Luku 14:13 - Ika

¹³ “Kama, ị kpọ oriri, kpọ ndị igbẹnnyẹ lẹ ndị ngụrọ lẹ ndị ụkụ rịlẹni ikẹn lẹ ndị ẹnya-ishi.

Luku 14:13 Iomraidhean Croise

Samuẹlụ Nke Ẹbụọ 6:19

Ya ọ nọ ye onyẹ-onyẹ rị igunrun Izrẹlụ ile hụ ogbe brẹdi ohu-ohu, kẹ ikẹnnyẹ kẹ ikpoho, o yezi wẹ ọkpụkpụ deti ohu-ohu wẹ pịngbama kikọ lẹ ọkpụkpụ vaịnị ohu-ohu wẹ pịngbama kikọ. Omẹgụ, wẹ ile nọ lashi iwe wẹ.

Ihiẹn Mẹni Nke Ẹbụọ 30:24

Hezikaya wụ eze Juda wepụhanị Izrẹlụ okẹn-efin nnụ-uku lẹ atụnrụn lẹ ewu nnụ-uku ẹsa; ndị-isi e wepụha okẹn-efin nnụ-uku lẹ atụnrụn lẹ ewu nnụ-uku iri. Ndị nchụn-ẹjan fe ẹhụ e bukẹmẹkẹ ọda.

Nehemiah 8:10

Nehimaya a sị wẹ, “Jẹnmẹ ni, d'e ri ni ihiẹn-oriri rị mma; d'a ra nị ihiẹn-ọrịra sụọnị — ụnụ e zijẹnzikwọnị ndị nwọnlẹni hụn wẹ k'e ri. Tannị rị nsọ ẹnya Osolobuẹ ẹnyi; akwanlẹ ni ụya, ịghọghọ Osolobuẹ e ye k'e ye ụnụ ikẹn.”

Nehemiah 8:12

Omẹgụ, wẹ ile nọ nwan jẹnmẹ d'e ri ra, d'e zijẹnzikwọnị ndị ọzọ ihiẹn-oriri, d'e mẹ mmẹmmẹ ndị rị a ghọghọ ọda-ọda, makẹni wẹ ghọha oku ile wẹ kọwanị wẹ.

Jobu 29:13

Ndị te nwụnkọnị a gọzi m agọzi; m'e mẹ obi a sụọmazị onyẹ di ẹ nwụn ụsụọ — ọ bụma ẹbụ-ịghọghọ.

Itẹn 14:31

Onyẹ hụn e mẹgbu ndị igbẹnnyẹ rị e legberi Onyẹ keni wẹ, kanị onyẹ ọwụlẹ e mẹni ndị elu rị a fụ ọhụnma rị a gbaye Chuku.

Itẹn 22:9

Onyẹ a ha ẹka k'e nwọn ngọzi, makẹni o yebeye ndị igbẹnnyẹ ihiẹn-oriri ẹ.

Azaya 58:10

omẹni y'e we ihiẹn nkẹ y'e ri ye ndị ẹgụn rị a gụn, e ye ndị wẹ rị a bịangbu ihiẹn rị wẹ mkpa, ogẹn ahụn ukpẹ i k'e nwunmẹ ebe ishi te rị, uhinhin i a nọ kẹ efinaị.

Azaya 58:7

Ịgha e ri ị hụ a nyanhan ndị ẹgụn rị a gụn lẹ iye ogbẹnnyẹ nwọnlẹni ụlọ ebe o k'a nọdị; Ị hụn onyẹ gba ọtọ, y'e jemẹ ẹ ẹkwa lẹ ịhụn a nị y'a gbakitọnị nwẹnẹ i azụụn. Ẹlẹ ịya?

Matiu 15:30

Ịhịan hụ e ruhẹ d'e kunrun ẹ, e wẹhẹn'ẹ ndị ngụrọ, ndị ẹnya-ishi, ndị ọrọ, ndị odin lẹ imẹrinmẹ ndị ọzọ, e bu wẹ a tọ ụkụ a. Ọ nọ zụọchanrịn wẹ ile,

Matiu 22:10

Idibo ẹ nọ jẹnsọnmẹ ọgbara-ogbe, wẹhẹ ndị ile wẹ hụn, kẹ ezigbo ịhịan kẹ eje-ịhịan, ọbịa e jun ebahụn wẹ nọ e ri oriri-agbamẹkụkwọ.

Luku 11:41

Ka we ni nwan ihiẹn rị imẹ ẹ ye ndị igbẹnnyẹ, ogẹn ahụn ihiẹn ile a rịchanrịnnị ụnụ ọchan.

Luku 14:12

Ya Jizọsị nọ sị onyẹ hụn kpọ a oriri, “Ị gha kpọ oriri, akpọlẹ ndị ọwụ ị mọbụ nwẹnẹ i mọbụ ndị nke ụnụ mọbụ ndị-ịdanfịn ibe i amamgbe w'a kpọgwarị ị, ọhụn a wụrụ ụgwọ-ọrụn ị.

