Luku 16:2 - Ika

² Ya ọ nọ kpọ a, sị a, ‘Kị wụ ihiẹnni m rị a nụ? Kọwachanrịnnị m k'i dọn rụn, makẹni y'e lepụkọzịnị m ihiẹn m ẹnya.’

Luku 16:2 Iomraidhean Croise

Ẹkịliziastisi 12:14

Makẹni Chuku jẹnkọ d'a jụ ịhịan ukwere ihiẹn ile o mẹ, ya lẹ ihiẹn ile zuerini — kẹ mma kẹ njọ.

Matiu 12:36

M rị nwan a gwa ụnụ n'o ru Ụhụọhịn Ichin-ikpe, wẹ k'a jụ ịhịan oku ile nwọnlẹni isi o ku.

Matiu 20:8

“O ru ogẹn ẹnyasị, onyẹ hụ nwọn ugbo-vaịnị nọ sị onyẹ hụn e lepụn'a ugbo-vaịnị hụ ẹnya, ‘Kpọ ndị ọrụn hụ n'ị kụ wẹ ụgwọ wẹ, gha ndị ikpanzụụn kụma.’

Luku 12:20

Kanị Osolobuẹ nọ sị a, ‘Onyẹ nzuzu! Uhinhinni kẹ wẹ jẹnkọ d'a napụ ị ndụn ị! Onyẹ jẹnkọ nwan d'e nwọnrin ihiẹn ndịnị ile i rụntọ?’ ”

Luku 12:42

Di-nwọnni-ẹnyi nọ za, “Onyẹ wụ onyẹ nlepụ-ẹnya ahụn furu wẹ gi e dọn ẹnya, marịn ihiẹn, hụn di-nwọnn'ẹ bu idibo rị iwe ẹ che ẹka, n'ọ hụn ụzọ e ye wẹ ihiẹn-oriri furu onyẹ-onyẹ ogẹn o furu?

Luku 16:1

Jizọsị nọzị sị ndị nsọnmazụụn a, “Ọdanfịn ohu nwọn onyẹ e lepụn'a ihiẹn ẹ ẹnya. Ọ nọ nụma nị hụnyẹ rị e ritịta ihiẹn ẹ.

Luku 16:3

Hụn e lepụn'a ihiẹn ẹ ẹnya nọ sị enwẹn ẹ, ‘Hụnnị di-nwọnni m jẹnkọ d'a chụ m ọrụn, kị m'e mẹ nwan? Enwọn m ndụn m'e gi rụn ugbo bụ ifẹnrẹn anịkọ m rịọ ụrịọ.

Ndị Rom 14:12

Ya wụ nwan nị onyẹ-onyẹ imẹ ẹnyi sikọ d'a kọnị Osolobuẹ k'o jẹn.

Ndị Kọrẹntị Ibuzọ 1:11

Umunẹ m, m rị e ku ẹ makẹni ndị ikpụlọ Klo a gwagụọ m nị ikpe lẹ nkewa rị imẹ igunrun ụnụ.

Ndị Kọrẹntị Ibuzọ 4:2

Ihiẹn w'a chọ nwan ẹka onyẹ wẹ buche ihiẹn ẹka a wụ nị o furu wẹ gi e dọn ẹnya.

Ndị Kọrẹntị Ibuzọ 4:5

Eke hanlẹ ni nwan eṅẹn ebe ogẹn kelẹni ru. Cheri ni nị Di-nwọnni-ẹnyi bịa. O jẹnkọ d'e wepụha ihiẹn rị imẹ ishi ifọn, o kpuchanrịn obi ile oghe. Ogẹn hụ, onyẹ-onyẹ a narịn ọjịja-mma run'ẹ ẹka Osolobuẹ.

Ndị Kọrẹntị Nke Ẹbụọ 5:10

Makẹni ẹnyi ile k'a pụha ihun Oche okinkin-ikpe Kraịstị n'o kin ẹnyi ikpe, kẹni onyẹ-onyẹ narịn ụgwọ ihiẹn ọ rụn k'ọ rị imẹ ẹhụnị — kẹ mma kẹ njọ.

Timoti Ibuzọ 4:14

Alatọkwọlẹ oyiye rị imẹ i, hụn i nwọnhẹn ghahanị amụma lẹ ẹka ndị-isi ụka bukwasị ị.

Timoti Ibuzọ 5:24

O nwọn ndị njọ wẹ a pụhachanrịn ifọn, a ma wẹ ikpe, wẹ kebe kinmẹdẹ wẹ ikpe, kanị nke ndị họdụnị e sọn wẹ, wẹ kingụ wẹ ikpe ọ pụha ifọn.

Pita Ibuzọ 4:10

Onyẹ-onyẹ imẹ ụnụ ya gi oyiye Osolobuẹ ye ẹ e yeni ibe ẹ ẹka, rịkẹ ndị ma kwọndọn oyiye ichẹn-ichẹn Osolobuẹ ye.

Pita Ibuzọ 4:5

Kanị wẹ jẹnkọ d'a gwa Osolobuẹ kẹ wẹ jẹn, Osolobuẹ hụn rị nwan e che n'o kin ndị rị ndụn lẹ ndị nwụnhụnnị ikpe.

Rẹvẹleshọnụ 20:12

M nọ hụn ndị nwụnhụnnị kẹ wẹ turu nwan ihun ukpo-eze hụ, kẹ onyẹ-uku kẹ onyẹ-nta. E kpupụsọnmẹ wẹ ẹhụhụọ bu ọda; ya wẹ nọzị kpupụ ẹhụhụọ ọzọ, hụn wụ ẹkụkwọ ndụn-itẹbitẹ. Wẹ nọ gi ihiẹn wẹ detọsọnmẹ imẹ ẹhụhụọ ndị hụ kin onyẹ-onyẹ ikpe ihiẹn o mẹ.