Luku 17:30 - Ika

³⁰ Ẹrịra k'o jẹnkọ d'a rị ụhụọhịn hụ Nwa nke Ịhịan jẹnkọ d'a bịa.

Luku 17:30 Iomraidhean Croise

Matiu 16:27

“Ẹghẹẹ, Nwa nke Ịhịan k'e gi ọghọ Nẹdi ẹ bịa, ya lẹ ndị mmọn-ozi ẹ k'a wị; ogẹn hụ, o k'a kụ onyẹ ọwụlẹ ụgwọ ihiẹn o mẹ.

Matiu 24:3

Jizọsị nọdị alị elu Ugu Olivu, ndị nsọnmazụụn a nọ bịa d'e kunrun ẹ ebẹhụ ya sụọ nọdị, sị, “Gwa ẹnyi, elee ogẹn kẹ ihiẹn ndịnị jẹnkọ d'e mẹ? Kị wụ ahịma ọbịbịa ị lẹ ahịma ọgụgụ-ogẹn?”

Matiu 24:37

Ọbịbịa Nwa nke Ịhịan jẹnkọ d'a nọ kẹ ihiẹn mẹ ogẹn Nụa.

Matiu 24:39

amarịn wẹ ihiẹn rị e mẹni d'e ru ni okẹn mirin hụ a bịa, gbupụ wẹ ile. Ẹrịra kẹ ọbịbịa Nwa nke Ịhịan jẹnkọ d'a rị.

Matiu 26:64

Jizọsị nọ sị a, “Y'e kugụọ a. M rị a gwa ụnụ ile nị ogẹnni ghafegụ, ụnụ sikọ d'a hụn Nwa nke Ịhịan ebe ọ nọdị alị ẹka-nni Osolobuẹ Onyẹ nwọn ikẹn ile, hụnzị a k'ọ rị elu orukpu o gi lala.”

Makị 13:26

Ogẹn hụ kẹ ịhịan ile k'e gi hụn Nwa nke Ịhịan k'ọ rị imẹ orukpu o gi lala ya lẹ ikẹn hi ogbe lẹ ọghọ o k'e gi bịa.

Luku 17:24

Makẹni, kẹ amụma dọn e be elu-igwere, a hụn w'a azụụn ile, ẹrịra kẹ Nwa nke Ịhịan jẹnkọ d'a nọ ụhụọhịn o k'a bịa.

Luku 17:29

Kanị, ụhụọhịn hụ Lọtụ gha Sodọm pụ, ọkụn lẹ nsịn-ẹnyanwụn nọ gha elu-igwee zuetu kẹ mirin, gbuchanrịn wẹ ile.

Luku 21:22

Makẹni ogẹn mmẹgwarị rọ, ogẹn w'e gi mẹzuchanrịn ihiẹn ile wẹ de imẹ Ẹkụkwọ-nsọ.

Luku 21:27

Ogẹn hụ kẹ wẹ jẹnkọ d'e gi hụn Nwa nke Ịhịan k'ọ rị imẹ orukpu o gi lala, ya lẹ ikẹn lẹ ọghọ hi-ogbe.

Ndị Kọrẹntị Ibuzọ 1:7

Onwọnzini nwan oyiye Mmọn-nsọ akọnị ụnụ kẹ ụnụ dọn rị e che ọbịbịa Onyẹ-nwọnni-ẹnyi wụ Jizọs Kraịstị.

Ndị Kọrẹntị Ibuzọ 1:8

Onyẹ-nwọnni-ẹnyi Jizọs Kraịstị k'e mẹ ụnụ turu d'e ru njẹndemẹ, makẹ ụnụ gha e nwọn nkọrịanị Ụhụọhịn Onyẹ-nwọnni-ẹnyi Jizọs Kraịstị.

Ndị Kolosị 3:4

Ogẹn Kraịstị hụn wụ ndụn ụnụ jẹnkọ d'e gi pụha, ụnụ nwẹn e sọn ẹ gi ọghọ pụha.

Ndị Tẹsalonika Nke Ẹbụọ 1:7

mẹ ụnụ nwẹn rị a ta afụnfụn zu ikẹn, mẹzikwọ ẹnyi nwẹn zu ikẹn. O jẹnkọ d'e mẹ ẹ ogẹn Di-nwọnni-ẹnyi Jesu k'e gi gha elu-igwee bịa, ya lẹ ndị mmọn-ozi ẹ hụ kin akwanran.

Pita Ibuzọ 1:13

Kwademẹ ni nwan obi ụnụ, e dọnrin ẹnya; buchanrịn nị obi che ọhụnma hụ Osolobuẹ k'e mẹni ụnụ ogẹn Jesu Kristi e gi bịa.

Pita Ibuzọ 1:7

wẹ rị e gi wẹ a ghọsị nị okukwe ụnụ wụ ezigbo ẹ, makẹni okukwe ụnụ ka goru mkpa bụ wẹ e gidẹ ọkụn e lele goru — ọsụọn'a nị goru e wiwi ewiwi! Wẹ rị e lele okukwe ụnụ, kẹni wẹ ja ụnụ mma ogẹn Jizọsị e gi bịa, ye ụnụ ọghọ lẹ mgbaye.

Pita Ibuzọ 4:13

Ka ghọghọma nị, makẹni ụnụ rị e sọn Kraịstị a ta afụnfụn a; kẹni ụnụ hụn ụzọ ghọghọ, ghọghọ ọhụnma-ọhụnma, mgbe ọghọ a k'a pụhachanrịn ifọn.

Jọnụ Ibuzọ 2:28

Ẹghẹẹ ụmụẹka, nọdị nị imẹ ẹ, kẹni obi ru ẹnyi ile alị ogẹn o gi bịa, amamgbe ifẹnrẹn e mẹ ẹnyi ihun ẹ Ụhụọhịn o k'a bịa.

Jọnụ Ibuzọ 3:2

Ndị nke m, ẹnyi wụ nwan ụmụ Osolobuẹ, bụ ihiẹn ẹnyi jẹnkọ d'a wụ eke pụha ifọn; kanị ẹnyi a marịnghọ nị ọ bịa, ẹnyi k'a nọ kẹ ịya makẹni ẹnyi sikọ d'a hụnchanrịn a k'ọ nọ.

Rẹvẹleshọnụ 1:7

Lee ẹ! O nyinla orukpu; ẹnya ile jẹnkọ d'a hụn a — kẹ ndị hụ dụn a ihiẹn. Ndị alị ile rị ụwa jẹnkọ d'a kwan ẹkwan makẹ ufiri ẹ. Ẹrịra k'o jẹnkọ d'a rị! Isẹẹ!