Luku 14:14

“I jẹnkọ d'e nwọnhẹn ngọzi makẹni asa wẹ ẹka kụkin i y'ẹ, Osolobuẹ sikọ d'a kụkin i y'ẹ ụhụọhịn hụ ndị ezi-omumẹ k'a gha ọnwụn lihi.”

Luku 14:21

Ya nwata iwe okẹnnyẹ hụ nwọn ụlọ nọ bịa d'a gwa a k'o jẹn. Olulu nọ bu di-nwọnn'ẹ ọ nọ sị odibo ẹ, ‘Jẹnmẹ nwan ọgbara-ogbe lẹ ụzọ ụpụ ile ozigbo d'e wẹhẹsọnmẹ ndị igbẹnnyẹ lẹ ndị ngụrọ lẹ ndị ẹnya-mpịn lẹ ndị ụkụ wẹ rịlẹni ikẹn.’

Ọrụn Ndị-ozi 9:39

Ya Pita nọ lihi, sọnmẹ wẹ. E ru w'ẹ, wẹ nọ w'ẹ shi mmughẹ hụ rị ibe elu. Ikpoho ile di wẹ nwụnhụn e fihunmẹ Pita, a kwan ẹkwan, a ghọsị a ẹwuru tueni lẹ ẹkwa ndị ọzọ Dọkasị kpa k'ọ rị ndụn.

Ditrọnọmi 14:29

nị ndịnị wẹ hụn bi imẹ obodo ụnụ bịa d'e ri, rijun ẹfọ: ndị Livaị (makẹni ekeyeni wẹ ndị Livaị alị mọbụ ukuu nke ẹka wẹ), ndị abịamabịa, ndị nwọnlẹni nẹdi lẹ ikpoho di wẹ nwụn; lẹzi kẹni Osolobuẹ wụ Chuku ụnụ hụn ụzọ a gọzi ihiẹn ile ụnụ buche ẹka.

Ditrọnọmi 16:11

ụnụ a nọ ihun Osolobuẹ wụ Chuku ụnụ ghọghọ, ebahụn o k'a họrị Ẹfan a k'a rị, ụnụ lẹ ụmụ ụnụ ikẹnnyẹ lẹ ikpoho, idibo ụnụ ikẹnnyẹ lẹ ikpoho, ndị Livaị, ndị abịamabịa, ndị nwọnlẹni nẹdi lẹ ikpoho di wẹ nwụn.

Ditrọnọmi 16:14

Ghọghọ nị ọhụnma-ọhụnma ụnụ gha e mẹ Mmẹmmẹ ahụn, ụnụ lẹ ụmụ ụnụ ikẹnnyẹ lẹ ikpoho, idibo ụnụ ikẹnnyẹ lẹ ikpoho lẹ ndịnị wẹ hụn bisọnmẹ imẹ obodo ụnụ: ndị Livaị, ndị abịamabịa, ndị nwọnlẹni nẹdi lẹ ikpoho di wẹ nwụn.

Timoti Ibuzọ 3:2

Ya wụ, onyẹ-isi ụka k'a wụrịrị onyẹ nwọnlẹni nkọrịanị. O k'a wụrịrị onyẹ nwọn nwunyẹ ohu sụọ; onyẹ e kwọndọn enwẹn ẹ; onyẹ nwọn uche; onyẹ furu w'a gbaye, onyẹ ma nabanhan ọbịa; onyẹ ma kuzi nkuzi.

Timoti Ibuzọ 5:10

Ọ k'a wụrịrị onyẹ wẹ gi ọrụn ọma marịn: ya wụ, n'ọ zụnghọ ụmụ; n'ọ nabanhanghọ ndị ọbịa; n'o feghọ ndị nke Osolobuẹ, chanchanpụ wẹ unyin ụkụ; n'o yeghọnị ndị rị nsọngbu ẹka; n'o bughọ enwẹn ẹ che ọrụn ọma ụzọ ile.

Taịtọsụ 1:8

Kama, o k'a wụrịrị onyẹ ma nabanhan ọbịa; onyẹ hụn imẹ ihiẹn rị mma a sụọ; onyẹ uche ẹ zu oke, onyẹ kụma enwẹn ẹ ọtọ; onyẹ rị nsọ, onyẹ e kwọndọn enwẹn ẹ.

Filemọnụ 1:7

Ezigbo nwẹnẹ m, ihiẹn-ọsụsụọ i nwọn e mẹ m a ghọghọ ọda-ọda, a gbazị m umẹ, makẹni Osolobuẹ e gigụọ ị gba ndị nsọ umẹ.

Hibru 13:2

Egikwọlẹ ni ịnabanhan ndị ọbịa gu egu, makẹni o nwọngụọ ndị gi ẹ nabanhan ndị mmọn-ozi, lee wẹ ọbịa, bụ a marịn wẹ nị ndị-mmọn ozi rọ.