Luku 2:11 - Ika

¹¹ A mụgụọnị wẹ ụnụ Onyẹ-nzụọpụha tannị imẹ obodo Defidi; ịya wụ Kraịstị, Onyẹ Hụ Osolobuẹ Tumẹ, hụn wụ Di-nwọnni-ẹnyi!

Luku 2:11 Iomraidhean Croise

Jẹnẹsisi 3:15

“M k'e mẹ ịyụ lẹ okpohoni wụrụ eṅẹnrẹn, mẹzikwọ nwa ị lẹ nwa a wụrụ eṅẹnrẹn. Nwa a k'a zọkpọ ị isi; yụ nwẹn k'a ta nwa a atụ-ụkụ azụụn.”

Jẹnẹsisi 49:10

Ọkpọ-eze aghakọ Juda ẹka pụ, ọkpọ onyẹ-ọkịkị aghakọ a ngadan pụ — d'e ru mgbe onyẹ nwọn ọkpọ ahụn e gi bịa. Ndị alị ichẹn-ichẹn k'a gha e buhẹ ihiẹn d'a chann'a ẹnya, e sekpun'ẹ alị.

Ẹbụ-ọma 2:2

Ndị-nze ụwa rị a kwademẹ, ndị ọkịkị wẹ rị e zu umẹ nị wẹ bunụmanị Osolobuẹ lẹ onyẹ o te udẹn, tumẹ!

Azaya 9:6

Makẹni a mụgụọnị wẹ ẹnyi nwa, e yegụọ wẹ ẹnyi nwa-okẹnnyẹ; ịya jẹnkọ d'a kị. Wẹ k'a kpọ a Onyẹ-ndụnmọdụn Hụn Pụ-ichẹn, Chuku Hụn wụ Dikẹn, Nẹdi Itẹbitẹ, Eze-Udọn.

Matiu 1:16

Jekọpụ wụ nẹdi Josẹfụ; Josẹfụ wụ di Meri — onyẹ hụn mụ Jizọsị hụn w'a kpọ “Kraịstị.”

Matiu 1:21

O k'a mụ okẹnnyẹ. I jẹnkọ d'a gụn nwa hụ Jesu (Jizọsị) makẹni ịya jẹnkọ d'a zụọpụha ndị nke ẹ imẹ njọ wẹ.”

Matiu 16:16

Saịmọnụ wụ Pita nọ za, sị, “Yụ wụ Kraịstị hụn wụ nwa OSOLOBUẸ RỊ NDỤN.”

Matiu 16:20

Ya Jizọsị nọ dọ ndị nsọnmazụụn a ẹka-ntịn, wẹ agwakwọlẹ onyẹ ọwụlẹ nị ya wụ Kraịstị.

Luku 1:43

Okẹn ngọzi kẹ m nwọn ebe nnẹ Di-nwọnni m nọ bịa d'a hụn m!

Luku 1:69

O wepụhagụọnị ẹnyi Mpịn k'a zụọpụha ẹnyi, onyẹ ikpụlọ odibo ẹ wụ Defidi.

Luku 2:26

Mmọn-nsọ mẹ ẹ marịn n'ọ nwụnkọ d'e ru n'ọ hụn Kraịstị, Onyẹ Hụ Di-nwọnni-ẹnyi Tumẹ.

Luku 2:4

Ya Josẹfụ nọ gha obodo Nazarẹtị rị Galili shi obodo Bẹtilẹhẹm rị Judia, obodo wẹ nọ mụ Defidi, makẹni onyẹ ikpụlọ Defidi k'ọ wụ.

Jọnụ 1:41

Ọ nọ bu ụzọ chọjẹn nwẹnẹ ẹ wụ Saịmọnụ, sị a, “Ẹnyi a hụnọlẹ Onyẹ Nzụọpụha Hụ Osolobuẹ Tumẹ hụn wụ Kraịstị.”

Jọnụ 1:45

Filipu a hụn Natanẹlụ, ọ nọ sị a, “Ẹnyi a hụnọlẹ onyẹ hụ Mozizi de imẹ Iwu, onyẹ ahụn wẹ dezikwọ imẹ ẹkụkwọ ndị-amụma — Jesu onyẹ Nazarẹtị nwa Josẹfụ rọ.”

Jọnụ 11:27

Mata nọ sị a, “Ẹghẹẹ Di-nwọnni-ẹnyi, e kwerighọ m nị yụ wụ Kraịstị Nwa Osolobuẹ, onyẹ ahụn wẹ rị e lee ẹnya a elu ụwa.”

Jọnụ 20:31

Kanị, wẹ deye ndịnị kẹni ụnụ hụn ụzọ kweri nị Jesu wụ Kraịstị (hụn wụ Onyẹ Nzụọpụha Hụ Osolobuẹ Tumẹ), Nwa Osolobuẹ, kẹni ụnụ gi ẹfan a nwọn ndụn ghahanị okweri ụnụ kwerin'ẹ.

