Luku 16:3 - Ika

³ Hụn e lepụn'a ihiẹn ẹ ẹnya nọ sị enwẹn ẹ, ‘Hụnnị di-nwọnni m jẹnkọ d'a chụ m ọrụn, kị m'e mẹ nwan? Enwọn m ndụn m'e gi rụn ugbo bụ ifẹnrẹn anịkọ m rịọ ụrịọ.

Luku 16:3 Iomraidhean Croise

Ẹsta 6:6

Ogẹn Hamanị gi banhan, eze nọ jụ a, “Kịnị kẹ wẹ k'e mẹni onyẹ eze chọ n'o ye ọghọ?” Hamanị nọ sị enwẹn ẹ, “Onyẹ kẹ eze k'e yezi ọghọ karị mmẹ?”

Itẹn 13:4

Ihiẹn a gụnsọnmẹ onyẹ-nzụnzụn bụ onwọnni hụn e ru ẹ ẹka; kanị onyẹ ẹka shi ikẹn e nwọnhẹnchanrịn ihiẹn rị a gụn a ẹgụn.

Itẹn 15:19

Ẹnya onyẹ-nzụnzụn, ogun gbọnkinsọnmẹ ụzọ, kanị ẹnya onyẹ ezi-omumẹ ụzọ rịchanrịn mma.

Itẹn 18:9

Onyẹ hụn ghalẹni a rụnshi ọrụn a ikẹn lẹ onyẹ hụn e wiwini wụ nwẹnẹ.

Itẹn 19:15

Nzụnzụn e buhẹ okẹn-ụran, onyẹ ẹka-nkụtọpụ a ranhịn ẹgụn.

Itẹn 20:4

Onyẹ-nzụnzụn ara kụn ihiẹn-ugbo ogẹn furuni: o ru nwan ogẹn wẹ gi e we ihiẹn-ugbo, ọ chọma ihiẹn-ugbo kanị ọ hụnkọ.

Itẹn 29:21

Ịhịan gha ebe odibo ẹ rị nwata pụpọmama a, nsọngbu kẹ odibo hụ k'e buhẹn'ẹ ikpanzụụn.

Azaya 10:3

Kị ụnụ k'e mẹ nwan ụhụọhịn o k'a jụ ụnụ ajụjụ — ogẹn nsọngbu k'a gha ebe teni bịa? Onyẹ kẹ ụnụ k'a gbaburu n'o yeni ụnụ ẹka? Elebe kẹ ụnụ k'e butọ akụ-lẹ-ụba ụnụ?

Jerimaya 5:31

Ndị-amụma rị e bu amụma-ntụ, ndị nchụn-ẹjan hụ e gi ọrụn wẹ a kpa ikẹn — bụ ọ hụdẹ a sụọ ndị nke m ẹrịra! Kị ụnụ k'e mẹ nwan ogẹn ikpanzụụn?

Hosia 9:5

Kị ụnụ k'e mẹ nwan ebẹhụ ụhụọhịn mmẹmmẹ; ụhụọhịn ụnụ gi e mẹni Osolobuẹ mmẹmmẹ?

Matiu 20:8

“O ru ogẹn ẹnyasị, onyẹ hụ nwọn ugbo-vaịnị nọ sị onyẹ hụn e lepụn'a ugbo-vaịnị hụ ẹnya, ‘Kpọ ndị ọrụn hụ n'ị kụ wẹ ụgwọ wẹ, gha ndị ikpanzụụn kụma.’

Makị 10:46

Jesu wẹ e ru Jẹriko; ogẹn ya lẹ ndị nsọnmazụụn a lẹ igunrun hi-ogbe sọnkọnị wẹ gi gha imẹ Jẹriko pụkọ, onyẹ ẹnya-ishi ohu a rịọ ụrịọ nọdị alị mkpẹnrẹn ụzọ ebahụn, Batimịọsụ nwa Timọsụ rọ.

Luku 12:17

Ọ sị enwẹn ẹ, ‘Enwọn m ebe m'e butọ ihiẹn ugbo m. Kị m'e mẹ nwan?’

Luku 16:2

Ya ọ nọ kpọ a, sị a, ‘Kị wụ ihiẹnni m rị a nụ? Kọwachanrịnnị m k'i dọn rụn, makẹni y'e lepụkọzịnị m ihiẹn m ẹnya.’

Luku 16:20

“O nwọnzikwọ okẹnnyẹ ohu ẹfan a wụ Lazarọsụ; ogbẹnnyẹ rọ, ẹtẹ jun ẹ ẹhụ ile. W'e bu Lazarọsụ a tọ ọnụ-mgbọn ọdanfịn hụ ogẹn ile.

Luku 16:22

“Omẹgụ, ogbẹnnyẹ hụ nọ nwụnhụn, ndị mmọn-ozi nọ bu ẹ shi ebe Ebraham rị. Ọdanfịn hụ a nwụnhụnzịkwọ, wẹ nọ li ẹ.

Luku 16:4

A marịngụọ m nwan ihiẹn m jẹnkọ d'e mẹ, kẹni, omẹni a chụ wẹ m ọrụn, a hụn m ndị jẹnkọ d'a nabanhan m iwe wẹ.’

Luku 18:4

Okẹnnyẹ hụ a jụbe n'o lekọ a ẹnya ihun, ọ nọ sị enwẹn ẹ, ‘Ọsụọn'a nị m'a ra tụ egun Osolobuẹ mọbụ gbaye ịhịan,

Jọnụ 9:8

Ndị nọchimẹn'ẹ lẹ ndị marịn n'o te a rịọ ụrịọ hụ a sị, “Ẹlẹ hụn a nọdị alị a rịọ ụrịọ wụ ọnwan?”

Ọrụn Ndị-ozi 3:2

O nwọn okẹnnyẹ ohu dan ngụrọ kete wẹ mụl'a hụn w'e buhẹ ebẹhụ. Ụhụọhịn ile kẹ wẹ gi e butọ a ọnụ-mgbọn rị Ụlọ-nsọ hụn w'a kpọ “Ọnụ-mgbọn Ma mma,” kẹni ọ hụn ụzọ a rịọ ndị rị a banye imẹ Ụlọ-nsọ ihiẹn.

Ọrụn Ndị-ozi 9:6

Ka lihi nwan n'ị banye imẹ obodo; wẹ k'a gwa ị ihiẹn i k'e mẹ.”

Ndị Tẹsalonika Nke Ẹbụọ 3:11

Kanị, ẹnyi a nụgụọ nị ẹka kụtọpụ ụfọdụ imẹ ụnụ: onwọnni ihiẹn w'a rụn, wẹ rị a ghahunmẹ a rụn ọrụn wẹ zilẹni wẹ.