Luku 18:3 - Ika

³ Okpoho ohu di ẹ nwụn rịzị obodo hụ; ọ hụ a bịa d'a rịọ okẹnnyẹ hụ, ‘Dodo, d'a hannị mmẹ lẹ onyẹ rị e mẹgbuni m eṅẹn!’

Luku 18:3 Iomraidhean Croise

Jobu 22:9

Y'a chụpụghọ ndị di wẹ nwụn, a gbarị wẹ ẹka, y'a napụghọ ndị nwọnlẹni nẹdi ihiẹn wẹ gi dọn ẹnya.

Jobu 29:13

Ndị te nwụnkọnị a gọzi m agọzi; m'e mẹ obi a sụọmazị onyẹ di ẹ nwụn ụsụọ — ọ bụma ẹbụ-ịghọghọ.

Azaya 1:17

Mụnị kẹ wẹ dọn e mẹ ihiẹn rị mma! A kwadọn ni ezigbo eṅẹn, e yeni ni ndị wẹ rị e mẹgbu ẹka. A nọ nị ndị nwọnlẹni nẹdi e ye azụụn, e kinni ni ikpoho di wẹ nwụn ọnụ wẹ.

Jerimaya 5:28

tutu, e dẹn. Ẹfọ eje-ihiẹn ara jun wẹ; w'a ra kuni ndị nwọnlẹni nẹdi ọnụ wẹ ru isi ẹ. W'a ra shi ọnwụn nị ihiẹn ogbẹnnyẹ ru ẹ ẹka.

Matiu 5:25

“Ịyụ lẹ onyẹ ikpe i sụọkin ẹgwa, ebe ụnụ kelẹni ru ọgwa, amamgbe o we i ye ọka-ikpe, ọka-ikpe e we i ye (ụlakpa) onyẹ ẹwuru-ogi, a tụ wẹ i ye ụlọ-ngan.

Luku 18:2

Ọ sị, “O nwọn okẹnnyẹ ohu oku rị ẹka imẹ obodo ohu. Ara tụ egun Osolobuẹ, ara gbaye ịhịan.

Luku 18:4

Okẹnnyẹ hụ a jụbe n'o lekọ a ẹnya ihun, ọ nọ sị enwẹn ẹ, ‘Ọsụọn'a nị m'a ra tụ egun Osolobuẹ mọbụ gbaye ịhịan,

Luku 18:5

m sikọ d'e gi ufiri nsọngbuni okpohoni di ẹ nwụn rị e ye m mẹ wẹ ye ẹ ihiẹn run'ẹ, makẹ ẹhụ gha a ghanahịn m yeni ọbịbịanị ọ rị a bịa ogẹn ile!’ ”

Ditrọnọmi 27:19

“Ịbụ-ọnụ ya rịnị onyẹ k'a napụ ndị abịamabịa, ndị nwọnlẹni nẹdi lẹ nnẹ lẹ ikpoho di wẹ nwụnhụn ihiẹn runi wẹ.” Ịhịan ile sị, “Isẹẹ!”