Luku 14:23 - Ika

²³ Ya di-nwọnn'ẹ nọ sị a, ‘Shi nwan ụwaya lẹ nwa-ozue: lịlịma n'ị mẹ ịhịan bịa kẹni ụlọ m jun.

Luku 14:23 Iomraidhean Croise

Ẹbụ-ọma 110:3

Ndị nke i k'e wepụhachanrịn obi sọnjẹn i agha ụhụọhịn i k'a kpa ikẹn; yụ lẹ ọghọ rị nsọ rị ị ẹhụ, eki fọn ụhụọhịn hụ, ndụn-okorọbịa ị e ziẹntun'i nọkẹ igirigi.

Ẹbụ-ọma 98:3

Ọ nyanhangụọ ghọsịzị ndị Izrẹlụ ihiẹn-ọsụsụọ a, ghọsị wẹ n'o furu wẹ gi e dọn ẹnya. Elu ụwa ile a hụngụọ nzụọpụha Osolobuẹ ẹnyi!

Azaya 11:10

Ogẹn hụ, Mkpọgụn Jese ahụn jẹnkọ d'e suepụhanị k'a wụrụnị alị ichẹn-ichẹn ahịma wẹ tumẹni wẹ hụn w'e gi e dọn ẹnya; ndị alị ichẹn-ichẹn jẹnkọ d'e buruhẹ ẹ, ebe o bi jẹnkọ d'e nwọn ọghọ ọda-ọda.

Azaya 27:13

O ru ogẹn ahụn, okẹn opi k'a han, ndị Izrẹlụ ile hụn rị alị Asiria a la iwi lẹ ndị ile wẹ kpụnshi alị Ijiptu k'a lụa d'a nọ elu ugu nsọ hụ rị Jerusalẹm fe Osolobuẹ.

Malakaị 1:11

“Alị ndị ọzọ a gbaye ẹfan m — gha ebe anwụn nọ a wa d'e ru ebe ọ n'a dan; ndị ile rị ebe ọwụlẹ a mụnị m nsẹnsi e gi a chụnyeni m ẹjan rụlẹni, makẹni ẹfan m nwọn ọghọ ọda-ọda imẹ alị ndị ọzọ.

Matiu 21:43

“M rị nwan a gwa ụnụ nị wẹ jẹnkọ d'a narịn ụnụ Alị-eze Osolobuẹ, we ẹ ye ndị alị ọzọ jẹnkọ d'a mị mkpụrụ a.

Matiu 5:41

Onyẹ wa ijẹn maịlị ohu ye i olu, y'e sọn ẹ jẹn maịlị ẹbụọ.

Luku 14:22

Omẹgụ, odibo hụ nọ bịa, sị a, ‘Diọkpa, e mẹgụọ m ihiẹn i zi m, kanị ebẹhụ eke junkwọ.’

Luku 14:24

M rị a gwa ụnụ, onwọnni akpụ onyẹ ohu imẹ ndị hụ wẹ bu ụzọ kpọ hụn jẹnkọ d'a danmịn ihiẹn-oriri m!’ ”

Luku 24:29

wẹ nọ rịọ a ọda-ọda, sị a, “Dodo, du ẹnyi nọdị, nị ọhị a gbamagụọ, ụhụọhịn tannị a gụmagụọ.” Ya ọ nọ banye d'e sọn wẹ nọdị.

Ọrụn Ndị-ozi 16:15

Ogẹn wẹ gi mẹgụ ya lẹ ikpụlọ a mirin-Chuku, ọ nọ gi arịrịọ sị ẹnyi, “Omẹni ụnụ weri ẹ nị m kwerini Di-nwọnni-ẹnyi, bịa nị nwan iwe m d'a nọdị.” Ọ rịọ ẹnyi ọda-ọda, ẹnyi nọ kweri.

