Luku 2:13 - Ika

¹³ Idẹnmizi, igunrun ndị mmọn-ozi elu-igwee nọ nwọnpụha cheni mmọn-ozi ibuzọ hụ, a ja Chuku mma, a sị,

Luku 2:13 Iomraidhean Croise

Jẹnẹsisi 28:12

Ọ nọ rọ nrọ: imẹ nrọ ahụn, ọ nị hụn obe turu alị, mkpọnụnụ a ru elu-igwee; ndị mmọn-ozi Osolobuẹ hụ e nyinjẹn ẹ e nyinlụa.

Ndị-nze Nke Ibuzọ 22:19

Ya Maịkaya nọ kumẹzi, sị, “Gọn nwan ntịn n'ị nụ ihiẹn Osolobuẹ ku. M hụn kẹ Osolobuẹ nọdị elu ukpo eze ẹ, ndị mmọn-ozi ile rị elu-igwee turuhunmẹ ẹ ẹka-ihiẹn lẹ ẹka-ekpẹn.

Jobu 38:7

K'ọ rị e mẹmẹ ẹ, kokisẹ-ụtụntụn ile hụ a bụ ẹbụ, ndị mmọn-ozi ile hụ e yi oro ịghọghọ.

Ẹbụ-ọma 148:2

Ndị mmọn-ozi ẹ ile, ja n'a mma! Ihiẹn ile rị okpuru ẹ, ja n'a mma!

Ẹbụ-ọma 68:17

Chuku gi ụgbọ-ẹshin ẹ nnụ-uku ole-lẹ-ole gha Ugu Saịnaị banhan Ụlọ-nsọ a.

Izikẹlụ 3:12

Ya kẹ Mmọn Osolobuẹ nọ buli m elu, m nọ nụ ụzụn ibe azụụn m, ụzụn ahụn nọ kẹ ụzụn okẹn mirin. Ọghọ ahụn m hụn Osolobuẹ gi pụha ebẹhụ a pụkakwọ ichẹn!

Daniẹlụ 7:10

Iyi nọ kẹ ọkụn hụ e hu — a gha ebe onyẹ hụ dịnọ ukpo hụ rị a pụha. Mmadụ nnụ-uku ole-lẹ-ole hụ e jẹnn'ẹ ozi; ijẹri ole-lẹ-ole rị ihun ẹ e che. Ọgwa e zugụọ nị wẹ kinmẹ ikpe, wẹ nọ shịapụsọnmẹ ẹkụkwọ.

Luku 15:10

M rị a gwa ụnụ, ẹrịra kẹ ịghọghọ dọn a rị imẹ igunrun ndị mmọn-ozi Osolobuẹ makẹni onyẹ-njọ rogharị erogharị.”

Luku 2:12

Ihiẹnni kẹ ụnụ jẹnkọ d'e gi marịn a: ụnụ jẹnkọ d'a hụn nwa wẹ gi ẹkwa fụma, bu dinẹ imẹ ihiẹn anụ gi e ri ihiẹn-oriri.”

Luku 2:14

“Ịja-mma ya rịnị Osolobuẹ ebẹhụ kachanrịn elu ejẹn; udọn ya rịnị ndị rị imẹ ụwa, ndị ọ rị e mẹni ọhụnma!”

Ndị Ẹfẹsọsụ 3:10

kẹni o gi ụka ghọsị ndị-ọkịkị lẹ eje-mmọn ile ikẹn rị ẹka wẹ imẹ elu amamihiẹn Osolobuẹ hụn nwọn agala bu ọda.

Timoti Ibuzọ 3:16

W'a rụ ụka a, ihiẹn-omimi rị ofufe Osolobuẹ e hikẹ — nị O gi ẹhụ pụha, Mmọn-nsọ a ghọsị nị ịya rọ nke-esi; ndị mmọn-ozi a hụnghọ a. Ịhịan e zisọnmẹgụọ ozi ẹ alị ichẹn-ichẹn; e kwerigụọnị w'a imẹ ụwa. O gi ọghọ lashi elu-igwee.

Hibru 1:14

Ẹlẹ mmọn e jẹn ozi kẹ ndị mmọn-ozi wụhụ? Ẹlẹ mmọn Osolobuẹ zihẹ d'e yeni ndị jẹnkọ d'e nwọn nzụọpụha ẹka kẹ wẹ wụ?

Pita Ibuzọ 1:12

Osolobuẹ nọ ghọsị wẹ nị ẹlẹ wẹ, nị ụnụ kẹ wẹ rị e zitọnị ozi. Ụnụ a nụgụọ a nwan ọnụ ndị wẹhẹni ụnụ oziọma ghahanị ikẹn Mmọn-nsọ ahụn Osolobuẹ gha elu-igwee zihẹ. Ndị mmọn-ozi nkẹ a chọka nị wẹ leghadẹ ihiẹn ndịnị!

Rẹvẹleshọnụ 5:11

E lezi m ẹnya, m nọ nụ olu ndị mmọn-ozi bugbu enwẹn wẹ ọda! Wẹ fihunmẹ ukpo hụ lẹ ihiẹn ndị hụ rị ndụn lẹ ndị-isi hụ. Wẹ rị ijẹri ijẹri, nnụ-uku nnụ-uku.