Luku 20:10 - Ika

¹⁰ Ogẹn vaịnị e ru, ọ nọ zi odibo ohu jẹnni ndị hụ rị a rụn ugbo hụ nị wẹ ye ẹ hụn run'ẹ; kanị, ndị hụ nọ gbu odibo ẹ ili, gba a ẹka la.

Luku 20:10 Iomraidhean Croise

Ndị-nze Nke Ibuzọ 22:24

Ya Zẹdikaya nwa Kenaana nọ jẹnburu Maịkaya, ma a ọra, sị a, “Elee ụzọ kẹ mmọn Osolobuẹ ahụn gha hụn o gi gharị m d'a gwa ị oku?”

Ndị-nze Nke Ẹbụọ 17:13

Osolobuẹ gi ndị-amụma a ile lẹ ndị ile a hụn ụzọ o zihẹ gba Izrẹlụ Ẹbamịn ugu lẹ Juda mkpịnsịn-ẹka ẹnya, sị wẹ, “Gha nị eje-ụzọ ụnụ ghakọ pụha. Mẹmẹ ni ihiẹn m sị ọnụ mẹ lẹ uhi m yisọnmẹ — kẹ wẹ dọn rị imẹ Iwu ile m ye ndị nẹdi ụnụ dọnmẹ lẹ kẹ m dọnsọnmẹ gwa ụnụ ghahanị ọnụ ndị-idibo m ndị-amụma.”

Ihiẹn Mẹni Nke Ibuzọ 19:4

Ya Hanunu nọ kwọndọn ndị hụ Defidi zihẹ, kọpụsọnmẹ wẹ ẹtu, be oghe yesọnmẹ ẹkwa wẹ ahanmahan ikẹn, sị wẹ la.

Ihiẹn Mẹni Nke Ẹbụọ 16:10

Asa nọ gi olulu sọn onyẹ hụ a hụn ọhụn makẹ ihiẹnni o ku, bud'ẹ che ụlọ-ngan. O nwọnzighọ ndị Juda Asa gi ẹka-ikẹn mẹ ihiẹn ogẹn ahụn.

Nehemiah 9:26

“Kanị e nupụkwọnị wẹ i isi; e nu wẹ Iwu i ye ụsụọ; e gbu wẹ ndị-amụma ị hụn gwa wẹ njọ wẹ kẹni wẹ gi ẹ rogharị buruhẹz'i; e mẹsọnmẹ wẹ ihiẹn bu ọda wẹ gi kpari i.

Nehemiah 9:30

Ị nọ gi ndidin sọn wẹ ahụa bu ọda, gi Mmọn ị dọsọnmẹ wẹ ẹka-ntịn ghahanị ndị-amụma ị. Kanị egọnni wẹ ntịn. Ya ị nọ bu wẹ che ẹka ndị alị ọzọ nọhunmẹni wẹ.

Ẹbụ-ọma 1:3

Onyẹ hụ nọ kẹ osisi wẹ kụnye mkpẹnrẹn-mirin, hụn a mị mkpụrụ a udu ẹ, hụn ghalẹni a gbụ ẹhụhụọ. Ihiẹn ile onyẹ ahụn buche ẹka a gha ihun.

Jerimaya 2:30

Afụnfụn ile m ye ndị nke i la iwi; egini wẹ mkpịnsịn m fịan wẹ bihutọ ẹka. Ụnụ e gigụọ ọpịa-agha gbu ndị-amụma wẹ zihẹni ụnụ kẹ eje-ẹwọrọ e gburi anụ.

Jerimaya 20:2

Ọ nọ nwụnrụn Jerimaya, sị wẹ fịan a mkpịnsịn, kpọ a ụkụ lẹ ẹka ye aba, Ọnụ-mgbọn ụlọ-nsọ Osolobuẹ, Ọnụ-mgbọn Bẹnjamini hụn rị mkpọnyin.

Jerimaya 35:15

M hụ e zihẹni ụnụ idibo m ndị amụmanị ile ozihẹ-ozihẹ. Wẹ hụ a sị ụnụ, “Onyẹ ọwụlẹ ya mẹbehikwọ eje-ihiẹn ọ rị e mẹ, mẹmẹ ihiẹn rị mma; arụazịlẹ ni mmọn — kẹni ụnụ bisọnmẹ alịnị m ye ụnụ lẹ ndị nẹdi ụnụ.” Kanị, ụnụ achọnị nị ụnụ nụ, ụnụ egọnni m ntịn.

Jerimaya 5:24

W'a ra sịdẹ enwẹn wẹ, ‘Nị ẹnyi gbaye ni Osolobuẹ wụ Chuku ẹnyi, hụn e zihẹ mirin ogẹn ẹ: kẹ mirin ẹnyi gi a kụn ihiẹn-ugbo kẹ hụn ihiẹn-ugbo gi e mẹ ọhụnma; hụn e mẹ ẹnyi a hụnsọnmẹ mkpụrụ a ghọrị ogẹn ịghọ-mkpụrụ.’

Luku 13:34

“Heuu Jerusalẹm! Jerusalẹm!! Obodo hụn e gbu ndị-amụma, e gi ọmụma a magbu ndị wẹ zihẹn'ẹ! Mgbe ole-lẹ-ole kẹ m chọpụ nị m kpọnkikomẹ ndị rị imẹ i kẹ nneku-ọhụhụ dọn e kpọnkikomẹ ụmụ a e ye okpuru nku ẹ, kanị y'a nịnị m!

Luku 20:11

Ọ nọ zijẹn odibo ọzọ; kanị wẹ nọzị gbu ẹ ili, gbe ifẹnrẹn ye ẹ ihun, gba ya nwẹn ẹka la.

Luku 20:9

Ya kẹ Jesu nọ tanị ndị ile rị ebahụn iluni: “Okẹnnyẹ ohu nwọn ugbo-vaịnị, ya k'ọ nọ we ẹ ye ndị jẹnkọ d'a rụnn'a e-gbu-e-ke, ọ nọ shi alị-ịhịan d'a nọbie.

Jọnụ 15:16

“Ẹlẹ ụnụ họrị m; kaka, mmẹ họrị ụnụ, tumẹ ụnụ kẹni ụnụ d'a mị mkpụrụ — mkpụrụ hụn sikọ d'a rịsọnmẹni, kẹni Chuku-Nẹdi ye ụnụ ihiẹn ọwụlẹ ụnụ gi ẹfan m rịọ.

Ndị Rom 7:4

Umunẹ m, ụnụ nwẹn a nwụnnahịngụọzị Iwu Mozizi ebe ụnụ nọ sọn Kraịstị nwụn, kẹni wẹ hụn ụzọ we ụnụ ye onyẹ ọzọ lụrụ, onyẹ hụ Osolobuẹ gha ọnwụn weli, kẹni ẹnyi mịnị Osolobuẹ mkpụrụ.