Ọrụn Ndị-ozi 18:6

Ogẹn ndị Ju gi bunụman'a, kparimẹ ẹ, ya kẹ ọ nọ zinzinpụ uzunzun rị a ẹkwa tọnị wẹ gi gwa wẹ n'e mẹọlẹ wẹ eje-ihiẹn, ọ sị wẹ, “Ẹdeke ụnụ rị ụnụ isi! Ẹka m rị ọchan! Gha kikẹnni jẹnmẹ, e buru m ndị wụlẹni ndị Ju.”

Ọrụn Ndị-ozi 28:28

Marịn nị nwan n'e zigụọ wẹ ndị alị ọzọ ozi nzụọpụhanị gha ẹka Osolobuẹ bịa: nị wẹ gọnghọ ntịn!”

Ọrụn Ndị-ozi 9:15

Kanị Di-nwọnni-ẹnyi nọ sị a, “Jẹnmẹ, makẹni okẹnnyẹni kẹ m họrị n'ọ wụrụ ihiẹn-ọrụn m hụn k'e we ẹfan m jẹnni alị ndị ọzọ lẹ ndị-nze lẹ ndị Izrẹlụ;

Ndị Rom 10:18

Nị m jụ nwan: ndị Izrẹlụ anụnị nwan ozi hụ ra? Eziẹ, a nụgụọ w'a. Ọ nọhụ kẹ Ẹkụkwọ-nsọ dọn ku, sị, “Olu wẹ a pụọlẹ; ọ ghagbarịgụọ ụwa ile; ihiẹn wẹ rị e ku e rugụọ ebe ụwa ru.”

Ndị Kọrẹntị Nke Ẹbụọ 5:11

Egun Di-nwọnni-ẹnyi haịnkwọ ẹnyi gi a rịọ ịhịan ile sọnmẹ ẹ. Osolobuẹ a marịnghọ ẹnyi ọhụnma-ọhụnma; e gighọ m'a dọn nị ụnụ nwẹn a marịnzịghọ ẹnyi imẹ obi ụnụ.

Ndị Kọrẹntị Nke Ẹbụọ 5:20

Ndị-nnọkin ẹnya Kraịstị kẹ ẹnyi wụ nwan, Osolobuẹ gi ẹnyi a rịọ ụnụ; ẹnyi rị nwan a rịọdọnni Kraịstị: dodo ni, “Kinhẹn ni d'e kunrun Osolobuẹ!”

Ndị Kọrẹntị Nke Ẹbụọ 6:1

Makẹni ẹnyi lẹ Osolobuẹ gba a rụn, ẹnyi rị nwan a rịọ ụnụ: dodo ni, anịlẹ ni ẹfọma Osolobuẹ rugụ ụnụ ẹka la iwi.

Ndị Kolosị 1:23

omẹkwọ nị ụnụ e wuzoghọ ọhụnma, turukẹnmẹ imẹ okukwe; omẹni ụnụ alatọnị olilẹnya hụ rị oziọma ụnụ nụ hụn wẹ zigbarịgụ ndị ile rị okpuru elu-igwee. Ọrụn Oziọmanị kẹ wẹ tumẹ mmẹ wụ Pọlụ d'a rụn.

Ndị Kolosị 1:28

Kraịstịnị kẹ ẹnyi rị nwan a ghahunmẹ e ku oku ẹ, e gi amamihiẹn ile Osolobuẹ ye ẹnyi a dọ onyẹ ọwụlẹ ẹka-ntịn, a kuzi onyẹ ọwụlẹ, kẹni ẹnyi saẹka wepụha wẹ ile ihun Osolobuẹ nọkẹ ndị ka-ẹhụ imẹ Kristi.

Timoti Nke Ẹbụọ 4:2

e ku oku-Chuku; e ku ẹ ogẹn ile, kẹ ọnọdị rị mma kẹ ọnọdị jọ njọ; a gwapụ ịhịan njọ wẹ, a jụgbọ, a kasị obi, e gichanrịn ndidin lẹ nkuzi e mẹ ẹ.