Jọnụ 4:25

Okpoho hụ nọ sị a, “A marịnghọ m nị Onyẹ Nzụọpụha Hụ Osolobuẹ Tumẹ hụn w'a kpọ Kraịstị lala; ọ bịa, n'ọ gwachanrịnghọ ẹnyi ihiẹn ile.”

Jọnụ 4:42

Wẹ nọ sị okpoho hụ, “Ẹlẹzi ihiẹn i ku sụọ kẹ ẹnyi gi kweri, makẹlẹ ẹnyi lẹ enwẹn ẹnyi a nụọlẹ ọnụ a, marịn nị ọnwan wụ Onyẹ-nzụọpụha ụwa nke-esi.”

Jọnụ 6:69

Ẹnyi e kwerighọ, marịnzịkwọ, nị ịyụ wụ Onyẹ-nsọ Osolobuẹ.”

Jọnụ 7:41

Ndị ọzọ sị, “Ọnwan wụ Kraịstị, Onyẹ Nzụọpụha ahụn Osolobuẹ tumẹ!” Kanị o nwọnzighọ ndị sị, “Kraịstị k'a wụdẹ nwan onyẹ Galili ra?!

Ọrụn Ndị-ozi 10:36

Ụnụ a marịnghọ ozi o zijẹnni ndị Izrẹlụ: oziọma ya lẹ ịhịan gi e dọn ghahanị Jesu Kristi Onyẹ nwọn ihiẹn ile lẹ ịhịan ile.

Ọrụn Ndị-ozi 13:23

Chuku e mẹgụọ ihiẹn o kwe nkwa a: ọ ghagụọ ebọn okẹnnyẹni wụ Defidi wepụhanị ndị Izrẹlụ Onyẹ-nzụọpụha wụ Jizọsị.

Ọrụn Ndị-ozi 17:3

a kọwa, a ghọsị nị Ẹkụkwọ-nsọ ku ẹ nị Onyẹ hụ Osolobuẹ tumẹ k'a ta afụnfụn, n'o k'a ghazịkwọ ọnwụn lihi. Ọ hụ a sị wẹ, “Jesuni m rị a gwa ụnụ oku ẹ wụ Kraịstị, Onyẹ hụ Osolobuẹ tumẹ.”

Ọrụn Ndị-ozi 2:36

Ndị Izrẹlụ ile, ya we nwan ụnụ ẹnya nị Osolobuẹ e mẹọlẹ Jesuni ụnụ kpọgbu elu obe wụrụ Onyẹ nwọn ihiẹn ile lẹ Onyẹ-nzụọpụha hụ ụnụ rị e lee ẹnya a.”

Ọrụn Ndị-ozi 5:31

Osolobuẹ e weshigụọ a nwan elu, bu ẹ che ẹka-nni ẹ, ebẹhụ ọghọ rị, mẹmẹ ẹ Onyẹ-ndu lẹ Onyẹ-nzụọpụha, kẹni ndị Izrẹlụ gha ẹka a rogharị nwọnhẹn mgbagharị njọ wẹ.

Ndị Kọrẹntị Ibuzọ 15:47

Onyẹ ibuzọ hụ gha ụwanị bịa, onyẹ wẹ gi ẹjan mẹmẹ rọ; hụn-ẹbọ gha elu-igwee bịa.

Ndị Filipi 2:11

ọnụ ile k'e kurịrị a nị Jesu Kristi wụ Onyẹ nwọn ihiẹn ile, ọghọ e gi ẹ bịanị Chuku-Nẹdi.

Ndị Filipi 3:8

Ẹlẹdẹ ọhụn sụọ, a gụngụọdẹ m ihiẹn ile ye ihiẹn la iwi, makẹ ufiri ihiẹn hụn ka wẹ ile ọhụnma-ọhụnma, hụn wụ ịmarịn Kraịst Jizọsị Di-nwọnni m, onyẹ hụn m gi nwan ufiri ẹ nị ihiẹn ile la, weridẹ wẹ kẹ nsịn, kẹni m kwọnkẹnmẹ Kraịstị,

Ndị Kolosị 2:6

Ebe o mẹ ni ụnụ a nabanhangụọ Jizọs Kraịstị nọkẹ Di-nwọnni ụnụ, e bi ni nwan kẹ ndị nke ẹ;

Jọnụ Ibuzọ 4:14

Ẹnyi a hụngụọ a, ku ẹ, nị Chuku-Nẹdi e zihẹgụọ Nwa a d'a wụ Onyẹ-nzụọpụha ụwa.

Jọnụ Ibuzọ 5:1

Onyẹ kweri nị Jisọzị wụ Kraịstị, hụnyẹ wụ nwa Osolobuẹ; onyẹ ọwụlẹ nwọn ihiẹn-ọsụsụọ nẹdi, nwọnzikwọ ihiẹn-ọsụsụọ onyẹ hụn ọ mụ.