Luku 20:37 - Ika

³⁷ O mẹ nke iweli ndị nwụnnị, Mozizi lẹ enwẹn ẹ e kugụọd'a ebe ọ nọ ku oku akụ-ọfịa hụ, ebẹhụ ọ nọ kpọ Di-nwọnni-ẹnyi ‘Chuku Ebraham, Chuku Aziki, Chuku Jekọpụ’.

Luku 20:37 Iomraidhean Croise

Jẹnẹsisi 17:7

M k'e tumẹ nkwanị m nkwe ẹgbata mmẹ lẹ yụ lẹ ụmụ ị, d'e rukwọrị agbọ wẹ ile rị ihun: nị m k'a wụrụ Chuku i, wụrụzịkwọ Chuku ụmụ ị.

Jẹnẹsisi 28:13

O legha Osolobuẹ k'o turu mkpọnụnụ obe ahụn. Osolobuẹ nọ sị a, “Mmẹ wụ Osolobuẹ, Chuku Ebraham nẹdi i kanị lẹ Chuku Aziki; m jẹnkọ d'e ye yụ lẹ ụmụ ị alịnị i dinẹ.

Jẹnẹsisi 28:21

hụn wụnị e gi m udọn lẹ ndọnkwa lụaru iwe nẹdi m, Osolobuẹ jẹnkọ d'a wụ Chuku m;

Jẹnẹsisi 32:9

Ya Jekọpụ nọ mẹ ekpere, sị, “Euu Chuku Ebraham nẹdi m kanị, Chuku Aziki nẹdi m; Euu Osolobuẹ, Onyẹ hụn sị m ‘Lakin alị ị; laburu ndị nke i, m k'e mẹ ihiẹn ile ghan'ị’.

Ọpụpụ 3:15

Chuku nọzị sị a, “Gwa ndị Izrẹlụ, ‘Osolobuẹ hụn wụ Chuku ndị nẹdi ụnụ, Chuku Ebraham, Chuku Aziki, Chuku Jekọpụ zihẹ m d'e kunrun ụnụ.’ Ọnwan wụ ẹfan m jẹnrin ejẹn, ẹfan agbọ ile jẹnkọ d'e gi a nyanhan m.

Ditrọnọmi 33:16

ya ye ẹ ihiẹn kachanrịn mma hụn alị lẹ ihiẹn rịn'a e ye lẹ ọhụnma Onyẹ ahụn rị akụ-ọfịa ahụn rị e nwun ọkụn. Ngọzi ndịnị ile ya d'a nọkwasị Josẹfụ isi, ya nọkwasị etintin isi onyẹ hụ wẹ dọnmẹ ichẹn imẹ umunẹ ẹ.