Luku 16:11 - Ika

¹¹ “O mẹ nwan nị y'e kwọndọnni akụ-lẹ-ụba ụwanị ọhụnma, onyẹ k'e ye i ezigbo akụ-lẹ-ụba kwọndọn?

Luku 16:11 Iomraidhean Croise

Matiu 6:24

“Onwọnni onyẹ a saẹka e fe madụ ẹbụọ: makẹni, ọ k'a gbakitọ ohu azụụn, bu obi che hụn-ẹbọ, mọbụ o we enwẹn ẹ kwanị ohu, legberi hụn-ẹbọ: y'a sakọ ẹka fe Osolobuẹ lẹ egho.

Luku 12:33

Repụ nị ihiẹn ụnụ nwọn, we egho ẹ ye ndị igbẹnnyẹ, ya kẹ ụnụ e gi kwarị ẹkpa ghalẹni a kahị, nwọnferi akụ-lẹ-ụba imẹ elu-igwee. Ohin asakọ ẹka ru ebahụn; ẹkịka asakọ ẹka ri ihiẹn rị ebẹhụ.

Luku 16:12

Y'e dọnmẹni ihiẹn onyẹ ọzọ ọhụnma, onyẹ jẹnkọ d'e ye i nke i?

Luku 16:9

“M rị a gwa ị: gi akụ-lẹ-ụba ụwanị han ọwụ, omẹni ọ gụ, kẹni ị hụn onyẹ jẹnkọ d'a nabanhan ị iwe ẹ biri jẹnrin ejẹn.

Luku 18:22

Jizọsị a nụ ihiẹn ọ za, ọ nọ sị a, “O nwọn ihiẹn ohu i kelẹni mẹ: repụ ihiẹn ile i nwọn, y'e we egho ẹ ye ndị igbẹnnyẹ, gi ẹ nwọn akụ-lẹ-ụba imẹ elu-igwee; y'a bịa d'e sọnmẹ m.”

Ndị Ẹfẹsọsụ 3:8

Ọsụọn'a nị mmẹ kachanrịndẹ ntịn imẹ ndị nke Osolobuẹ, o ye m oyiyeni kẹni m zi ndị alị ọzọ oziọmanị, gwa wẹ ezigbo ihiẹn nwọnlẹni ọgụgụ hụn jun imẹ Kraịstị,

Jemisi 2:5

Ezigbo umunẹ m m bu obi, gọn ni ntịn! Osolobuẹ a họrịgụọnị ndị wụ igbẹnnyẹ imẹ ụwanị mẹ wẹ wụrụ ndị-ịdanfịn imẹ okukwe, wụrụzị ndị k'a banye Alị-eze hụ o kwe nkwa n'o k'e ye ndị ihiẹn ẹ a sụọ?

Rẹvẹleshọnụ 3:18

M rị nwan a dụn ị ọdụn: ṅọnnarịn m ezigbo goru unyin rịlẹni, kẹni i hụn ụzọ wụrụ ọdanfịn nke-esi; ṅọnnarịn m ẹkwa ọchan yiri amamgbe w'a hụn ọtọ ị ahụn e mẹ ifẹnrẹn; ṅọnnarịnzị m ọgụn-ẹnya tụnye ẹnya, kẹni i leghama ụzọ.