẹn m gi gbọnhunmẹ ẹ, e wiwi w'ẹ; e tikpọpụ m mgbọn ẹ, a zọtịta w'a.

Azaya 63:18

Makẹni ndị nke i e te werigụọ alị nsọ ị ẹkẹrẹ ogẹn, kanị ndị-iṅẹnrẹn ẹnyi nọ nwan bịa d'a zọtịta Ụlọ-nsọ ị.

Azaya 66:12

Makẹni Osolobuẹ sị, “Lee n'ẹ, m k'e mẹ ihiẹn rịchanrịnnị Jerusalẹm mma kẹ mirin dọn e jun iyi; e mẹ m ẹfe (akụ-lẹ-ụba) alị ichẹn-ichẹn jun ẹ nọkẹ okẹn-mirin. Ụnụ k'a ra ẹran a, ọ parị ụnụ ẹka, pa ụnụ che ọgbọdọgbọ.

Azaya 66:19

M k'a kpaghọsị wẹ ikẹn m, e zi m ndị k'a nwụnhọdụnị shi alị ichẹn-ichẹn — alị Tashishi lẹ alị Pulu lẹ alị Ludu (ndị wẹ gi ịgba-ụta marịn) lẹ alị Tubalụ lẹ alị Javanị wụ Grisi lẹ alị ichẹn-ichẹn tegbu enwẹn wẹ, hụn kelẹni nụ otiti m mọbụ hụn ọghọ m. Uwẹ sikọ d'a gwa ndị alị ichẹn-ichẹn oku ọghọ m.

Ẹkwan 1:15

Osolobuẹ a lagụọ ndị odogun-agha m tọ; o zigụọ ndị-agha d'a pịpịa ikorọbịa m ile. Osolobuẹ a zọpịpịagụọ Nwagbọọ wụ Juda kẹ w'e mẹ ebe wẹ nọ a zọ vaịnị.

Daniẹlụ 12:7

Ya okẹnnyẹ ahụn yi ẹkwa linẹni hụn rị elu mirin-iyi ahụn nọ kịshi ẹka-nni lẹ ẹka-ekpẹn elu zinmẹ elu-igwee, m nọ nụ k'o kun Onyẹ Ahụn Rị Ndụn Jẹnrin-ejẹn, sị, “O k'a rị ahụa ohu cheni ahụa ẹbụọ lẹ mkpikpi. Hụn wẹ gihụ mẹrigụ ndị-nsọ, ihiẹn ndịnị ile k'e mẹzuchanrịn.”

Daniẹlụ 8:13

Ya m nọ nụ kẹ onyẹ-nsọ ohu rị e ku oku, onyẹ-nsọ ọzọ nọ sị a, “Nanị ọhụnnị e biehan d'e mẹ — ọhụn ahụn gbashịarịnị ẹjan w'a chụsọnmẹ ụhụọhịn-ụhụọhịn lẹ arụ ahụn k'e buhẹ ntikpọ, lẹzi ọlatọ wẹ k'a latọn'a Ụlọ-nsọ lẹ igunrun ndị nsọ o k'a zọkpụkpọ?”

Daniẹlụ 9:27

Onyẹ-ọkịkịnị lẹ ndị bu ọda k'e kwerigbama ọrọgbọ ‘ẹsa.’ ‘Ẹsa’ hụ ruọlẹ ahanmahan o k'a kụsị ẹjan w'a chụnị Osolobuẹ lẹ oyiye ndị w'e ye Osolobuẹ. O k'e bu ihiẹn e mẹrụnị tumẹ azụụn ohu imẹ Ụlọ-nsọ, gi ẹ sehẹ ntikpọ — d'e runi Osolobuẹ e mẹ ẹ ihiẹn ọ sị o k'e mẹ, nke ẹ a gụ.”

Malakaị 1:11

“Alị ndị ọzọ a gbaye ẹfan m — gha ebe anwụn nọ a wa d'e ru ebe ọ n'a dan; ndị ile rị ebe ọwụlẹ a mụnị m nsẹnsi e gi a chụnyeni m ẹjan rụlẹni, makẹni ẹfan m nwọn ọghọ ọda-ọda imẹ alị ndị ọzọ.

Luku 21:25

“Wẹ jẹnkọ d'a hụn ihiẹn ahịma ihun ẹnyanwụn lẹ ifọn lẹ kokisẹ rị igwere. Imẹ ụwa, alị ichẹn-ichẹn jẹnkọ d'a rị imẹ nsọngbu, makẹ okẹn ụzụn ohimin rị a zụn lẹ k'o dọn rị e mẹhunmẹ ọda-ọda; o sikọ d'a gba wẹ ngharị-ẹnya.

Ndị Rom 11:25

Umunẹ m, m chọ nị ụnụ marịn ihiẹn-omimini, amamgbe ụnụ e ro nị ụnụ ka ndị ọzọ mkpa. Isi-akwanran Izrẹlụ k'e ruhụ ogẹn ndị wụlẹni ndị Ju banlanị e gi zu ọnụ.

Hibru 11:34

gi okukwe tinyụn okẹn ọkụn, gi ẹ wanahịn ọpịa-agha; gi ẹ nwọnhẹn ikẹn kẹ ndụn gụgụ wẹ; gi ẹ kpa ikẹn agha; gi ẹ chụzịza ndị-agha alị ọzọ;

Rẹvẹleshọnụ 11:2

Ka amalẹ ihun-ezi Ụlọ-NSỌ, hapụ ọhụn makẹni o bugụọ a che ẹka ndị alị ọzọ. Wẹ k'a zọ obodo nsọ hụ ụkụ ọrọgbọ ifọn ẹbụọ kwasị ọgụnnaị.