Luku 2:36 - Ika

³⁶ O nwọnzighọ okpoho onyẹ-amụma w'a kpọ Ana, nwa Fanụẹlụ, onyẹ ebọn Asha k'ọ wụ; ọ kagụọ ẹgẹdi; ahụa ẹsa sụọ kẹ ịya lẹ di ẹ bi di ẹ nọ nwụnhụn.

Luku 2:36 Iomraidhean Croise

Jẹnẹsisi 30:13

Ya Lia nọ sị, “Ịghọghọ e jun m obi! Ikpoho k'a kpọ m Ịghọghọ!” Ọ nị kpọ a Asha.

Ndị-nze Nke Ẹbụọ 22:14

Hil'kia wụ onyẹ isi nchụn-ẹjan, Ahikam, Akịbọ, Shafanị lẹ Asaya nọ jẹn d'a gwa okpoho onyẹ amụma wụ Hul'da, nwunyẹ Shalum nwa Tikva nwa Hahasị, Hahasị hụn e lepụ ebe wẹ e dọnmẹ ẹwuru ẹnya imẹ Ụlọ-nsọ. Idumu nke Ẹbụọ rị Jerusalẹm kẹ Hul'da bi.

Jobu 5:26

Ị k'a kakpụkpọgụ i kebe nwụnhụn, nọkẹ ọka wẹ be ogẹn-ọka, kpọntọ.

Ẹbụ-ọma 92:14

Wẹ kagụdẹ ẹgẹdi, wẹ k'a gha a mịzị mkpụrụ, e du, a gha ihun;

Ọpụpụ 15:20

Ya kẹ Miriam, okpoho onyẹ-amụma, nwẹnẹ Ẹrọnụ, nọ weri ẹgede-chakachaka, ikpoho ile nọ werisọnmẹ ẹgede sọn ẹ; wẹ hụ a kụ, e tẹn egu.

Izikẹlụ 13:17

“Nwa-ịhịan, bu nwan ihun zinmẹ ikpoho ụnụ ndị rị e gi ihiẹn obi wẹ gwa wẹ e bu amụma; gwa wẹ ihiẹn m k'e mẹ wẹ.

Luku 2:35

yụ nwẹn, ihiẹn-ụfụ jẹnkọ d'e zupu i obi nọkẹ agbada; oku nwatanị sikọ d'e wepụha iroro ndị bu ọda ifọn.”

Luku 2:38

Ogẹn ohu hụ kẹ ya nwẹn gi pụha ebẹhụ, kpanmịnma Osolobuẹ, e ku oku nwata hụ kẹni ndị ile rị e che ni Osolobuẹ gbapụha Jerusalẹm nụ.

Ọrụn Ndị-ozi 2:18

Ẹghẹẹ, ogẹn hụ, m k'e hu Mmọn-nsọ m kpu idibo m — kẹ ikẹnnyẹ kẹ ikpoho, e bu wẹ amụma.

Ọrụn Ndị-ozi 21:9

Ụmụ Filipu ịgbagba ẹnọ e bu amụma.

Ndị Kọrẹntị Ibuzọ 11:5

Kanị, nwunyẹ ọwụlẹ bu isi-oghe e mẹ ekpere mọbụ e zi ozi Osolobuẹ rị e budan onyẹ-isi ẹ, makẹni ya lẹ ikpụnpụ ntutu wụ ohu.

Ndị Kọrẹntị Ibuzọ 12:1

Umunẹ m, nị m ku nwan oku oyiye Mmọn-nsọ. M chọ nị ụnụ ghọta a ọhụnma.

Timoti Ibuzọ 3:2

Ya wụ, onyẹ-isi ụka k'a wụrịrị onyẹ nwọnlẹni nkọrịanị. O k'a wụrịrị onyẹ nwọn nwunyẹ ohu sụọ; onyẹ e kwọndọn enwẹn ẹ; onyẹ nwọn uche; onyẹ furu w'a gbaye, onyẹ ma nabanhan ọbịa; onyẹ ma kuzi nkuzi.

Timoti Ibuzọ 5:9

Okpoho di ẹ nwụn rugụ ahụa ọgụn ẹtọ mọbụ karị sụọ kẹ ụka jẹnkọ d'e lepụ ẹnya; o k'a wụrịrị onyẹ lụkarịlẹni di ohu.

Joshụa 19:24

Ebọn Asha lẹ ikpụlọ ndị rịn'a mẹ ebọn isẹn wẹ keye alị ogẹnni.

Rẹvẹleshọnụ 7:6

nnụ-uku mmẹbụọ wụ ndị ikpụlọ Asha; nnụ-uku mmẹbụọ wụ ndị ikpụlọ Naf'tali; nnụ-uku mmẹbụọ wụ ndị ikpụlọ Manasẹ;

Ndị Han Eṅẹn 4:4

Okpoho onyẹ-amụma ohu w'a kpọ Debọra, nwunyẹ Lapidọtụ, a hannị Izrẹlụ eṅẹn ogẹn hụ.

Samuẹlụ Nke Ibuzọ 1:2

Ẹl'kana nwọn inyẹnmẹ ẹbụọ. Ẹfan ohu wụ Hana. Ẹfan hụn ẹbọ wụ Pẹnina. Pẹnina mụ ụmụ, kanị Hana amụnị.